കുറുവെടി – 8

^{അഴീക്കോടിന്റെ അനുശോചനയോഗത്തില്‍ രാഷ്ട്രീയക്കാരുടെ തിക്കും തിരക്കും. സാംസ്ക്കാരിക പ്രവര്‍ത്തകരും, ആത്മവിദ്യാസംഘക്കാരും,ഗാന്ധിയന്മാരും പുറത്ത്.}

കുറുവെടി : രാഷ്ട്രീയക്കാര്‍‍ക്കാണല്ലോ അഴീക്കോടിന്റെ നാവ് വേണ്ടത്.അഴീക്കോട് ആരാ മോന്‍ രാഷ്ട്രീയസാംസ്ക്കാരികസിങ്കമല്ലേ....

 

>>കുറുവെടി 7

കുറുവെടി – 7

തിരുകേശം കത്തിച്ച് പ്രവാചകന്റേത് തന്നെയാണോയെന്ന് ഉറപ്പ് വരുത്തണമെന്ന് കാന്തപുരത്തിന്റെ എതിര്‍വിഭാഗം.

കുറുവെടി : എന്റെ അള്ളോ.. ഇങ്ങനെ പോയാല്‍ കാന്തപുരത്തിന്റെ ദൈവവിശ്വാസം പരിശോധിക്കാന്‍ കാന്തപുരത്തെ കത്തിച്ച് നോക്കാമെന്ന് പറയുമല്ലോ. പണ്ഡിതന്മാര്‍ ഇതും പറയും ഇതിലപ്പുറവും പറയും. കാന്തപുരം ഭായി നിങ്ങള്‍ 40 കോടിയുടെ പള്ളി പണിയ്. അപ്പോ കാണാം ഇവറ്റകള്‍ മുട്ടിലിഴഞ്ഞ് വരും തിരുകേശം കാണാന്‍ ഹല്ല പിന്നെ….

40 കോടിന്റെ പള്ളീല്‍ തിരുകേശം ബെക്ക് ന്ന് അപ്പം ബരും ലച്ചം ലച്ചം പിന്നാലെ കോടിയും ബരും.

ബറതല്ല പണ്ടൊരു ചങ്ങായി പറഞ്ഞത് മതം മനുസനെ മയക്കുന്ന കറുപ്പാണെന്ന്.

കുറുവെടി 6>>>>

വീട്ടിലെ വയോധികരെങ്ങോട്ട് പോകും?

പെ‍ന്‍ഷനായി

ചാരുകസേരയിലിരുപ്പായി.

നനച്ച ചെടികള്‍‍

മാനം മുട്ടെ വളര്‍‍ന്നു.

ശിഖരങ്ങളില്‍ കണ്ണെത്താതായി.

മക്കളെല്ലാം ഉയരങ്ങളിലായി.

താഴേക്ക് നോക്കാന്‍‍ നേരമില്ലവര്‍‍ക്ക്.

തിരക്കാണ്‍, ജീവിതം ഹൈടെക്കായി.

പെന്‍ഷന്‍ തുഛമത്രെ, ജീവിതം ഹൈടെക്കാക്കാന്‍.

മിണ്ടരുത് നുണ പറയരുത്,

കണക്ക് ചോദിക്കരുത്,

കടപ്പാടുകളോര്‍‍മ്മിപ്പിക്കാതെ.

അഭിപ്രായങ്ങള്‍ അലോസരങ്ങളായി.

താരാട്ടിനായിയുയറ്ന്ന കരങ്ങളിന്ന്

ചുക്കിചുളിഞ്ഞ് കരിഞ്ഞ വിറകിന്‍ കൊള്ളിയായി.

ഇടറുന്ന പതറുന്ന കരചരണങ്ങളില്‍

തൈലങ്ങളെത്താതായി.

മാന്യമാര്‍ വരുമ്പോള്‍

അപശകുനങ്ങളായി

വരാന്തയില്‍ നിരങ്ങരുത്.

മൂലയില്‍ അമ്മിക്കല്ലായി

ഒടുക്കുക ജീവിതം.

വിധിയിത് ജീവിതമിത് വിലാപസങ്കടഏകാന്തനാളിത്.

വീട്ടിലെ വയോധികരെങ്ങോട്ട് പോകും?

പറയുവാനെന്തൊക്കയോ ഉണ്ട്

കേള്‍ക്കുവാനാരുമില്ലൊട്ടുതാനും.

വിധിയിത് ജീവിതമിത് വിലാപസങ്കടഏകാന്തനാളിത്.

വീട്ടിലെ വയോധികരെങ്ങോട്ട് പോകും?


Play Audio

Podcast Powered By Podbean

വീട്ടിലെ കുട്ടികളെങ്ങോട്ട് പോകും?

കരഞ്ഞാലമ്മ തല്ലും.

ചിരിച്ചാലഛന്‍ തല്ലും.

