രാമശതധാര ->->-> ramasathadhara

കുറുവെടി – 9

2012-02-04T07:30:00.000-08:00

പത്മശ്രീ ഭരത്‌ഡോക്‌ടര്‍ സരോജ്‌കുമാര്‍ എന്ന സിനിമ മോഹന്‍ലാലിനെകളിയാക്കാനെടുത്ത സിനിമയെന്ന് ആന്റണി പെരുമ്പാവൂരും സംഘവും.

കുറുവെടി: മലയാളസിനിമയിലെ കുഞ്ചന്‍ നമ്പ്യാരായ ശ്രീനിവാസന് എന്തിനേയും കളിയാക്കാം. അത് കേട്ടാര്‍ക്കുംപരിഭവമരുതെ. സ്വന്തം രൂപത്തെ തന്നെ കളിയാക്കികൊണ്ട് സിനിമയില്‍ ജൈത്രയാത്ര നടത്തിയകേമനാണ് അദ്ദേഹമെന്ന ഇദ്ദേഹമെന്ന പുള്ളി. മമ്മുട്ടിയും മോഹന്‍ലാലും പരസ്പരം കളിയാക്കികൊണ്ട് പൊടിപൊടിച്ച ഒരു സിനിമയുണ്ട് “ഹരികൃഷ്ണന്‍സ്” അതിന്റെ സീഡിയൊന്ന് ആന്റണി കാണുന്നത് നല്ലതാണ്.

ചെരിഞ്ഞ് നടക്കുന്ന മിമിക്രിക്കാരെ ഗുണ്ടകളെ കൊണ്ട് തല്ലിക്കുമോ ആവോ!!!!!

>>>കുറുവെടി– 8

വീട്ടിലെ കുട്ടികളും വയോധികരുമെങ്ങോട്ട് പോകും?

2012-02-02T06:17:00.000-08:00

വീട്ടിലെ കുട്ടികള്‍

എങ്ങോട്ട് പോകും??

വീട്ടിലെ വയോധികര്‍

എങ്ങോട്ട് പോകും??

വായിക്കണമെന്നുണ്ടെങ്കില്‍ ചിത്രത്തില്‍ ഞെക്കുക.

കുറുവെടി – 8

2012-01-31T06:24:00.000-08:00

^{അഴീക്കോടിന്റെ അനുശോചനയോഗത്തില്‍ രാഷ്ട്രീയക്കാരുടെ തിക്കും തിരക്കും.സാംസ്ക്കാരിക പ്രവര്‍ത്തകരും, ആത്മവിദ്യാസംഘക്കാരും,ഗാന്ധിയന്മാരും പുറത്ത്.}

കുറുവെടി: രാഷ്ട്രീയക്കാര്‍‍ക്കാണല്ലോ അഴീക്കോടിന്റെ നാവ് വേണ്ടത്.

>>കുറുവെടി 7

കുറുവെടി – 7

2012-01-30T07:10:00.000-08:00

തിരുകേശം കത്തിച്ച് പ്രവാചകന്റേത് തന്നെയാണോയെന്ന് ഉറപ്പ് വരുത്തണമെന്ന് കാന്തപുരത്തിന്റെ എതിര്‍വിഭാഗം.

കുറുവെടി : എന്റെ അള്ളോ.. ഇങ്ങനെ പോയാല്‍ കാന്തപുരത്തിന്റെ ദൈവവിശ്വാസം പരിശോധിക്കാന്‍ കാന്തപുരത്തെ കത്തിച്ച് നോക്കാമെന്ന് പറയുമല്ലോ. പണ്ഡിതന്മാര്‍ ഇതും പറയും ഇതിലപ്പുറവും പറയും. കാന്തപുരം ഭായി നിങ്ങള്‍ 40 കോടിയുടെ പള്ളി പണിയ്. അപ്പോ കാണാം ഇവറ്റകള്‍ മുട്ടിലിഴഞ്ഞ് വരും തിരുകേശം കാണാന്‍ ഹല്ല പിന്നെ….

40 കോടിന്റെ പള്ളീല്‍ തിരുകേശം ബെക്ക് ന്ന് അപ്പം ബരും ലച്ചം ലച്ചം പിന്നാലെ കോടിയും ബരും.

കെ

കുറുവെടി 6

വീട്ടിലെ വയോധികരെങ്ങോട്ട് പോകും?

2012-01-29T03:16:00.000-08:00

പെ‍ന്‍ഷനായി

ചാരുകസേരയിലിരുപ്പായി.

നനച്ച ചെടികള്‍‍

മാനം മുട്ടെ വളര്‍‍ന്നു.

ശിഖരങ്ങളില്‍ കണ്ണെത്താതായി.

മക്കളെല്ലാം ഉയരങ്ങളിലായി.

താഴേക്ക് നോക്കാന്‍‍ നേരമില്ലവര്‍‍ക്ക്.

തിരക്കാണ്‍, ജീവിതം ഹൈടെക്കായി.

പെന്‍ഷന്‍ തുഛമത്രെ, ജീവിതം ഹൈടെക്കാക്കാന്‍.

മിണ്ടരുത് നുണ പറയരുത്,

കണക്ക് ചോദിക്കരുത്,

കടപ്പാടുകളോര്‍‍മ്മിപ്പിക്കാതെ.

അഭിപ്രായങ്ങള്‍ അലോസരങ്ങളായി.

താരാട്ടിനായിയുയറ്ന്ന കരങ്ങളിന്ന്

ചുക്കിചുളിഞ്ഞ് കരിഞ്ഞ വിറകിന്‍ കൊള്ളിയായി.

ഇടറുന്ന പതറുന്ന കരചരണങ്ങളില്‍

തൈലങ്ങളെത്താതായി.

മാന്യമാര്‍ വരുമ്പോള്‍

അപശകുനങ്ങളായി

വരാന്തയില്‍ നിരങ്ങരുത്.

മൂലയില്‍ അമ്മിക്കല്ലായി

ഒടുക്കുക ജീവിതം.

വിധിയിത് ജീവിതമിത് വിലാപസങ്കടഏകാന്തനാളിത്.

വീട്ടിലെ വയോധികരെങ്ങോട്ട് പോകും?

പറയുവാനെന്തൊക്കയോ ഉണ്ട്

കേള്‍ക്കുവാനാരുമില്ലൊട്ടുതാനും.

വിധിയിത് ജീവിതമിത് വിലാപസങ്കടഏകാന്തനാളിത്.

വീട്ടിലെ വയോധികരെങ്ങോട്ട് പോകും?

വീട്ടിലെ കുട്ടികളെങ്ങോട്ട് പോകും?

2012-01-22T08:00:00.000-08:00

കരഞ്ഞാലമ്മ തല്ലും.

ചിരിച്ചാലഛന്‍ തല്ലും.

കൂട്ടുകാരോടൊത്ത് കളിച്ചാല്‍‍

അമ്മയോതും പരാതിയില്‍‍

അഛന്‍ചൂരല്‍ കഷായം പൂശും

ചന്തിയില്‍ പത്തില്‍ കുറഞ്ഞിടാതെ.

മാര്‍‍ക്ക്കുറഞ്ഞാല്‍‍

ടീച്ചറമ്മയും അഛന്‍‍ മാഷും

ഞെക്കി ഞെക്കി തീര്‍‍ക്കും പാതിജീവനെ.

ഗൃഹപാഠം തീര്‍‍ക്കണം

അടുക്കളപണി നോക്കണം

പശുവിന്‍ പുല്ല് കൊടുക്കണം

ചാണകമണമേറും ഉടുപ്പുമായോടണം

അവസാനബസ്സില്‍‍ അവസാന മണിയടിക്കുമുമ്പെ

സ്കൂളില്‍‍ മിസ്സിന്റെ ദുര്‍‍മുഖം കാണാതെ.

അനങ്ങരുത്,അങ്ങോട്ടുമിങ്ങോട്ടും നോക്കരുത്

ആരോടും മിണ്ടരുത്.

തെറ്റിയാല്‍ തല ഭിത്തിയിലിടിച്ചാക്രോശിക്കും

സൃഷ്ടികര്‍‍ത്താവാം താതന്‍‍.

പിളര്‍ന്ന ചൂരല്‍വടിയില്‍

ഇറ്റ് വീഴുന്നു ചോര
തുടയരികിലൂടെ
ഹൃദയരേഖയിലൂടെ.

വിധിയിത് ജീവിതമിത് ലക്ഷമണരേഖാവൃത്തമിത്.

വീട്ടിലെ കുട്ടികളെങ്ങോട്ട് പോകും?

ഞാനാണധിപന്‍‍ എന്നുമെന്നെന്റെ അവസാനം വരെ

നിങ്ങളെന്നും കീടങ്ങളെന്റെ അടിമകള്‍‍.

കല്ലെപിളര്‍‍ക്കുന്ന താതന്റെ ശാസനകേട്ടു

തകരുന്നു തരളിത ഹൃദയം.

വിധിയിത് ജീവിതമിത് ലക്ഷമണരേഖാവൃത്തമിത്.

വീട്ടിലെ കുട്ടികളെങ്ങോട്ട് പോകും?

കുറുവെടി – 6

2012-01-16T05:44:00.000-08:00

ഭൂമി കിട്ടിയ സോമന്‍ വീ എസ്സിന്റെ ബന്ധുവാണോ എന്ന ചോദ്യത്തിന് വീ എസ്സ് ഉത്തരം
പറയണമെന്ന് ഉമ്മന്‍ച്ചാണ്ടി.

സോമന്‍ എന്റെ ബന്ധുവാണെന്ന് പറഞ്ഞ വീ എസ്സ് ഉമ്മന്‍ച്ചാണ്ടിയുടെ രണ്ട് ചോദ്യത്തിനെതിരെ
ഏഴ് ചോദ്യങ്ങള്‍ ചോദിക്കുകയും ചെയ്തു.

കുറുവെടി : മന്ത്രിമാരുടെ ബന്ധുക്കളാരുങ്കിലും സര്ക്കാര് ജീവനക്കാരായി ഉണ്ടെങ്കില്‍ രാത്രിയ്ക്ക്

രാമാനം രാജി വെച്ച് പോയേക്കണം അല്ലെങ്കില്‍ മന്ത്രിക്ക് പണി കിട്ടും. ബന്ധുക്കള്‍ക്ക് സര്‍ക്കാര്‍ ആനുകൂല്യങ്ങളോ സൌജന്യങ്ങളോ കിട്ടിയിട്ടുണ്ടെങ്കില്‍ മുന്‍മന്ത്രിമാരും ജയിലില്‍ പോകേണ്ടി

വരും മോനെ….അതു കൊണ്ടു രേഖകളൊക്കെ തുപ്പല് തൊട്ട് വേഗം മായിച്ചേക്ക്. എന്റെള്ളോ

എന്തൊരു പൊല്ലാപ്പ്.

കുറുവെടി-5

കുട്ടിക്കാലം

2012-01-16T01:47:00.000-08:00

ഞങ്ങള്‍ക്ക് ഒരു കുട്ടിക്കാലം ഉണ്ടായിരുന്നു.
പിന്നെ
ഞങ്ങള്‍ക്ക് കുട്ടികള്‍ ഉണ്ടായി.
ഞങ്ങളുടെ കുട്ടികള്‍ക്കും കുട്ടികള്‍ ഉണ്ടായി.
പേരക്കിടാങ്ങള്ക്കൊപ്പം വീണ്ടും
ഞങ്ങള്‍ക്ക് ഒരു കുട്ടിക്കാലം ഉണ്ടായി.

ഞങ്ങള്‍ പണിത മണ്‍ വീട്
പേരക്കിടാങ്ങളുടെ അഛന്‍ തട്ടി തകര്‍ത്തപ്പോള്‍
ഞങ്ങള്‍ നിസ്സഹരായി പേരക്കിടാങ്ങള്ക്കൊപ്പം
കണ്ണീര്‍ വാര്‍ത്തു.
പിന്നെ പേരക്കിടാങ്ങളുടെ ചെവിയില്‍ മെല്ലെയോതി
നിങ്ങളുടെ അച്ചന്റെ വീട് നിങ്ങളും തകറ്ക്കില്ലെ?

