Monday, December 8, 2014

ചുംബ്ബനകാലം


കാമുകന്റെ ചുണ്ട് കണ്ട്

കാമുകി അമ്പരന്നു.

ചുണ്ടുകൾ കാവിയും പച്ചയും കൊണ്ട്

പൊതിഞ്ഞു വീർത്തിരിക്കുന്നു.

 

രാത്രിയിൽ ചുംബ്ബിക്കാൻ

തുനിഞ്ഞ ഭർത്താവിന്റെ

ചുണ്ടില്ലാത്ത മുഖം കണ്ട്

ഭാര്യ നിലവിളിച്ചു.

 

പകൽ ചുണ്ടുകൾ

ദുരാചാരമായതുകൊണ്ട്

ഏതോ പാർട്ടിയാപ്പിസിൽ

സൂക്ഷിച്ച ചുണ്ടുകൾ

പരതിയെടുക്കാൻ മറന്നുപോയ

പാവം ഭർത്താവ്.

 

മാറ് മറച്ചവളുടെ

മുലയരിഞ്ഞ് നാട്ടിൽ

ചുംബ്ബിത ചുണ്ടുകളെ യെന്തു ചെയ്യും?

നാളെ കൈകോർക്കുന്നവരുടെ

ആൺപെൺ കൈകളെ വെറുതെ വിടാമോ!

സ്പർശനം ചുംബ്ബനത്തെക്കാൾ

അധിഘോര പാപം!!

 

പക്ഷികൾക്കും മൃഗങ്ങൾക്കും

ചുംബ്ബിക്കാനധികാരമുണ്ട്.

കാരണം അവർക്ക് മനുഷ്യരെ പോലെ

കുബുദ്ധിയും നിയമങ്ങളുമില്ല.

1 comment:

ഇആര്‍സി - (ERC) said...

ഇന്നത്തെ ദുരാചാരം നാളത്തെ സദാചാരമായീടും