കൂട്ടുകാരോടൊത്ത് കളിച്ചാല്‍‍

അമ്മയോതും പരാതിയില്‍‍

അഛന്‍ ചൂരല്‍ കഷായം പൂശും

ചന്തിയില്‍ പത്തില്‍ കുറഞ്ഞിടാതെ.

 

മാര്‍‍ക്ക് കുറഞ്ഞാല്‍‍

ടീച്ചറമ്മയും അഛന്‍‍ മാഷും

ഞെക്കി ഞെക്കി തീര്‍‍ക്കും പാതി ജീവനെ.

ഗൃഹപാഠം തീര്‍‍ക്കണം

അടുക്കളപണി നോക്കണം

പശുവിന്‍ പുല്ല് കൊടുക്കണം

ചാണകമണമേറും ഉടുപ്പുമായോടണം

അവസാനബസ്സില്‍‍ അവസാന മണിയടിക്കുമുമ്പെ

സ്കൂളില്‍‍ മിസ്സിന്റെ ദുര്‍‍മുഖം കാണാതെ.

അനങ്ങരുത്,അങ്ങോട്ടുമിങ്ങോട്ടും നോക്കരുത്

ആരോടും മിണ്ടരുത്.

തെറ്റിയാല്‍ തല ഭിത്തിയിലിടിച്ചാക്രോശിക്കും

സൃഷ്ടികര്‍‍ത്താവാം താതന്‍‍.

പിളര്‍ന്ന ചൂരല്‍വടിയില്‍

ഇറ്റ് വീഴുന്നു ചോര 
തുടയരികിലൂടെ
ഹൃദയരേഖയിലൂടെ.

വിധിയിത് ജീവിതമിത് ലക്ഷമണരേഖാവൃത്തമിത്.

വീട്ടിലെ കുട്ടികളെങ്ങോട്ട് പോകും?

ഞാനാണധിപന്‍‍ എന്നുമെന്നെന്റെ അവസാനം വരെ

നിങ്ങളെന്നും കീടങ്ങളെന്റെ അടിമകള്‍‍.

കല്ലെപിളര്‍‍ക്കുന്ന താതന്റെ ശാസന കേട്ടു

തകരുന്നു തരളിത ഹൃദയം.

വിധിയിത് ജീവിതമിത് ലക്ഷമണരേഖാവൃത്തമിത്.

വീട്ടിലെ കുട്ടികളെങ്ങോട്ട് പോകും?
Play Audio

Podcast Powered By Podbean

കുറുവെടി – 6

ഭൂമി കിട്ടിയ സോമന്‍ വീ എസ്സിന്റെ ബന്ധുവാണോ എന്ന ചോദ്യത്തിന് വീ എസ്സ് ഉത്തരം
പറയണമെന്ന് ഉമ്മന്‍ച്ചാണ്ടി.

സോമന്‍ എന്റെ ബന്ധുവാണെന്ന് പറഞ്ഞ വീ എസ്സ് ഉമ്മന്‍ച്ചാണ്ടിയുടെ രണ്ട് ചോദ്യത്തിനെതിരെ
ഏഴ് ചോദ്യങ്ങള്‍ ചോദിക്കുകയും ചെയ്തു.

കുറുവെടി : മന്ത്രിമാരുടെ ബന്ധുക്കളാരുങ്കിലും സര്ക്കാര് ജീവനക്കാരായി ഉണ്ടെങ്കില്‍ രാത്രിയ്ക്ക്

രാമാനം രാജി വെച്ച് പോയേക്കണം അല്ലെങ്കില്‍ മന്ത്രിക്ക് പണി കിട്ടും. ബന്ധുക്കള്‍ക്ക് സര്‍ക്കാര്‍ ആനുകൂല്യങ്ങളോ സൌജന്യങ്ങളോ കിട്ടിയിട്ടുണ്ടെങ്കില്‍ മുന്‍മന്ത്രിമാരും ജയിലില്‍ പോകേണ്ടി

വരും മോനെ….അതു കൊണ്ടു രേഖകളൊക്കെ തുപ്പല് തൊട്ട് വേഗം മായിച്ചേക്ക്. എന്റെള്ളോ

എന്തൊരു പൊല്ലാപ്പ്.


ഈ ജനാധിപത്യരാജ്യത്ത് എല്ലാവരേയും സഹായിക്കാന് പറ്റാത്തത്കൊണ്ട് ആദ്യം ബന്ധുക്കളെയെങ്കിലും


സഹായിച്ച് തുടങ്ങാന്ന് വെച്ചാല്‍ അത് പാടില്ലാപോലും. എന്തെ ബന്ധുക്കളൊന്നും ജനത്തില്‍പ്പെട്ടതല്ലെ.. ഏ… ഇതെന്തൂട്ട് ജനാധിപത്യം…

കുറുവെടി-5

കുട്ടിക്കാലം

ഞങ്ങള്‍ക്ക് ഒരു കുട്ടിക്കാലം ഉണ്ടായിരുന്നു.
പിന്നെ
ഞങ്ങള്‍ക്ക് കുട്ടികള്‍ ഉണ്ടായി.
ഞങ്ങളുടെ കുട്ടികള്‍ക്കും കുട്ടികള്‍ ഉണ്ടായി.
പേരക്കിടാങ്ങള്ക്കൊപ്പം വീണ്ടും
ഞങ്ങള്‍ക്ക് ഒരു കുട്ടിക്കാലം ഉണ്ടായി.