പുതിയ വീടിന്റെ അകത്തളങ്ങളില്‍
മിനുസമേറിയ പ്രതലങ്ങളിലല്‍
ഞങ്ങളും കുട്ടികളും തെന്നി വീണു.
ഭിത്തികളില്‍ ചെന്നിടിച്ചു.
പല്ലില്ല മോണ കാട്ടി പരസ്പരം സാന്ത്വനിപ്പിച്ചു.
പരിഷ്ക്കാരത്തിനൊത്ത് ചുവട് വെക്കാനറിയാതെ
കാലിടറി.

മുറിയും ഭിത്തിയും വൃത്തികേടാക്കിയതിന്
ശകാരിച്ച് ഞങ്ങളെ മുറിയിലൊതുക്കി.
ഭക്ഷണവും മരുന്നും കിളിവാതിലില്‍ തന്നു.

പുറം ലോകം കാണാന്‍ ടീവി ഉണ്ടല്ലോ കൂട്ടിന്.
കാറ്ട്ടൂണ്‍ ചിത്രങ്ങളില്‍ വിരുന്നുകാരെത്തി
രാത്രിയോളം.

വലിയ വീടിന്റെ കുടുസ്മുറിയിലെ
ഗര്‍ഭപാത്രത്തില്‍ ഞങ്ങളുറങ്ങി.
വീണ്ടുമൊരു കുട്ടിക്കാലത്തിനായി.

കുറുവെടി – 5

2012-01-12T02:34:00.000-08:00

കൊച്ചിമെട്രോ പ്രശ്നം തീര്‍ന്നു. ശ്രീധരന്‍ പറഞ്ഞപ്പോള്‍ എല്ലാം മനസ്സിലായി-
ആഗോളടെണ്ടര്‍ വിളിക്കാതെ തന്നെ ജപ്പാന്‍ കമ്പനി കടം തരുമെന്ന് ഇന്നലെ വരെ ഞങ്ങള്ക്ക് അറിയില്ലായിരുന്ന്നു. ഇപ്പോള്‍ ശ്രീധരന്‍ പറഞ്ഞപ്പോളാണത് മനസ്സിലായത്.
- (ഉമ്മന്‍ച്ചാണ്ടിയും ആര്യാടനും കൂട്ടരും.)

കുറുവെടി – : ശ്രീധരന്‍ നേരത്തെ മലയാളത്തില്‍ പറഞ്ഞപ്പോള്‍ മനസ്സിലായില്ല. ഇപ്പോ നല്ല പച്ച
ഇംഗ്ലീഷില്‍ പറഞ്ഞപ്പോളാണ് സംഗതി നെരിനെരിപ്പായി പുടി കിട്ടിയത്. അതാ ഞമ്മള് മുമ്പെ പറഞ്ഞത് ഓന്റെ വാക്കാണ് ഒടുക്കത്ത വാക്ക്. അമ്മാണെ സത്യം നേരത്തെ ചില കാര്യങ്ങള് മനസ്സിലായിട്ടില്ല.
അതല്ലെ പറഞ്ഞത് ഇതിനൊക്കെ ചില നടപടിക്രമങ്ങളുണ്ടെന്ന് ഏത് സംഗതി തിരിഞ്ഞാ…അതന്നെ.

കുറുവെടി 1
കുറുവെടി 2
കുറുവെടി 3
കുറുവെടി 4

കുറുവെടി – 4

2012-01-12T01:02:00.001-08:00

മുഖ്യമന്ത്രിയായിരിക്കേ തന്റെ ബന്ധുവിന്‌ അനധികൃതമായി ഭൂമി നല്കി് അധികാര ദുരുവിനിയോഗം നടത്തിയ വി.എസ്‌ അച്യുതാനന്ദന്‍ പ്രതിപക്ഷ നേതൃസ്‌ഥാനം രാജിവയ്‌ക്കണമെന്ന്‌ കോണ്ഗ്ര സ്‌ വക്‌താവ്‌ എം.എം ഹസ്സന്‍. അഴിമതി വിരുദ്ധ പോരാട്ടത്തിലെ നായകന്‍ എന്ന വിഗ്രഹമാണ്‌ തകര്‍ന്നത്‌. നിരവധി അഴിമതി വിരുദ്ധ പോരാട്ടങ്ങള്ക്ക് ‌ നേതൃത്വം നല്കുന്ന വി.എസ് പൊതുപ്രവര്ത്തകന്‍ എന്ന നിലയില്‍ ധാര്മ്മി കതയുടെ അംശമുണ്ടെങ്കില്‍ പ്രതിപക്ഷ നേതൃസ്‌ഥാനം ഒഴിയണമെന്നും ഹസ്സന്‍ ആവശ്യപ്പെട്ടു - പത്രവാര്‍ത്ത.

കുറുവെടി : ഒടുക്കും ഹസ്സന്‍ഭായി നിങ്ങളും സമ്മതിച്ചു വി.എസ്സ് അഴിമതി വിരുദ്ധ പോരാട്ടത്തിലെ നായകനാണെന്ന്. ഇപ്പല്ലെ തിരിഞ്ഞത് ഇങ്ങളും കുഞ്ഞാലിക്കുട്ടിക്ക് എതിരാന്ന്.

കുറുവെടി 1

കുറുവെടി 2
കുറുവെടി 3

കുറുവെടി – 3

2012-01-12T00:32:00.000-08:00

മുഖ്യമന്ത്രിയായിരുന്നപ്പോള്‍ ബന്ധുവിന് ഭൂമി നല്കികയ കേസില്‍ പ്രതിപക്ഷ നേതാവ് വി.എസ്.അച്യുതാനന്ദനെ പ്രതിയാക്കി കേസെടുക്കാന്‍ വിജിലന്സ് അന്വേഷണസംഘം ശുപാര്ശ ചെയ്തു.

തല്‍ക്ഷണം വിവാദഭൂമിയില്‍ യൂത്ത് പ്രവര്ത്തകര്‍ കുടില്‍കെട്ടി സമരവും ആരംഭിച്ചു.
(പത്രവാര്‍ത്ത)

കുറുവെടി :ചേനക്കള്ളന്മാര്‍ക്കെതിരെ ആനക്കള്ളന്മാരുടെ സംഘടിത ധാര്‍മിക രോഷം.

കുറുവെടി 1
കുറുവെടി 2

കുറുവെടി – 2

2012-01-10T01:57:00.000-08:00

കൊച്ചി മെട്രോയുടെ കാര്യത്തില്‍ ശ്രീധരന്റെ വാക്കാണ് അവസാനവാക്ക് – ഉമ്മന്‍ചാണ്ടിയും കൂട്ടരും,

കുറുവെടി : മോനെ ചീരാ ആ വാക്കൊന്ന് പറ…ഞമ്മള് പറഞ്ഞ അതെ വാക്ക്. എന്നാല് അതന്നെ അവസാനവാക്ക്.

കുറുവെടി-1

കുറുവെടി - 1

2012-01-09T07:36:00.000-08:00

മുല്ലപ്പെരിയാര്‍ ഡാം നിര്‍മിച്ച ബ്രിട്ടീഷ് എന്ജിനീയര്‍ക്ക്‌ തമിഴ്‌നാട്‌ സ്‌മാരകം പണിയുന്നു –പത്രവാര്‍ത്ത.

കുറുവെടി : ഭീഷണിപ്പെടുത്തി അസംബദ്ധ കരാറുണ്ടാക്കിയ ബ്രിട്ടീഷ്കാരന് സ്‌മാരകം. ബ്രിട്ടീഷ്കാര്‍ പോയിട്ടും അതെ കരാറില് വെള്ളം കൊടുത്ത മലയാളിക്ക് ഭീഷണിയും തല്ലും പിന്നെ കൊലവിളിയും.

അമ്പലത്തില്‍ കയറിയ യേശുദാസന്മാര്‍

2012-01-07T07:33:00.000-08:00

യേശുവിന്‍‍ ദാസാ യേശുദാസാ

ദൈവത്തിന്‍ ദാസാ ദേവദാസാ

സരസ്വതി പുത്രാ ഗാന ഗന്ധറ്വ്വാ…

നിന്‍ രൂപം, നിന്‍ പുകഴ്

ബാലികേറാ മലയാക്കി ഉണ്ണിക്കണ്ണന്റെയിടം.

എന്നിട്ടും,,,,

ഗുരുവായൂരമ്പലനടയില്‍ നിന്‍ ഗാനസുധയിലുണരും,

കാണികാണും അമ്പാടിക്കണ്ണനെന്തെ നിന്നെ പുല്കാത്തത്!!!!

പൂന്താനത്തിന്‍ വിഭക്തിയിലലിഞ്ഞ കണ്ണനെന്തെ

നിന്‍ ഓടക്കുഴല്‍ വിളി കേള്ക്കാത്തത്????

ഗുരുവായൂരമ്പലത്തിലോ അല്ലെങ്കില്‍ മറ്റേതെങ്കിലും അമ്പലത്തിലോ അവിടെയെത്തുന്ന ഭക്തജനങ്ങളുടെ മതമോ ജാതിയോ കണ്ടുപിടിക്കുന്ന സുരക്ഷാസംവിധാനങ്ങളൊന്നും ഇതു വരെ കണ്ടുപിടിച്ചിട്ടില്ല. മതം മണത്ത് പിടിക്കാന്‍ പട്ടികള്ക്കും കഴിയില്ല.

പ്രശസ്തനാകുന്നതിന് മുമ്പ് യേശുദാസ് ഗുരുവായൂരമ്പലത്തില്‍ വന്നിരുന്നെങ്കില്‍ എന്ത് സംഭവിക്കുമാ യിരുന്നു? നീരാട്ട് കഴിഞ്ഞ് കണിയും കണ്ട് പ്രസാദവും തിന്ന് ഒരു പാട്ടും പാടി തിരിച്ചു പോകും അത്ര തന്നെ. അങ്ങനെ അപ്രശസ്തരായ എത്രയോ അന്യമതസ്ഥര്‍ ഇന്നും അമ്പലങ്ങളില്‍ കയറി പോകുന്നു. ഇത് കണ്ടുപിടിക്കാന്‍ ദൈവത്തിന് പോലും കഴിയില്ല. അല്ലെങ്കില്‍ ദൈവം എന്തിന് കണ്ടുപിടിക്കണം. എല്ലാ മതസ്ഥരും ദൈവസൃഷ്ടിയാകുമ്പോള്‍!!!!

എല്ലാ അമ്പല-പള്ളി-ചന്ദനക്കുട ഉത്സവങ്ങളിലും എല്ലാ ജനങ്ങളും പങ്കെടുക്കുന്നുണ്ടു. പിന്നയെന്തിനാണ് അഹിന്ദുക്കള്ക്ക് പ്രവേശനമില്ലെന്ന ബോറ്ഡ്!!! അന്യമതസ്ഥര്‍ ഉണ്ടാക്കിയ സാധനങ്ങള്‍ ശ്രീകോവിലിനുള്ളിലും പള്ളികളിലും ഉപയോഗിക്കുന്നതിന് ഒരു അയിത്തവുമില്ല. എന്നാല്‍ അവര്‍ ശുദ്ധിയായി ഭക്തിയോടെ അവിടെ എത്തിയാല്‍ അവര്‍ക്ക് വിലക്ക്. ഇത് ദൈവനിഷേധമല്ലാതെ മറ്റൊന്നുമല്ല. പിന്നയെന്തിനാണ് അഹിന്ദുക്കള്ക്ക് പ്രവേശനമില്ലെന്ന ബോറ്ഡ്!!!

ആരാധനാലയങ്ങള്‍ ‍എല്ലാ ജനങ്ങള്ക്കും വേണ്ടിയുള്ളതാണ്. അവിടെ അവര്‍ക്ക് ശാന്തി കിട്ടുന്നുവെങ്കില്‍ അവര്‍ സായൂജ്യമടയട്ടെ. അവിടെ കൊള്ളയടിക്കുന്ന അനാവശ്യ വഴിപാടുകള്‍ ഒഴിവാക്കുക. ദൈവം സാധാരണ ജനങ്ങളുടെ സാമ്പത്തിക പരാധീനത ആകാതിരിക്കട്ടെ. ആരാധനാലയങ്ങള്‍ ശാന്തിയുടെയും കലയുടെയും കേളീരംഗമാകട്ടെ.

