ഭൂമിക്കൊരു ദിനം

വിളക്കായ വൈദ്യുതി വിളക്കെല്ലാമണച്ചൊരുമെഴുകുതിരിനാളത്തിന് ചുറ്റുമിരുന്നു നമ്മൾ.

ഭൂമിക്കൊരു ദിനമെൻകിലും കൊടുത്തു

മനമുരുകി പ്രാർത്ഥിക്കാം നമ്മൾക്ക്.

ഭൂമി പിളർത്തി വലിക്കല്ലെ..

ഓസോൺ കുടയിൽ അരിപ്പകൾ വീഴല്ലെ...
ധ്രുവദേശത്തെ ഹിമകണമൊന്നുമുരുകല്ലെ...

പുഴയും കടലും

പടിവാതിലിലെത്തല്ലെ..

ഒരു വീടിന് പത്ത് മരം.

ഒരു കെട്ടിടത്തിന് നൂറ് മരം.

കെട്ടിടമായ കെട്ടിടമെല്ലാം

പുൽവള്ളിയിലമരുന്നെ..

മരുഭൂമിയിലെ ഓരോ മണൽത്തരിയിലുമൊരു

മരം വളരുന്നെ..

മെഴുകുതിരി ഉരുകിയുരുകിത്തീർന്നൊരു

ഇരുട്ടിൽ ഞങ്ങളുറങ്ങി.

സ്വപ്നങ്ങളായ സ്വപ്നങ്ങളെല്ലാം

നാമ്പ് വിടർത്തി പടരന്നൊരുദയത്തിനായി.

സ്വപ്നമെ നയിച്ചാലും........

--- 000 ---

click here to listen

കര്‍മ്മം

നിളയുടെ തീരത്ത് ഞാനൊരു ചെടി നട്ടു.
ആ ചെടി പൂത്തപ്പോള്‍
ഞാന്‍ വീണ്ടൂമൊരു ചെടി നട്ടു.
ആദ്യത്തെ ചെടിയൊരു മരമാകുമ്പോള്‍
എനിക്ക് ചിതയൊരുക്കാന്‍ നേരമാകും
വീണ്ടുമൊരു ചെടി കൂടി നടുന്നു
പേരക്കിടാങ്ങാള്‍ക്കൊരു ഊഞ്ഞാല കെട്ടാന്‍ .

‌ --xxx--