ഞങ്ങള്‍ പണിത മണ്‍ വീട്
പേരക്കിടാങ്ങളുടെ അഛന്‍ തട്ടി തകര്‍ത്തപ്പോള്‍
ഞങ്ങള്‍ നിസ്സഹരായി പേരക്കിടാങ്ങള്ക്കൊപ്പം
കണ്ണീര്‍ വാര്‍ത്തു.
പിന്നെ പേരക്കിടാങ്ങളുടെ ചെവിയില്‍ മെല്ലെയോതി
നിങ്ങളുടെ അച്ചന്റെ വീട് നിങ്ങളും തകറ്ക്കില്ലെ?


പുതിയ വീടിന്റെ അകത്തളങ്ങളില്‍
മിനുസമേറിയ പ്രതലങ്ങളിലല്‍
ഞങ്ങളും കുട്ടികളും തെന്നി വീണു.
ഭിത്തികളില്‍ ചെന്നിടിച്ചു.
പല്ലില്ല മോണ കാട്ടി പരസ്പരം സാന്ത്വനിപ്പിച്ചു.
പരിഷ്ക്കാരത്തിനൊത്ത് ചുവട് വെക്കാനറിയാതെ
കാലിടറി.


മുറിയും ഭിത്തിയും വൃത്തികേടാക്കിയതിന്
ശകാരിച്ച് ഞങ്ങളെ മുറിയിലൊതുക്കി.
ഭക്ഷണവും മരുന്നും കിളിവാതിലില്‍ തന്നു.


പുറം ലോകം കാണാന്‍ ടീവി ഉണ്ടല്ലോ കൂട്ടിന്.
കാറ്ട്ടൂണ്‍ ചിത്രങ്ങളില്‍ വിരുന്നുകാരെത്തി
രാത്രിയോളം.


വലിയ വീടിന്റെ കുടുസ്മുറിയിലെ
ഗര്‍ഭപാത്രത്തില്‍ ഞങ്ങളുറങ്ങി.
വീണ്ടുമൊരു കുട്ടിക്കാലത്തിനായി.

കുറുവെടി – 5

കൊച്ചിമെട്രോ പ്രശ്നം തീര്‍ന്നു. ശ്രീധരന്‍ പറഞ്ഞപ്പോള്‍ എല്ലാം മനസ്സിലായി-
ആഗോളടെണ്ടര്‍ വിളിക്കാതെ തന്നെ ജപ്പാന്‍ കമ്പനി കടം തരുമെന്ന് ഇന്നലെ വരെ ഞങ്ങള്ക്ക് അറിയില്ലായിരുന്ന്നു. ഇപ്പോള്‍ ശ്രീധരന്‍ പറഞ്ഞപ്പോളാണത് മനസ്സിലായത്.
- (ഉമ്മന്‍ച്ചാണ്ടിയും ആര്യാടനും കൂട്ടരും.)

കുറുവെടി – : ശ്രീധരന്‍ നേരത്തെ മലയാളത്തില്‍ പറഞ്ഞപ്പോള്‍ മനസ്സിലായില്ല. ഇപ്പോ നല്ല പച്ച
ഇംഗ്ലീഷില്‍ പറഞ്ഞപ്പോളാണ് സംഗതി നെരിനെരിപ്പായി പുടി കിട്ടിയത്. അതാ ഞമ്മള് മുമ്പെ പറഞ്ഞത് ഓന്റെ വാക്കാണ് ഒടുക്കത്ത വാക്ക്. അമ്മാണെ സത്യം നേരത്തെ ചില കാര്യങ്ങള് മനസ്സിലായിട്ടില്ല.
അതല്ലെ  പറഞ്ഞത് ഇതിനൊക്കെ ചില നടപടിക്രമങ്ങളുണ്ടെന്ന് ഏത് സംഗതി തിരിഞ്ഞാ…അതന്നെ.ചില നേരങ്ങളില്‍ ചില മനുഷ്യര്‍ ഇങ്ങനെയാണ്…..



ഇനിയും മനസ്സിലായിട്ടില്ലെങ്കില് മനസ്സിലാവണമെങ്കില്…. മനസ്സിലായത് മനസ്സിലായിട്ടില്ലെങ്കില്….

ഏതായാലും ഉമ്മന് ച്ചാണ്ടിയും ആര്യാടനും ഒന്നു കുളിച്ചിട്ട് വരുന്നതാണ് നല്ലത്.

കുറച്ചു ദിവസമായി ചീഞ്ഞ് നാറുന്നതിന്റെ നാറ്റം ഒന്നു പോയി കിട്ടും.


കുറുവെടി 1
കുറുവെടി 2
കുറുവെടി 3
കുറുവെടി 4