തൂണിലും തുരുമ്പിലും ദൈവമുണ്ടെങ്കില്‍ യേശുദാസിലും യൂസഫലിയിലും കമലസുറയയ്യിലും ദൈവമുണ്ടു. പിന്നയെന്തിന് അവകാശ തറ്ക്കങ്ങള്‍??

തീവ്രവാദികള്‍ ആരാധനാലയങ്ങള്‍ വിട്ട് പോകുക.
ആരാധനാലയങ്ങളുടെ വാതില്‍ എല്ലാ ആളുകള്ക്കും മതഭേദമില്ലാതെ തുറന്ന് കിടക്കട്ടെ.

ലോകാ സമസ്താ സുഖിനോ ഭവന്തു.

===========================================================================

ഒരു ദിവസം യേശുദാസ് ഗോപകുമാരനെ കാണും....

ജന്മാന്തരം

2011-09-05T03:42:00.000-07:00

ഇന്നലെ ഇതൊരു പുഴയായിരുന്നു.
ഇന്ന് ഇതൊരു കൃഷി ഭൂമിയാണ്.
നാളെ ഇതൊരു കോണ്ക്രീറ്റ് വനഭൂമിയാകും.

ഇന്നലെ ഇതൊരു പുഴയായിരുന്നു.
ഇതിന്റെ തടങ്ങളില്‍ നമ്മുടെ പൂറ്‍വ്വികറുണ്ടായിരുന്നു.

ഇന്ന് ഇതൊരു കൃഷി ഭൂമിയാണ്.
ഇതിന്റെ മാറ്ത്തടത്തിലെ നറും പാല്‍ നുകരുന്നു നമ്മള്‍.

നാളെ ഇതൊരു കോണ്ക്രീറ്റ് വനഭൂമിയാകും.
ഇതിന്റെ ആകാശഗോപുരങ്ങളില് ഹെലിക്കോപ്ടറിലെത്തുന്ന
പാറ്സല്‍ ഭക്ഷണത്തിനായി കാത്തിരിക്കും നമ്മുടെ പിന്ഗാമികള്.

ഇന്നലെ ഇതൊരു പുഴയായിരുന്നു.
ഇന്ന് ഇതൊരു കൃഷി ഭൂമിയാണ്.
നാളെ ഇതൊരു കോണ്ക്രീറ്റ് വനഭൂമിയാകും
പിന്നെ വരള്ച്ചയും പ്രളയവും വരും.
അതിന് ശേഷം പുതിയ അവതാരങ്ങളും ചരിത്രങ്ങളും ഉണ്ടാകും.
സ്വയം ശവക്കുഴി തോണ്ടിയ നമ്മുടെ എല്ലുകള് കൊണ്ട്
അവറ് പുതിയ വിനാശത്തിന്റെ വിത്തുകള് പാകും.
------------------------------&&&----------------------------------------------

മകനെ നീയൊരു ഡോക്ടറാകണം >>>>>

കവിതാലാപനം (രണ്ട്)

2009-09-10T08:57:00.000-07:00

വൃദ്ധ-സു-കുമാരന്‍
ഈ കവിത ഇവിടെ കേള്‍ക്കാം

http://ercsathadhara.podbean.com/2009/09/11/vs
വായിക്കാനും കേള്‍ക്കാനും ഇവിടെ ഞെക്കുക>> http://ramasathadhara.blogspot.com/2008/11/blog-post_19.html

കവിതാലാപനം (ഒന്ന്)

2009-09-09T07:36:00.000-07:00

മകനെ നീയൊരു ഡോക്ടറാകണം.
ഈ കവിത ഇവിടെ കേള്‍ക്കാം..............

http://ercsathadhara.podbean.com/2009/09/07/be-a-doctor
വായിക്കാനും കേള്‍ക്കാനും ഇവിടെ ഞെക്കുക http://ramasathadhara.blogspot.com/2009/01/blog-post.html

പൂച്ചയും മീനും

2009-09-04T10:35:00.000-07:00

“വല്ലാതെ വിശക്കുന്നു”
“ഒരു മീന്‍ കിട്ടിയെങ്കില്‍ തിന്നാമായിരുന്നു”
പൂച്ച മീനും തേടി നടന്നു. മീനെ കണ്ടെത്തുകയും ചെയ്തു.
യൂട്യൂബില്‍ കാണാന്‍ ദാ ഇവിടെ ഞെക്കിക്കോളു>>http://www.youtube.com/watch?v=ouejiY0F9rE പൂച്ച എങ്ങിനെയാണ് മീന്‍ പിടിക്കുന്നത് എന്ന് കാണാം.
കാണണം….

കുഞ്ചമ്പുമാഷും പാഞ്ചാലിമാരും പിന്നെ കുട്ട്യോളും

2009-07-17T06:03:00.000-07:00

ആകാശത്ത് വെള്ള കീറി തുടങ്ങുന്നതേയുള്ളു. കുഞ്ചമ്പുമാഷ് ചൂലെടുത്ത് കൂട്ടത്തിലൊരു സൂര്യനമസ്കാരവും ചെയ്ത് തന്റെ ദിനചര്യയ്ക്ക് ഒരു ഭംഗവും വരുത്താതെ മുറ്റം വൃത്തിയാക്കാല്‍ ചടങ്ങ് തുടങ്ങി. രാത്രിയിലെ കള്ളിന്റെ കെട്ടിറങ്ങാത്തത് കൊണ്ടാണോയെന്നറിയില്ല കാലിന് ഒരു ഇടര്‍ച്ച. പണ്ടെപോലെ ഒന്നും ഫലിക്കുന്നില്ല.
മാഷന്മാരും ടീച്ചറ്മാരും തിങ്ങിവിങ്ങിയ കുടുംബ്ബത്ത് അടുത്തൂണ്‍ പറ്റിയ വാദ്ധ്യാര്‍ക്ക് എന്ത് വില. കുറ്റിച്ചൂലിന് സമം. പച്ചിലകള്‍ക്ക് ചിരിക്കാം എന്നാലും എന്റെ പത്മിനി ടീച്ചറെ..വിടരാത്ത മൊട്ട് പോലെ അകത്ത് പഴയെ ചൂല്‍ പോലെ കുഞ്ചമ്പുമാഷ് കോലായില്‍. പെന്‍ഷന്‍ പറ്റിയാലെങ്കിലും മധുവിധു ആഘോഷിക്കാമെന്ന് കരുതിയ കുഞ്ചമ്പുമാഷ് ക്ലീന്‍ ഔട്ടായി. പത്മിനി ടീച്ചര്‍ക്ക് കുഞ്ചമ്പുമാഷ് ഇന്നും ലക്ഷദ്വീപില്‍ തന്നെ. വര്‍ഷങ്ങളായി ശീലിച്ച് പോന്നത് മാറ്റാന്‍ പറ്റില്ലെന്ന് പത്മിനി ടീച്ചറ് കുഞ്ചമ്പുമാഷെ മുഖത്ത് നോക്കി പച്ചയ്ക്ക് പറഞ്ഞത്രെ. എന്നാലും എന്റെ പത്മീ നിന്റെ അഞ്ചാറ് കുട്ടികളുടെ അച്ചനല്ലെ എന്ന് ചോദിക്കാന്‍ കുഞ്ചമ്പുമാഷയ്ക്ക് ധൈര്യവും വന്നില്ല.
കുഞ്ചമ്പുമാഷ് ഇന്നും കോലായില്‍ തന്നെ. വെയിലും മഴയും കൊള്ളാന്‍ തന്നെ വിധി. ഇങ്ങനെയാന്ന് വെച്ചാല്‍ ലക്ഷദ്വീപിലെ ഒരു നാടന്‍ അരയത്തിപ്പെണ്ണിനെ മംഗലം കഴിച്ച് അവിടെ കൂടിയേനെ. പറ്റിയാല്‍ ഒരു ദ്വീപും അടിച്ച് മാറ്റാമായിരുന്നു. ലക്ഷത്തിലൊന്ന് പോയാല്‍ ആരറിയാന്‍. ഗതികെട്ട് കുഞ്ചമ്പുമാഷും എന്തെങ്കിലും തിന്ന് പോയേനെ.
വല്ലപ്പോഴും വരുമ്പോളുണ്ടായ പിള്ളാരുടെ ഭാഗ്യം കൊണ്ടാണെന്ന് തോന്നുന്നു ജാതകവശാല്‍ ഒന്നും സംഭവിച്ചില്ല. ലക്ഷദ്വീപില്‍ നിന്ന് ലക്ഷങ്ങള്‍ തട്ടിവന്നവന്‍ എന്ന ഒരു അപഖ്യാതി ഉണ്ടെങ്കിലും ലക്ഷദ്വീപ് വരെ പോയി അതിന്റെ വിത്തും പൊരുളും അറിയാന്‍ ആര്‍ക്കും സമയമില്ലാത്തത് കൊണ്ടു അതിന്റെ നിജസ്ഥിതി അറിയാന്‍ ഇനി ആരും ഊളിയിടേണ്ട. കപ്പലില്‍ വെച്ച് ലക്ഷദ്വീപ് ഷൈക്ക് മറന്ന് വെച്ചുപോയ സ്വറ്ണപ്പെട്ടി കിട്ടിയെന്നോ ലക്ഷദ്വീപില്‍ രാവിലെയും രാത്രിയും മുങ്ങി തപ്പി പവിഴങ്ങള്‍ കിട്ടിയെന്നോ അങ്ങനെ അങ്ങനെ മനോധര്‍മ്മം പോലെ എന്തും നിങ്ങള്‍ക്ക് മെനയാം, ചൊറി കുത്തിയിരിക്കുമ്പോള്‍.
എല്ലാം കുട്ടികളുടെ ഭാഗ്യം. കുഞ്ചമ്പുമാഷ് പിന്നെ ഗോഡ്ഫാദറായി. പത്തും ഗുസ്തിയും കഴിച്ച് ചോരത്തിളപ്പുള്ള ചെറുപ്പക്കാരെ തവളക്കാല്‍ കയറ്റി അയക്കുന്നത് പോലെ കയറ്റുമതി ചെയ്യുന്ന കാലം. വല്ല വംഗദേശത്തോ ഹിന്ദിദേശത്തോ അല്ലെങ്കില്‍ കടല്‍ കടന്ന് മണല്‍പ്പുറത്തോ വേര് പിടിച്ചാല്‍ ആയി അല്ലെങ്കില്‍ അവന്റെ കട്ടപ്പുക. കുഞ്ചമ്പുമാഷെ ഭാഷയില്‍ പറഞ്ഞാല്‍ സാക്ഷാല്‍ ഊര് തെണ്ടികള്‍.
പണ്ട് പത്തും ഗുസ്തിയും എന്ന് പറഞ്ഞാല്‍ പത്താം ക്ലാസ്സും ടൈപ്പ് റൈറ്ററും എന്നാണ്. ഇപ്പോ ആ പാവത്തിനെ എവിടെയെങ്കിലും കാണാനുണ്ടോ ആവോ. ഇന്ന് അത് ആംഗലമായി പറഞ്ഞാല്‍ കമ്പ്യൂട്ടറും സോഫറ്റ് വെയറും എന്നൊക്കയാ‍യി എന്ന് മാത്രം.
പക്ഷെ കുഞ്ചമ്പുമാഷിനെ അതിന് കിട്ടില്ല. വാദ്ധ്യാര്‍ എന്ന് കേട്ടാല്‍ തിളക്കണം ചോര നമുക്ക് ഞരമ്പുകളില്‍ എന്നാണ് പ്രമാണം. അത് അച്ചട്ടായി കെട്ടിപ്പിടിച്ച് നടക്കുന്ന ആളാണ് കുഞ്ചമ്പുമാഷ് അന്നും ഇന്നും എന്നും. വാദ്ധ്യാര്‍ പണിയാണ് ലോകത്തില്‍ വെച്ചേറ്റവും മികച്ച പണി. അത് പാര്യമ്പര്യമായി നില നിര്‍ത്താനും അക്ഷീണമായി പ്രവര്‍ത്തിച്ച ആളാണ് കുഞ്ചമ്പുമാഷ്. പത്താം ക്ലാസ്സ് കഴിഞ്ഞ ഉടനെ തന്റെ അഞ്ചാറ് മക്കളേയും വാദ്ധ്യാറ് പണിക്ക് വിട്ടു. അതിലൊരുത്തന്‍ തല തിരിഞ്ഞവന്‍ വാദ്ധ്യാര്‍ പണി കളഞ്ഞ് ഗള്‍ഫില്‍ പോയിക്കളഞ്ഞു. ഗുരുത്വം കെട്ടവന്‍.

വാദ്ധ്യാന്മാര്‍ക്ക് ഇത്രയധികം വില ഉണ്ടാക്കികൊടുത്തതാരാണെന്ന് ചോദിച്ചാല്‍ കേരളത്തിലത് കുഞ്ചമ്പുമാഷ് തന്നെ. രണ്ടോ മൂന്നോ ലക്ഷം കൊടുത്ത് ജോലി തരമാക്കുന്ന കാലത്ത് വാദ്ധ്യാര്‍ പണിക്ക് എട്ടും പത്തും കൊടുക്കാന്‍ തയ്യാറാണെന്ന് പറയുകയും നടപ്പിലാക്കുകയും ചെയ്ത മഹാനാണ് കുഞ്ചമ്പുമാഷ്. പിന്നെ എങ്ങനെ വില കൂടാതിരിക്കും വാദ്ധ്യാന്മാര്‍ക്ക്. ലക്ഷങ്ങള്‍ ഇറക്കിയാലെന്ത് കോടികള്‍ പോരുമല്ലോ പിറകെ. വല്ല മറുനട്ടിലും പോയി അടിമപ്പണി എടുക്കുന്നതിനേക്കാളും നല്ലത് അല്ലലില്ലാത്ത വാദ്ധ്യാര്‍ പണി തന്നെ. കുഞ്ചമ്പുമാഷിന്റെ മുന്‍പില്‍ പെട്ട് പോയാല്‍ പെട്ടത് തന്നെ. രണ്ട് മൂന്ന് മണിക്കുറ് വാദ്ധ്യാര്‍ വിശേഷം കൊണ്ട് കത്തി വെച്ച് കളയും. അവസാനം ഒരു ഉപദേശവും കിട്ടിയേക്കും പോയി വാദ്ധ്യാര്‍ കോളേജില്‍ ചേരെടാ എന്ന്.

എല്ലാവരേയും മാഷ്മാരാക്കിയത് കൊണ്ട് മാത്രം കളിനിര്‍ത്തിയില്ല. അവര്‍ക്ക് പറ്റിയ വാദ്ധ്യാരണികളേയും കണ്ടുപിടിച്ച് പിടിച്ച പിടിയാലെ ഇളം പ്രായത്തില്‍ തന്നെ കെട്ടിച്ച് കളഞ്ഞു. ആടേത് ആടലോടകമേതെന്ന് എന്നറിയില്ലെങ്കിലെന്ത് വേണ്ടത് വേണ്ടുന്നതിന്‍ മുന്‍പെ എന്നാണ് കുഞ്ചമ്പുമാഷിന്റെ തത്ത്വം. മക്കള്‍ക്കെല്ലാം മണിമന്ദിരങ്ങളും പണിത് കൊടുത്തു. കുഞ്ചമ്പുമാഷിന്റെ പണപ്പെട്ടി ഒരു അക്ഷയപാത്രം പോലെ വലുതായി കൊണ്ടിരുന്നു.

ഇനി ഇളയ ഒരുത്തനുണ്ടു ഫല്‍ഗുണന്‍ അവനൊരു പെണ്ണ് വേണം. അതിന്റെ കുത്തിക്കുറിക്കിലാണിപ്പോള്‍. പഴയത് പോലെ പറ്റില്ല ഒരു മുന്തിയ ഇനം തന്നെ വേണം. നാലാള്‍ കണ്ടാല്‍ അന്തം വിടണം. അടിപൊളിയാക്കണം. മറ്റൊരു പൊരുത്തവുമില്ലെങ്കിലും വേണ്ടില്ല ടീച്ചര്‍ തന്നെ ആയിരിക്കണം. മറ്റെന്ത് അനുരഞ്ചനത്തിനും തയ്യാര്‍. ഈ വീട്ടിലേക്ക് ടീച്ചറ്മാറ്ക്ക് മാത്രമെ പ്രവേശന്മുള്ളു. അങ്ങനയൊരു ബോര്‍ഡ് വെക്കാന്‍ പല വട്ടം തുനിഞ്ഞ് ഇറങ്ങിയതാണ്. പിന്നെ നാവിന് നീളമുള്ള നായര്‍ക്കെന്തിനാണ് മുഴക്കോല്‍.

ആലോചനകള്‍ തകൃതിയായി നടന്നിട്ടും ഒന്നും കരയ്ക്കടുക്കുന്ന മട്ടില്ല. ടീച്ചറ്മാര്‍ പെരുത്തുണ്ടു. കാല്‍ തടഞ്ഞ് വീഴും അത്രയ്ക്കുണ്ടു. പക്ഷെ അടുക്കാന്‍ പറ്റില്ല. എല്ലാം മിനിമം പത്ത് വയസ്സെങ്കിലും മൂത്തത്. എം എ, എം എംസ്സി, എമ്മെഡ് അങ്ങനെ പോകുന്നു വാദ്ധ്യാരണികള്‍. തൊട്ടാല്‍ പൊള്ളും.

പന്തം കണ്ട പെരുച്ചാഴിയെ പോലെ അന്തം വിട്ട് കുന്തത്തില്‍ കുന്തിച്ചിരുന്നു പോയി കുഞ്ചമ്പുമാഷ്.
ഇത്രയ്ക്ക് അങ്ങട് നിരീച്ചില്ല.
കാര്യങ്ങള്‍ കരതലാമലകം ആകുമെന്ന് ചിന്തിച്ചവന്‍ കുഞ്ചമ്പുമാഷ്.
മാഷെയിട്ട് ടീച്ചറെ വാരാമെന്ന് കരുതിയവന്‍ കുഞ്ചമ്പുമാഷ്.
ഒരു കൊട്ട മാഷുണ്ടു ഒരു കൊട്ട ടീച്ചറെ തരുമോയെന്ന് വയറ്റത്തടിച്ച് പാടിയവന്‍ കുഞ്ചമ്പുമാഷ്.
മാഷും ടീച്ചറുമില്ലാത്ത വീടെന്തിന് കൊള്ളാമെന്ന് ഉദ്ഘോഷിച്ചവന്‍ കുഞ്ചമ്പുമാഷ്.

മൂന്നാന്മാര്‍(ഇടനിലക്കാരന്‍) തലങ്ങും വിലങ്ങും ഓടി, റിമോട്ട് കണ്ട്രോളുമായി കുഞ്ചമ്പുമാഷും പിന്നാലെ കിതച്ചോടി. ഒരു രക്ഷയുമില്ല. വല കുറെ വീശി നോക്കി അത് കൂടാതെ വല പല വട്ടം വിരിച്ചു നോക്കി. തൊള്ളാ‍യിരം അടവുകളും പയറ്റി. നോ രക്ഷതു. ഇതൊന്നും ഒരു നടയ്ക്ക് തീരുല. ടീച്ചറ്മാറ്ക്ക് വീടിന് പുറത്തിറങ്ങാന്‍ പറ്റാത്ത അവസ്ഥയായി മൂന്നാന്മാരേയും കുഞ്ചമ്പുമാഷെയും കൊണ്ട്. “ഇവിടെ ടീച്ചറില്ല “ എന്ന് ചിലരൊക്ക വീടിന് പുറത്ത് ഒട്ടിച്ചെന്നും ഇല്ലെന്നും കേട്ട് കേള്‍വി.

സഹികെട്ട ഫല്‍ഗുണന്‍മാഷ് “അക്കരെ ഇക്കരെ നിന്നാലെങ്ങനെ ആശ തീരും” എന്ന് ആരാടോ പാടി പോയത്രെ. കുഞ്ചമ്പുമാഷിന്റെ കരളും വയറും മുടിയും കത്തി പോയി. പിന്നെ എന്ത് ചെയ്യും ഇങ്ങനെയൊരു സന്തതി ഉണ്ടായാല്‍. ആര്‍ത്തി മൂത്ത് ഇവന്‍ വല്ലതിനേയും കെട്ടികൊണ്ടുവന്നാല്‍ പിന്നെ ജീവിച്ചിരുന്നിട്ട് കാര്യമില്ല. മാനം കപ്പല്‍ കയറി ലക്ഷദ്വീപിലേക്ക് പോയിക്കളയും. ഇത് ഇങ്ങനെ വിട്ടാല്‍ പറ്റില്ല. കൈ വിട്ട് പോകുമോ എന്നൊരു ശങ്ക. കുഞ്ചമ്പുമാഷിന് ഹാലിളകി.

“ ഒരു ടീച്ചറുടെ മുഖത്തല്ലാതെ മറ്റൊരു പെണ്ണിന്റേയും മുന്നിലോ പിറകിലോ താഴെയോ മുകളിലോ നോക്കില്ലെന്ന് കുലപരദേവതയായ വാദ്ധ്യാറ്കാരണവരുടെ തിരുനാമത്തില്‍ കുഞ്ചമ്പുവാദ്ധ്യാരുടേയും പത്മിനിവാദ്ധ്യാരണിയുടേയും മകനായ ഫല്‍ഗുണന്‍ വാദ്ധ്യാര്‍ ഇതിനാല്‍ ശപഥം ചെയ്യുന്നു. ഇത് സത്യം സത്യം സത്യം. സത്യ ലംഘനമുണ്ടായാല്‍ എല്ലാ വാദ്ധ്യാന്മാരുടേയും തല പൊട്ടി തെറിച്ച് പോകട്ടെ “

നിലവിളക്കിന് മുന്നില്‍ ശപഥം ചെയ്യിപ്പിച്ചത് കൂടാതെ ആയിരം തവണ ഇമ്പോസിഷനും കൊടുത്തു. ഇതൊന്നും കൂടാതെ രാവിലെയും വൈകുന്നേരവും ഫല്ഗുണന് കുഞ്ചമ്പുമാഷ് എസ്കോര്‍ട്ട് പോയി തുടങ്ങി.

കാത്തു സൂക്ഷിച്ചൊരു ഫല്‍ഗുണനെ നോണ്‍ ടീച്ചര്‍ കൊത്തി പോയാലോ.
മണ്ണും ചാരി ചിരിച്ചവള്‍ ഫല്‍ഗുണനെ അടിച്ചോണ്ട് പോയാലോ.

കാര്യങ്ങളങ്ങനെ കുഴഞ്ഞ് കുഴഞ്ഞ് പോകുകയാണ്.
ചിലത് ഒത്ത് വരുമ്പോള്‍ നീളം ഒക്കില്ല.
നീളം ഒക്കുമ്പോള്‍ വീതി ഒക്കില്ല.
വീതി ഒക്കുമ്പോള്‍ നിറം ഒക്കില്ല.
നിറം ഒക്കുമ്പോള്‍ ചൊവ്വ കയറി അങ്ങിരിക്കും.
ആകപ്പാടെ പുലിവാലായി.

ഒടുവില്‍ മൂന്നാന്‍ ക്ഷീണിച്ചവശനായി തല ചൊറിഞ്ഞ് നിന്നു.
“നീ തല ചൊറിയാതെ കാര്യം പറയു”
“അത് മാഷെ ഒരു കുട്ടിയുണ്ട് പക്ഷെ ടീച്ചറല്ല”
“ടീച്ചറല്ലെങ്കില്‍ എന്റെ പട്ടി വരും”
കുഞ്ചമ്പുമാഷിന് അരിശം വന്നു. ഹല്ലെ രാമായണം മുഴുവന്‍ വായിച്ചിട്ടും….
“കുട്ടി ടീച്ചറ് പണി പഠിച്ച് നില്ക്കുകയാണ്. അത് പറ്റോ?”
“എന്നാല്‍ നീ അത് നേരത്തെ പറയണ്ടേ. ഇത് മതി. ഇത് ധാരാളം”
ഇനി അധികം ആലോചിച്ച് സമയം കളയണ്ട.
പിന്നെ അത്… മൂന്നാന്‍ പറയാന്‍ തുടങ്ങുന്നതിന് മുന്‍പ് കുഞ്ചമ്പുമാഷ് തടഞ്ഞു.
ഇനി ഒന്നും പറയണ്ട. ഇനി എന്തെങ്കിലും പൊരുത്തകേടുണ്ടെങ്കില്‍ വാഴ നാര് കൊണ്ട് എച്ച് കെട്ടാം.
നാളെ രാവിലെ തന്നെ പുറപ്പെട്ട് കളയാം. വൈകിയാല്‍ ആരെങ്കിലും കൈ വെച്ചാലോ.

അതിരാവിലെ തന്നെ അവര്‍ പുറപ്പെട്ടു. മൂന്നാന്‍, കുഞ്ചമ്പുമാഷ്, ഫല്‍ഗുണന്മാഷ്.
വഴിയില്‍ മൂന്നാന്‍ വാചാലനായി. പെണ്‍ വീട്ടുകാരുടെ വിശേഷങ്ങളുടെ പെരുമഴ.
“എന്തായാ‍ലെന്താ പെണ്ണിന് അഞ്ച് വയസ്സിന്റെ മുപ്പുണ്ട്. അതിന്റെ പക്വത ആ കുട്ടി കാണിക്കും മാഷെ. മാഷെ മോന്‍ ഭാഗ്യവാനാണ്”
കുഞ്ചമ്പുമാഷ് ഒളി കണ്ണിട്ട് ഫല്‍ഗുണനെ നോക്കി. മൂപ്പര്‍ പിന്‍സീറ്റിലിരുന്നു ദാമ്പത്യരംഗം സിനിമ സ്വപ്നം കാണുകയാണ് കുഞ്ഞിക്കൂനനെ പോലെ.
ഭാഗ്യം മൂന്നാന്‍ പറഞ്ഞത് അവന്‍ കേട്ടിട്ടില്ല. കേട്ടാല്‍ എന്തെല്ലാം വിശദീകരണം കൊടുക്കണം. ഷേക്സ്പ്പിയറ് ഇരുപത് വയസ്സിന് മൂത്ത സ്ത്രീയെയാണ് വിവാഹം കഴിച്ചത്. അങ്ങനെ എത്ര എത്ര മഹാന്മാര്‍. അവര്‍ക്കൊക്കെ ഒരു അമ്മയുടെ സ്നേഹം കിട്ടിയത് ഭാര്യയില്‍ നിന്നാണ്. അങ്ങനെ എന്തെല്ലാം ഗുണങ്ങള്‍.

“പിന്നെ മാഷിന് അറിയാമല്ലോ പെണ്ണിന്റെ അമ്മ കുറച്ച് കാലം ഒളിച്ചോടി പോയി ആരുടെയോ കൂടെ ലക്ഷദ്വീപില്‍ .”
“അച്ചാ..” പിറകില്‍ നിന്ന് ഫല്‍ഗുണന്മാഷ് ഉറക്കത്തില്‍ ഞെട്ടി വിളിച്ചു.
എന്താ മോനെ ഇതെല്ലാം വലിയ കാര്യമാണോ. കുറച്ച് കാലം ലക്ഷദ്വീപില്‍ അവരെന്തക്കയോ കാണാന്‍ പോയി പിന്നെ അവര്‍ അഗ്നി ശുദ്ധി വരുത്തി തിരിച്ചു വന്നില്ലെ. സീതാദേവിയാണ് അവള്‍ ലക്ഷദ്വീപിലെ സീതാദേവി. പൂവിട്ട് പൂജിക്കണം.

“മൂത്തവള്‍ ഒരു മുസ്ലിമിന്റെ കൂടെ പോയി രണ്ടാമത്തവള്‍ ക്രിസ്താനിയുടെ കൂടെ ഒളിച്ചോടി പോയി”

“അച്ചാ..” ഫല്‍ഗുണന്‍ പിന്നെയും ഞെട്ടി.

എന്താ മോനെ കൊച്ചു കുട്ടികളെ പോലെ. മതസൌഹാര്‍ദ്ദം പഠിപ്പിക്കുന്ന മതേതര രാജ്യത്തെ ഒരു ഉത്തമ അദ്ധ്യാപകനല്ലെ നീ.
എന്ത് നല്ല മതേതര സന്ദേശമാണ് ആ കുടുംബ്ബം തരുന്നത്. എത്ര മഹത്തായ മതസൌഹാര്‍ദ്ദ കുടുംബ്ബം.
അല്ലെങ്കില്‍ മോനെന്തിനാണ് അധികം വേവലാതി പെടുന്നത്. അപ്പം തിന്നാല്‍ പോരെ കുഴിയെണ്ണണോ.

മൂന്നാന്‍ എന്തിനാണ് ഇതൊക്കെ വിളമ്പുന്നത്. കുഞ്ചമ്പുമാഷ് മൂന്നാന്റെ ലക്കില്ലാത്ത വര്‍ത്തമാനം കേട്ട് അസ്വസ്ഥനാകാന്‍ തുടങ്ങി. ഇനി ഇവന്‍ വായ തുറക്കുന്നതിന് മുമ്പെ എന്തെങ്കിലും ചെയ്തെ പറ്റു. രണ്ട് നൂറിന്റെ നോട്ടെടുത്ത് മൂന്നാന്റെ വായില്‍ തിരുകി കയറ്റി.

പെണ്ണിനെ കണ്ടു. വീട് കണ്ടു. പറമ്പ് കണ്ടു. എല്ലാം ശുഭം.

കുഞ്ചമ്പുമാഷിന് ഒന്നും വേണ്ട. പെണ്ണിനെ മാത്രം മതി. പക്ഷെ ഒറ്റ ഡിമാന്റ്. പെണ്ണിന് ഒരു പത്ത് ലക്ഷം കൊടുക്കണം സ്കൂളില്‍ ചേരാന്‍.
അത് പെണ്ണിന്റെ വീട്ടുകാര്‍ തന്നെ സ്കൂള്‍ ഉടമസ്ഥന് നേരിട്ട് കൊടുത്താല്‍ മതി. കുഞ്ചമ്പുമാഷ് തൊടില്ല.

അടുത്ത ധന്യമൂഹര്‍ത്തത്തില് തന്നെ പാഞ്ചാലി ടീച്ചറ് ഫല്‍ഗുണന്റെ കരം ഗ്രഹിച്ചു. ഹൃദയം കവര്‍ന്നു.
ആദ്യ ദിവസം തന്നെ കുഞ്ചമ്പുമാഷ് പറഞ്ഞു. ഭക്ഷണം വെക്കല്‍,വസത്രം അലക്കല്‍, വീട് വൃത്തിയാക്കല്‍ ഇതൊക്കെ ഞാന്‍ ചെയ്തോളാം. നിങ്ങള്‍ സ്കൂള്‍ പണി ചെയ്താല്‍ മതി. പാഞ്ചാലിയ്ക്ക് ഇന്നലെ സമ്മതം.

രണ്ട് ദിനം കൊണ്ട് തന്നെ പ്രശ്നങ്ങള്‍ ഉടലെടുത്ത് തുടങ്ങി. ഗണപതിയ്ക്ക് വെച്ചത് പട്ടി കടിച്ചു. രാവിലെ ഉച്ച രാത്രി കഞ്ഞി കഞ്ഞി കഞ്ഞി. എനിക്കിത് പറ്റില്ല. ശീലവുമില്ല. പാഞ്ചാലി ടീച്ചര്‍ പൊട്ടിത്തെറിച്ചു.
മോളെ ഇങ്ങനെയൊക്കെ ജീവിച്ചാലെ നിന്റെ മക്കളെ വാദ്ധ്യാര്‍ പണിക്ക് അയക്കാനുള്ള കാശ് ഉണ്ടാക്കാന്‍ പറ്റു. കുഞ്ചമ്പുമാഷ് സത്യം പറഞ്ഞുനോക്കി. കഞ്ഞിയാണ് എന്റെ അടിത്തറ. കഞ്ഞി കുടിച്ചാണ് ഞാന്‍ നേട്ടങ്ങള്‍ കൊയ്തത് ഇതൊക്കെ ഈ പുത്തന്‍ പെണ്ണിന് അറിയോ.

എനിക്ക് പിസ്സ വേണം ബറ്ഗര്‍ വേണം ചിക്കന്‍ വേണം ഒരു ഡ്രം കോക്കകോള വേണം. പാഞ്ചാലി ടീച്ചര്‍ മോഡേണ്‍കാരിയായി ഉരുക്ക് പോലെ നിന്നു. കുഞ്ചമ്പുമാഷ് കീഴടങ്ങി. ആയിക്കോട്ടെ അവള്‍ക്ക് അങ്ങനെ വേണമെങ്കില്‍ അങ്ങനെ. എനിക്ക് കഞ്ഞി തന്നെ മതി.

കാര്യങ്ങളങ്ങനെ മോഡേണായി വമ്പിച്ച പരിഷ്ക്കാരങ്ങളുമായി മുന്നോട്ട് പോകുകയാണ്. സ്കൂളില്‍ പോകാന്‍ ഒരു കൈനെറ്റിക്ക് ഹോണ്ടയും സ്കൂട്ടറും വാങ്ങി. അത് കുറഞ്ഞ് പോയി എന്ന് തോന്നിയപ്പോള്‍ രണ്ട് കാറ് തന്നെ വാങ്ങി കളഞ്ഞു. ഗജരാജന്മാരെ പോലെ രണ്ട് കാറുകള്‍ വീടിന്റെ വലത്തും ഇടത്തും. ആനന്ദലബ്ധിക്കിനിയെന്തു വേണം. കുഞ്ചമ്പുമാഷ് കാറിനെ തൊട്ടും താലോടിയും ഉമ്മ വെച്ചും മസ്തകത്തില്‍ തല വെച്ചും ഹര്‍ഷപുളകിതനായി.

കാറ് തുടക്കലും വീട്ടിലെ പണികളും അതു കൂടാതെ വസ്ത്രം അലക്കലും….ദിവസം കൂടുന്തോറും വസ്ത്രങ്ങളുടേയും വിശിഷ്യാ അടി വസ്ത്രങ്ങളുടേയും എണ്ണം കൂടുന്നു, കുഞ്ചമ്പുമാഷെ നടുവൊടിയുന്നു.
“മോനെ പാഞ്ചാലിയോട് പറയണം ഇങ്ങനെ ദിവസവും തുണി മാറ്റരുതെന്ന്. അച്ചന്റെ നടു പോയി” സഹിക്കെട്ട് കുഞ്ചമ്പുമാഷ് ഫല്‍ഗുണനോട് പറ്ഞ്ഞു
കേള്‍ക്കാ ചെവി ഫല്‍ഗുണന്മാഷ് പുറം തിരിഞ്ഞു നിന്നു. സ്വയം ഏറ്റെടുത്തതല്ലെ അനുഭവിച്ച് തീറ്ക്കുക തന്നെ. പൃഷ്ഠം നോക്കി കുഞ്ചമ്പുമാഷ് എത്ര സമയം നില്‍ക്കും. വായ അടയ്ക്ക് പണി എടുക്ക് എന്ന ആപ്തവാക്യം കുഞ്ചമ്പുമാഷ് പൃഷ്ഠത്തില്‍ ക്ണ്ടു നിശബ്ധനായി.

കുറച്ച് മാസങ്ങള്‍ക്കുള്ളില്‍ തന്നെ പാഞ്ചാലിടീച്ചറ് സ്കൂളില്‍ നല്ല പേര്‍ നേടി. പുകള്‍പറ്റ അദ്ധ്യാപിക, കുട്ടികളുടെ ആരാധനാപാത്രം, സ്കൂളിലെ സകല പരിപാടിയിലും സജീവസാന്നിദ്ധ്യം. നിറപകിട്ടാറ്ന്ന വേഷവിധാനങ്ങളില്‍ പാഞ്ചാലിടീച്ചറ് സ്കൂളില്‍ നിറഞ്ഞ് പൊലിഞ്ഞ് നിന്നു. പെണ്‍ക്കുട്ടികളായാല്‍ പാഞ്ചാലിടീച്ചറെ പോലെയാകണമെന്ന് അമ്മമാറ് പറഞ്ഞു തുടങ്ങിയ കാലം. ഒരു ജീവിതമെയുള്ളു അടിച്ചു പൊളിക്കണം. കാറും സ്കൂട്ടറും മാറി മാറി ഓടിച്ച് സകല സ്ഥലവും കറങ്ങി പാഞ്ചാലിടീച്ചറ് നാട്ടുകാരെ ഞെട്ടിച്ചു കളഞ്ഞു. കുഞ്ചമ്പുമാഷും ഫല്‍ഗുണന്മാഷും നാട്ടുകാരുടെ ഞെട്ടല്‍ കണ്ട് ഊറിച്ചിരിച്ചു. ഇത് ഒന്നുമല്ല കാണാന്‍ ഇനി എത്രയിരിക്കുന്നു എന്ന മട്ടില്‍ അച്ച്നും മകനും ഞെളിഞ്ഞിരുന്നു. ബലെ ഭേഷ്… ഗാലറിയിരുന്ന് കൈ അടിച്ച് വേണ്ടുവേളം പ്രോത്സാഹിപ്പിച്ചു.

പുതിയ ഫാഷനില്‍ എങ്ങനെ വസ്ത്രം അടിക്കണം, എത്ര താഴ്ത്തി ഏതൊക്കെ തരത്തില്‍ ബ്ലൌസിന്റ്റെ പിന്‍ഭാഗം തയ്പ്പിക്കാം എന്നൊക്കെ നാട്ടിലെ തയ്യല്‍ക്കാരെ പഠിപ്പിച്ചത് പാഞ്ചാലിടീച്ചറാണ്.

പാഞ്ചാലിടീച്ചറ് അങ്ങനെ അടിച്ചു പൊളിച്ച് ജീവിക്കുന്ന കാലത്ത് പൊടുന്നനെ ലോട്ടറി അടിച്ചത് പോലെ മൂന്ന് കുട്ടികളെ ഒരേ സമയത്ത് ഡെലിവറി ചെയ്ത് കളഞ്ഞു. ലാളിക്കാന്‍ കുഞ്ചമ്പുമാഷ് ഉണ്ടാകുമ്പോള്‍ പേറെന്തിന് വെവ്വേറെയാക്കണം. ഒന്നിച്ചായത് കൊണ്ടു പലതും ലാഭം എന്നെ കുഞ്ചമ്പുമാഷും കരുതിയുള്ളു.
പക്ഷെ പാഞ്ചാലിടീച്ചറ് അസ്വസ്ഥയായി. പായസം പട്ടി നക്കി കളഞ്ഞത് പോലെ ആയല്ലോ. അഞ്ച് വറ്ഷത്തേയ്ക്ക് വേണ്ടേ വേണ്ടെന്ന് പറഞ്ഞിട്ടു, ഒരു കണ്ട്രോളുമില്ലാത്ത ഈ മനുഷ്യന്‍ എന്റെ ജിവിതം കുട്ടിച്ചോറാക്കി. എന്റെ അംഗവടിവുകള്‍ എന്റെ സൌന്ദര്യം എന്റെ സ്വാതന്ത്ര്യം കണ്ണാടിയുടെ മുന്നിലിരുന്ന് പാഞ്ചാലിടീച്ചറ് നിലവിളിച്ചു. അലമുറയിട്ട് മുടിയഴിച്ചിട്ട് ഫല്‍ഗുണന്മാഷെ ശപിച്ചു. ഇനി എനിക്ക് നിന്റെ മുഖം കാണണ്ട ചതിയന്‍.
കിടപ്പറയില്‍ നോ എന്ട്രി ബോര്‍ഡ് വെച്ചു.

കുട്ടികളെ നോക്കുന്ന കാര്യവും കുഞ്ചമ്പുമാഷ് ഏറ്റെടുത്തു. മില്‍മാപാല്‍ കൊണ്ട് എങ്ങനെ കുട്ടികളെ വളറ്ത്താമെന്ന ഒരു ഗവേഷണവുമായി. മില്‍മാപായ്ക്കറ്റ് അരയില്‍ കെട്ടി കുട്ടികളെ പാ‍ലൂട്ടി മുത്തച്ചന്‍. മനുഷ്യന്‍ മാത്രമല്ല പന്നികള്‍ക്കും കുട്ടികളില്ലെ.
കുട്ടികള്‍ തൂറിക്കൂട്ടിയ തുണികളും അലക്കണം. വയസ്സ് കൂടുംതോറും ജോലി ചെയ്യനുള്ള കഴിവും കൂടുമെന്ന് കുഞ്ചമ്പുമാഷിന് അറിയാം.

പാഞ്ചാലിടീച്ചറ്യ്ക്ക് മിണ്ടാട്ടം ഇല്ലാതായി. ഊണിനാശ കുറഞ്ഞു. നിദ്ര രാത്രിയില്‍ കൊഞ്ഞനം കുത്തി തുടങ്ങി.

ഘോരകാറ്മേഘങ്ങള്കകി്ടയില്‍ വെള്ളിടിവെട്ടി. മഴ കാത്ത് കിടന്ന വേഴാമ്പലിന്റെ വായിലേക്ക് ദേവേന്ദ്രന്മാഷ് പെയ്തിറങ്ങി. രംഭ തിലോത്തമമാരുടെ ഇടയില്‍ അരയന്നം പോലെ കിടന്ന് വിലസിയ ദേവേന്ദ്രന്മാഷ് എങ്ങനെ ഈ കടവില്‍ അടുത്തെന്നോറ്ത്ത് പാഞ്ചാലിടീച്ചറ് പോലും അതിശയിച്ചു.

മുമ്പെങ്ങുമില്ലാത്ത ഒരു വല്ലാത്ത ആകറ്ഷണം.
പല വട്ടം ചേര്‍ന്നിരുന്നിട്ടും തോന്നാത്ത മോഹാവേശം.
എന്തെന്നറിയില്ല എങ്ങനെയെന്നറിയില്ല
കരളിലൊരു മുളപൊട്ടി പടറ്ന്ന് പന്തലിച്ചത്
എന്തോ ഏതോ നിര്‍വ്വചനാതീതം.

ക്രിക്കറ്റ് കളിക്കുമ്പോള്‍ ജിതേന്ദ്രന്‍മാഷെ എത്രയോ പ്രാവശ്യം നോക്കിയിരുന്നിട്ടുണ്ട്. കൈയടിച്ച് അനുമോദിച്ചിട്ടുണ്ട്. പാട്ട് കേട്ട് കുളിര്‍ കോരിയിരുന്നിട്ടുണ്ടു. സ്കൂളിലെ പല പരിപാടികള്‍ക്കും ഒന്നിച്ച് സംഘാടകരായിട്ടുണ്ട്. അന്നൊന്നും തോന്നാത്ത അടുപ്പം. അതാ പറഞ്ഞത് ചേരേണ്ടതേ ചേരു. മൈഡ് ഫോര്‍ ഈച്ചതര്‍.
രണ്ട് പേരും വിവാഹിതര്‍,
വിവഹ അനുഭവ സമ്പത്ത് പെരുത്ത്,
രണ്ട് പേര്‍ക്കും മൂന്ന് കുട്ടികള്‍ വീതം,
രണ്ട് പേര്‍ക്കും ഒരേ സ്കൂളില്‍ പണി,
പുരോഗമനച്ചിന്തയില്‍ രണ്ട് പേരും ഒപ്പത്തിനൊപ്പം.
പൊരുത്തങ്ങള്‍ ഏറെയുണ്ടു പാണന് പാടാന്‍.
ജാതക ദോഷം ബ്രഹ്മാവിന് തടുക്കാന്‍ പറ്റോ?

ഇനിയെന്തിന് അമാന്തിക്കണം. ഉല അണയും മുമ്പെ ഇരുമ്പ് കൊളുത്തിടുക തന്നെ.
രണ്ട് ടിക്കറ്റ്, രണ്ട് ചെറിയ ബാഗ്, മനസ്സില്‍ നുരയന്ന വലിയ മോഹങ്ങള്‍.
ഭാരിച്ച ഭാണ്ഡങ്ങള്‍ ആര്‍ക്ക് വേണം. കുടുംബ്ബം, കുട്ടികള്‍, ആചാരങ്ങള്‍.
അഭിശപ്ത ഭൂതം പോയി തുലയട്ടെ വറ്ത്തമാനവും ഭാവിയും ഏറെയുണ്ട് വെട്ടിപ്പിടിക്കാന്‍.
സ്വയം തോന്നിയ വഴിക്ക് പോകുന്നവറ്ക്ക് എന്ത് നിയമങ്ങള്‍ എന്ത് ബാധ്യതകള്‍. കണ്ട വഴിയെ പോകുക അത്ര തന്നെ.

അന്ന് വൈകുന്നേരം വളരെ നേരം വൈകിയാണ് ഫല്‍ഗുണന്മാഷ് വന്നത്. പക്ഷെ പാഞ്ചാലിടീച്ചറ് വന്നിട്ടില്ല. സ്കൂളില്‍ അന്വഷിച്ചപ്പോള്‍ നേരത്തെ പോയെന്നാണ് അറിഞ്ഞത്. പിന്നെ എവിടെ പോയി. ഫല്‍ഗുണന്മാഷെ ലോകം കീഴ്മേല്‍ മറിഞ്ഞു.
കുട്ടികള്‍ കീറികളിച്ച് കൊണ്ടിരുന്ന കടലാസ് സാക്ഷി. കീറിയ കടലാസ് ഒത്ത് വെച്ചപ്പോള്‍ പാഞ്ചാലിടീച്ചറിന്റെ മുഖം തെളിഞ്ഞു.

ഞങ്ങള്‍ പോകുന്നു.
കുടുംബ്ബം തകരുകയും സ്ത്രീയും പുരുഷനും സ്വതന്ത്രരാകുകയും കുട്ടികള്‍ നാടിന്റെ സമ്പത്താകുകയും ചെയ്യുന്ന ഒരു സുന്ദര ലോകം വരുമ്പോള്‍ ഞങ്ങള്‍ തിരിച്ചു വരും. അത് വരെ ഞങ്ങളെ അന്വേഷിച്ച് വന്ന് ദ്രോഹിക്കരുത്.

ഫല്‍ഗുണന്മാഷെ ലോകം ഒരിക്കല്‍ കൂടി കീഴ്മേല്‍ മറിഞ്ഞു.
കണ്ണില്‍ ഇരുട്ട് കയറി.
കുട്ടികള്‍ രാക്ഷസന്മാരെ പോലെ കരയാന്‍ തുടങ്ങി.

നാട്ട് നടപ്പ് അനുസരിച്ച് പോലീസില്‍ ഒരു പരാതി കൊടുക്കണം. അല്ലെങ്കില്‍ വാദി പ്രതിയാകും. പാഞ്ചാലിടീച്ചറെ ആരോ തട്ടി കൊണ്ടുപോയെന്ന് പറഞ്ഞു ഒരു പരാതി കൊടുത്തു.

സുകുമാരക്കുറുപ്പിനെ പിടിച്ചില്ലെങ്കിലും ഇവരെ ഞങ്ങള്‍ പിടിക്കുമെന്ന് പോലീസ് കട്ടായം പറഞ്ഞു. വാസ്തവം കൃത്യം മൂന്നാം നാള്‍ അവരെ പൊക്കി പോലീസ് അന്തമാനില്‍ നിന്ന്. ബന്ധുജനാദികളെ വിളിച്ചു വരുത്തി വിചാരണ തുടങ്ങി.
പീഢനം സഹിക്കാന്‍ കഴിയാത്തത് കൊണ്ടാണ് നാട് വിട്ടതെന്ന് പാഞ്ചാലി ടീച്ചര്‍ ഹൃദയം പൊട്ടി കരഞ്ഞു പറഞ്ഞപ്പോള്‍ പോലീസ് എമാന്‍ കുഞ്ചമ്പുമാഷെ ഒന്നു തുറിച്ചു നോക്കി. കുഞ്ചമ്പുമാഷ് ഒന്നു കിടുങ്ങി. “ഏയ് ഞാനൊന്നും ചെയ്തിട്ടില്ല. അടി വസ്ത്രം അലക്കുകയല്ലാതെ എന്റെ പൊന്നു സാറെ എന്നെ രക്ഷിക്കണം” കുഞ്ചമ്പുമാഷ് പോലീസുകാരന്റെ കാല്‍ പിടിച്ചു പറഞ്ഞു.
പീഢനക്കഥകള്‍ കേട്ട് കരിങ്കല്ല് മാനസമുള്ള പോലീസ് പൊട്ടികരഞ്ഞു. കരഞ്ഞ് മൂക്ക് പിഴിഞ്ഞ് പാഞ്ചാലിയുടെ സാരി കൊണ്ട് പോലീസ്
മുഖം തുടച്ചു. ഗദ്ഗദപൂര്‍വ്വം പോലീസ് പാഞ്ചാലിയെ കാമുകന്റെ കൂടെ പോകാന്‍ സവിനയം അനുവദിച്ചു.

കുഞ്ചമ്പുമാഷും പരിവാരങ്ങളും വാ പിളര്‍ന്ന് പൊന്നു ഉരുക്കുന്നിടത്തെ പൂച്ചകളായി.
ഫല്‍ഗുണന്മാഷ് കരഞ്ഞ് അലമ്പാക്കുന്ന കുട്ടികളെ കെട്ടഴിച്ച് വിട്ടു.
പാഞ്ചാലി പ്ലീസ്….
നിലവിളിച്ച് വരുന്ന കുട്ടികളെ വകഞ്ഞുമാറ്റി പാഞ്ചാലി കൊടുങ്കാറ്റായി അകന്ന് പോയി.
കന്നുകാലികള്‍ക്ക് കുട്ടികളുണ്ടാകുന്നില്ലെ അവര്‍ വളരില്ലെ. അത്രയെ ഉള്ളു ഇതും. വാ കീറിയ ദൈവം ചോറിനുള്ള വഴിയും കാണും.
അല്ലാതെ കണ്ടവന്റെ കുട്ടിയേയും നോക്കി ജീവിച്ചാല്‍ എന്റെ ജിവിതം എന്തിന് കൊള്ളാം. എന്റെ പാരമ്പര്യം ആര് കാക്കും. എന്റെ പരദൈവങ്ങളെ തുണ. എന്റെ അമ്മ പെങ്ങമാരെ നിങ്ങളെന്റെ വഴി കാട്ടി. പാഞ്ചാലി പുകച്ചുരുളായി വാനില്‍ അലിഞ്ഞു.

താന്‍ താലോലിച്ച് വളര്‍ത്തിയ ലക്ഷങ്ങള്‍ അകന്ന് പോകുന്നത് കാണാന്‍ കരുത്തില്ലാതെ കുഞ്ചമ്പുമാഷ് മുഖം കുനിച്ച് നിന്നു.

തിറ കഴിഞ്ഞിട്ടും പൂരപ്പറമ്പില്‍ ചുറ്റിപ്പറ്റി നില്‍ക്കുന്ന കുഞ്ചമ്പുമാഷേയും പരിവാരങ്ങളേയും നോക്കി പോലീസ് ചോദിച്ചു “ ങും.. ഇനി എന്താ കാര്യം ആ കുട്ടി മൂന്ന് കുട്ടികളെ നിങ്ങള്‍ക്ക് തന്നില്ലെ. അതില്പരം എന്ത് ത്യാഗമാണ് ചെയ്യേണ്ടത്. ഇക്കാലത്ത് ഇത്ര വലിയ ദാനം ആരാണ് ചെയ്യുക. ആ കുട്ടികളെ നന്നായി വളര്‍ത്താന്‍ നോക്ക്”

കുട്ടികളെ കെട്ടിവലിച്ച് നടക്കുന്നതിനിടയല്‍ കുഞ്ചമ്പുമാഷിന്റെ തലയില്‍ ഒരു ബള്‍ബ് കത്തി. ഐഡിയ. ചിന്തിക്കാന്‍ നിരവധി കാരണങ്ങളുണ്ടു. ദേവേന്ദ്രന്‍മാഷെ ഭാര്യ ദമയന്തി. ദമയന്തി ടീച്ചര്‍. ഫല്‍ഗുണനെ പോലെ തുല്യ ദു:ഖിത. സറ്വ്വോപരി ടീച്ചറ്. ഭാഗ്യഹീനയായ അവള്‍ക്കും ഒരു ജീവിതം വേണം. സംഭവിച്ചതൊക്ക നല്ലത് ഇനി സംഭവിക്കാന്‍ പോകുന്നതും.

ഭറ്ത്ത്ര് വിയോഗയായ ദമയന്തി ടീച്ചര്‍ മോഹാലസ്യത്തില്‍ നിന്നുണര്‍ന്നത് അഞ്ചാം നാള്‍.
“മോളെ കഴിഞ്ഞതൊക്ക കഴിഞ്ഞു. ഇനി അതിനെപ്പറ്റി ചിന്തിച്ചിട്ട് കാര്യമില്ല. എന്റെ മകന്‍ ഫല്ഗുണന് മോളൊരു ജീവിതം കൊടുക്കണം. മോള്‍ക്കെ അതിന് കഴിയൂ”. കുഞ്ചമ്പുമാഷ് ഒറ്റശ്വാസത്തില്‍ പറഞ്ഞു.

ദമയന്തിയ്ക്ക് ഇനി ചിന്തിക്കാന്‍ എന്തുണ്ടു. സുന്ദരിയായ ദമയന്തിടീച്ചറെ കല്യാണം കഴിക്കുന്നതിന് ഫല്‍ഗുണന്‍മഷയ്ക്കും രണ്ടാമതൊന്ന് ചിന്തിക്കാനില്ല. പണ്ടെ കണ്ടതാണീ മുഖം. പാഞ്ചാലിയെ കല്യാണം കഴിക്കുന്നതിന് മുമ്പ് ദമയന്തിടീച്ചറെ കിട്ടിയിരുന്നെങ്കില്‍ കല്യാണം കഴിക്കാമായിരുന്നു…….എന്നൊരു ജയന്‍ സ്റ്റൈയിലില്‍ ഫല്‍ഗുണന്‍മാഷ് പറഞ്ഞേനെ…..

വാദ്ധ്യാര്‍കുടുംബ്ബത്തിന്റെ അന്തസ്സ് നിലനിര്‍ത്താന് കുഞ്ചമ്പുമാഷ് ഉടനെ തന്നെ ഈ വിവാഹം നടത്തി.

ഞങ്ങള്‍ രണ്ട് ഞങ്ങള്‍ക്ക് ആറ്. സന്തുഷ്ട കുടുംബ്ബം. സംതൃപ്ത കുടുംബ്ബം.

ബാലവാടി തുടങ്ങാനുള്ള കുട്ടികളായല്ലോ എന്ന് ആരെങ്കിലും പറഞ്ഞാല്‍ കുഞ്ചമ്പുമാഷ് പറയും “ അതെ ഇതെന്റെ ഭാഗ്യം തന്നെ. ഇതൊന്നും നിനയ്ക്ക് ഈ ജന്മത്തില്‍ കഴിയില്ല”
അച്ചാ ബഹുത്തച്ചാ..
പാലത്തിനടിയിലൂടെ പിന്നെയും വെള്ളമൊഴുകി.
പിന്നെയും വിഷു വന്നു ഓണവും വന്നു.
കാലവര്‍ഷം വന്നു പൊരിവേനല്‍ വന്നു.

ദേവേന്ദ്രന്‍മാഷ് സ്കൂളില്‍ തിരിച്ചെത്തി. ഐസ് പോയ കോലു പോലെ. പാഞ്ചാലി ടീച്ചര്‍ ഒരു ഭീമന്റെ കൂടെ ഒളിച്ചോടി പോയി പോലും.
ഒരാഴച്ച കാത്തിരുന്നു മടുത്ത ജിതേന്ദ്രന്മാഷ് തിരിച്ചു വന്നു.
കലിയിറങ്ങിയ നളനെപോലെ നമ്രശിരസ്ക്കനായി ദേവേന്ദ്രന്‍മാഷ് ദമയന്തിയ്ക്ക് അടിയറ പറഞ്ഞു.
“പ്രിയെ എന്നോട് ക്ഷമിക്കു. എന്താണ് ചെയ്തെന്ന് എനിക്കറിയില്ല. എല്ലാം ഒരു ഭൂതാവേശം പോലെ. എന്തെക്കയൊ കാട്ടികൂട്ടി.
എവിടെയൊക്കയോ കറങ്ങി. കോണ്‍ക്രീറ്റ് വനങ്ങളില്‍ അലഞ്ഞു. ഇന്ന് ഞാന്‍ എല്ലാം തിരിച്ചറിയുന്നു. ദമയന്തി നീയില്ലാതെ എനിക്ക് ജീവിക്കാന്‍ കഴിയില്ല. എന്നോട് കരുണ കാണിക്കു. നമുക്ക് പഴയ ജീവിതത്തിലേക്ക് തിരിച്ചു പോകാം. പ്ലീസ്.”

കദനകഥ കേട്ട് ദമയന്തി തരളിതയായി. ഒരു നിമിഷം പഴയ പൂക്കാലത്തേക്ക് തിരിച്ചു പോയി. ഈ പാവം മനുഷ്യന് ആറ്ക്കാണ് മാപ്പ് കൊടുക്കാന്‍ കഴിയുക, ദമയന്തിയ്ക്ക് അല്ലാതെ. നഷ്ടപ്പെട്ടത് തിരിച്ചു കിട്ടിയ ആവേശത്തില്‍ അത് ഇനി ഒരിക്കലും നഷ്ടപ്പെടാതിരിക്കാന്‍ ദമയന്തി ദേവേന്ദ്രന്‍മാഷെ ഹൃദയത്തോട് ചേര്‍ത്ത് പിടിച്ചു. വന്യമായി. ഗാഢമായി.

കുഞ്ചമ്പുമാഷും ഫല്‍ഗുണന്‍മാഷും ആറ് കുട്ടികളും തനിച്ചായി. അനാഥരായി.
കലപില കൂട്ടി വാവിട്ട് നിലവിളിക്കുന്ന കുട്ടികള്‍ക്കിടയില്‍ അവശനായ ഫല്‍ഗുണനെ നോക്കി കുഞ്ചമ്പുമാഷ് ഉറക്കെ പ്രഖ്യാപിച്ചു.

തളരരുത് മകനെ. ഇനി നിനയ്ക്ക് പ്രസവിക്കാന്‍ കഴിയാത്ത ഒരു ടീച്ചറെയാണ് വേണ്ടത്.
അരയില്‍ ചുരിക ചുറ്റി അച്ചന്‍ പുറപ്പടുകയായി.
ഇനിയും ഒരു അങ്കത്തിന് ബാല്യമുണ്ട് നിനയ്ക്ക്.
അച്ചനെ അനുഗ്രഹിക്കുക.
അച്ചന്‍ പോയി വരട്ടെ.
വിജയീ ഭവ:

ചന്തിക്ക് പാളകെട്ടിയ മുന്‍കൂറ് ജാമ്യം: ഇതിലെ കഥാപാത്രങ്ങളെ കണ്ടിട്ട് ഇത് താന്‍ തന്നെ അല്ലയോ എന്ന് ആരെങ്കിലും ഉത്പ്രേക്ഷിച്ച് ഉപമിച്ച് ബഹുവ്രീഹിയാകുന്നുവെങ്കില്‍ അത് കേവലം ദൈവത്തിന്റെ വികൃതിമാത്രമാണ്. അതിന് ആരും ഉത്തരവദിയല്ല എന്ന് ഇതിനാല്‍ അറിയിക്കുന്നു.

ജീവിതം ആനന്ദകരമാക്കുക (Life is Beautiful)

2009-07-12T11:02:00.000-07:00

ഒരു ബാങ്കിന്റെ പരസ്യം വായിക്കുക.
നിങ്ങള്‍ പണമില്ലാത്തത് കൊണ്ട് ദു:ഖിതനാണോ.
എങ്കിലിതാ നിങ്ങളുടെ ജീവിതത്തിലേക്ക് ശാന്തിയും സന്തോഷവും കൊണ്ടുവരാന്‍ ബാങ്കിന്റെ വാതായനങ്ങള്‍ നിങ്ങള്‍ക്കായി മലറ്ക്കെ തുറന്നിട്ടിരിക്കുന്നു.
മടിച്ച് നില്‍ക്കാതെ വരിക.
കടം എത്ര വേണമെങ്കിലും തരാം.
ചുവപ്പ് നാടകളുടെ നൂലാമാലയില്ല.
നിരവധി രേഖകള്‍ വേണ്ട.
ഈസി ലോണ്‍.
രണ്ട് നിമിഷം കൊണ്ട് പൂറ്ത്തിയാക്കാവുന്ന ലോണ്‍ ആപ്ലിക്കേഷന്‍.
ഇനി പറയുമോ നിങ്ങളുടെ ജീവിതം സുരക്ഷിതമല്ലെന്ന്?
ആഘോഷിക്കു ദിനങ്ങളെല്ലാം.
വാരാന്ത്യങ്ങള്‍ അടിപ്പൊളിയാക്കു
ഭയമെന്തിന് കൂടെ ഞങ്ങളുണ്ടല്ലോ.
കീശയില്‍ പണമെന്തിന് കാറ്ഡുകള്‍ ഉണ്ടല്ലോ!

മാസാവസാനം ബാങ്കിന്റെ സ്റ്റേറ്റ്മെന്റ് വന്നപ്പോള്‍ അതിന്റെ അടിയില്‍ ചെറിയ അക്ഷരത്തില്‍ ഇങ്ങനെ എഴുതിയിരിക്കുന്നു.
കടവും പലിശയും കൃത്യസമയത്ത് അടച്ചാല്‍ നിങ്ങളുടെ ജീവിതത്തിലെ ശാന്തിയും സമാധാനവും ജീവിതകാലം മുഴുവന്‍ നിലനിറ്ത്താം. ഒഴിവുകാലം സന്തോഷകരമാക്കാം. അല്ലെങ്കില്‍ പലിശയുടെ മുകളില്‍ പലിശ കൂടി വലിയൊരു കടബാധ്യതയായി മാറും. അതും അടച്ചില്ലെങ്കില്‍ നിങ്ങളുടെ ജംഗമസ്ഥാവര സ്വത്തുക്കള്‍ ജപ്തി ചെയ്യുകയോ, നിങ്ങളെ ജയിലിലാക്കുകയോ ചെയ്യും.

ബാങ്കില്‍ പണം അടച്ച് ആ‍നന്ദം വാങ്ങാന്‍ മറക്കരുതെ……

വി എസും വിമറ്ശകരും

2009-06-11T11:26:00.000-07:00

(ആള്‍ദൈവങ്ങളുടെ കാലം കഴിഞ്ഞു- കെ.ഇ.എന്‍.കുഞ്ഞഹമദ്)
(കാലഹരണപ്പെട്ട വ്യക്തി - എം. മുകുന്ദന്‍)
വൃദ്ധനല്ല അവന്‍,
കാലം ഹരിക്കാത്ത യുവത്വം തുളുമ്പുന്നവന്‍.
എണ്‍പത്തിയഞ്ചിലും
ഇരുപത്തിയഞ്ചിന്റെ വിപ്ലവ സ്വപ്നങ്ങള്‍.
അറിയുക മാറ്റത്തിന്‍ ചുമരെഴുത്തുകള്‍
അല്ലെങ്കില്‍ അറിയില്ലെന്ന് നടിച്ച്
വിഡ്ഢിവേഷം കെട്ടിയാടുക.
മസിലുകള്‍ ആഘോഷമാക്കിയ നല്ല മിമിക്രിക്കാരെ
നിങ്ങള്‍ക്ക് ഒരു നല്ല നമസ്ക്കാരം.
നീട്ടിയും കുറുക്കിയും പോറ് വിളിച്ചത്
അനീതിക്കെതിരെയെന്നറിയാതെ പോകരുത്.
വയലാറില്‍ ഒളിച്ചോടിയവനെന്ന് പരിഹസിച്ചോളു,
ഒരടി പിന്നോട്ടെന്നത് രണ്ടടി മുന്നോട്ടാണെന്നോറ്ക്കാന്‍ മറക്കരുത്.
സഹമന്ത്രിമാറ് സകുടുംബം വിദേശം കറങ്ങുമ്പോള്‍
സ്വദേശത്ത് കാടും മലയും താണ്ടുന്നവന്‍.
സഹസഖാക്കള്‍ നവകമ്പോള വീഥികളില്‍ രമിക്കുമ്പോള്‍,
സനാതന മൂല്യങ്ങള്‍ നെഞ്ചോട് ചേറ്ത്തവന്‍.
ചിലറ് പഞ്ചനക്ഷത്രഹോട്ടലുകളില്‍ ചേക്കേറുമ്പോള്‍
പിറന്നാള്‍ കഞ്ഞിയും ചീരയും കൊണ്ടാഘോഷിച്ചവന്‍.
വാഴയല്ല അരിയാണ്‍ മുഖ്യമെന്ന് മുമ്പെ അറിഞ്ഞവന്‍.
തീയില്‍ കുരുത്ത്,കമ്പളി പുതപ്പില്‍ അഭയം തേടാത്തവന്‍.
(ബക്കറ്റിലെ തിര. വമ്പിച്ച ജനാവലികളായ സമുദ്രത്തിന്റെ മാറോട് ചേറ്ന്ന് നില്‍ക്കുമ്പോഴെ വ്യക്തിയ്ക്ക് ശക്തി ഉണ്ടാകു – പിണറായി)
ആര്‍ത്തിരമ്പിയെത്തിയ ജനകോടിയലകളെല്ലാം
വ്യക്തിസ്വാറ്ത്ഥ പൂരണത്തിനല്ലെന്നരുളിയവന്‍.
ജനശക്തി അഴിമതികുടയാക്കരുത് സഖേ.
(വഞ്ചകന്റെ ചിരി, അശ്ലീല ചിരി,സ്വന്തം കൂട്ടില്‍ വിസറ്ജിക്കുന്ന ജീവി, എതിരാളികളെ പല്ലും നഖവും കൊണ്ട് ആക്രമിക്കുന്ന ഹിംസ്രജന്തു – അഴീക്കോട്)
പ്രശംസിക്കേണ്ട വിമറ്ശിച്ചോളു
വേണ്ടുവോളം തെറി പറയരുതെ.
പട്ടിക്കഥകള്‍ മെനഞ്ഞു പലരും
അഴിക്കോട് മാഷെ നിങ്ങളും!
വാക്കുകളില്‍ വാറ്ദ്ധക്യ പതറ്ച്ചയോ
വയസ്സിലിളയവനായിട്ടും!!
വ്യക്തി തേജോവധത്തിന്‍ മലം വിഴുങ്ങി
വാള്‍ വെക്കരുതേ…
(ലാവലിന്‍ കേസില്‍ പിണറായിയെ പ്രോസിക്യൂട്ട് ചെയ്യാന്‍ അനുവദിച്ചതില്‍ പ്രതിഷേധിച്ച് ഹറ്ത്താലിന് ആഹ്വാനം)
പാറ്ട്ടിയിലൊരുവന്‍ അഴിമതി ചെയ്താല്‍
നേരും നെറിയും അറിയും മുമ്പെ
മറ്ക്കടവേഷം കെട്ടരുതയ്യോ.
കത്തിയ ബസ്സും പൊട്ടിയ കണ്ണും
തിരികെ വരില്ലെന്നോറ്ക്കുക
തെരുവില്‍ കൂത്താടുമ്പോള്‍.
നേരറിയാന്‍ ക്ഷമ ഭൂമിയോളം കാത്ത് വെക്കുക,
വീണ വാക്കുകള്‍ തിരിച്ചു കുത്താതിരിക്കാന്‍.
(ലാവലിന്‍ കേസില്‍ പിണറായിയെ പ്രോസിക്യൂട്ട് ചെയ്യാന്‍ അനുവദിച്ചതില്‍ വി.എസിന് ചിരിക്കാം – അഴിക്കോട്)
സഹസഖാവ് ദു:ഖസാഗരത്തില്‍ പതറുമ്പോള്‍
അശ്ലീല ചിരി ചിരിക്കാന്‍ സമ്മതമേകിയ
വന്ദ്യവയോധികാ നന്ദി, നല്ല നമസ്കാരം,
പറഞ്ഞതിനും പറയാത്തതിനും.
(ഭൂരിപക്ഷം,ലെനിന്‍ തത്വം, തെരഞ്ഞെടുപ്പ് പരാജയം)
ഭൂരിപക്ഷം പറഞ്ഞാല്‍
ആട് പട്ടിയാകില്ല
എലി പൂച്ചയുമാകില്ല.
എലി പിന്നെയും കരണ്ടു തിന്നും.
എലികള്‍ കരണ്ടു തിന്ന കോണകവുമായി
വോട്ട് ചോദിച്ചാല്‍ ജനം മുഖത്തടിക്കും.
എലിയെ പേടിച്ച് ഇല്ലം ചുടണോ?
വേണ്ടേ വേണ്ട
ഒരുമയുണ്ടെങ്കില്‍ എലിയെ പിടിക്കാം
പിന്നെ പുലിയും വീഴും.
സത്യത്തിന്റെ ശബ്ദം ഒറ്റപ്പെട്ടാലും
സത്യം സത്യമല്ലാതാകില്ല.
അറിയുക മാറ്റത്തിന്‍ ചുമരെഴുത്തുകള്‍
അല്ലെങ്കില്‍ അറിയില്ലെന്ന് നടിച്ച്
വിഡ്ഢിവേഷം കെട്ടിയാടുക.
അണയും മുമ്പെ ഈ സഞ്ചിത ഊറ്ജ്ജം പകറന്നെടുക്കാന്‍
വാര്‍ദ്ധക്യം ബാധിക്കാത്ത കൌമാരങ്ങളുണ്ടോ?

ഇവിടെയും ഞെക്കാം>> വി.എസ്

നടി നടന്റെ ഭാര്യയായപ്പോള്‍ (നടനം ജീവിതം)

2009-05-14T22:13:00.000-07:00

കവിത കേള്‍ക്കാം

1.പ്രണയകാലം
കൊഞ്ചും മിഴിയെ
ഇമ്പം മൊഴിയെ
മധുരം ചൊടിയെ
ഉലയും നാഗ ഗാത്രമെ
കലതന്‍ നിറദീപമെ
നീയില്ലാത്ത വെള്ളിത്തിര
ഹാ കഷടം, ഉപ്പില്ലാത്ത കടലാകുന്നു.
വെള്ളിത്തിരയില്‍ നീ നിറയുമ്പോള്‍
സിരകളില്‍ അഗ്നി നുരയുന്നു.
ദേവി, ചലച്ചിത്രനഭസ്സിലെ തേജോമയി
നീയില്ലാത്ത സിനിമാലോകം
അചിന്തനീയം അസാദ്ധ്യം.
തുടിക്കും നിനവേ
നടന തിടമ്പെ
മേനിയിലൊഴുകും ജലകണമാകട്ടെ ഞാന്‍.
ഭാവ സാഗരമെ
നവരസകൂട്ടെ
ദേവി, നടന വിഗ്രഹമേ
നിന്റെ മൂര്‍ദ്ധാവിലെ ചന്ദനപ്പൊട്ടാകട്ടെ ഞാന്‍.
രാഗമേളങ്ങളതന്‍ ദ്രുതതാള ചരണങ്ങളില്‍
നമിക്കുന്നു ഞാന്‍.
ദേവി, നിന്റെ ദാസനായി.

2.വൈവാഹികം
നിന്റെ അംഗസൌഭാഗ്യങ്ങള്‍
പട്ടുചേലയില്‍ പൊതിയുക.
ഭാവഭാവാഭിനയങ്ങള്‍ക്ക് മുഖപടമണിയിക്കുക.
നീ എന്റെതല്ലെ എന്റെ സ്വന്തം മാത്രം
എന്‍ പൊന്‍പ്പെട്ടിയിലെ പവിഴമുത്തല്ലെ.
മുത്തെ നിന്നെ ഞാന്‍ പട്ടുകൊണ്ടു പൊതിയും
കാറ്റും വേണ്ട വെയിലും വേണ്ട
പൊടിയും കൊള്ളണ്ട.
നീ എന്റെതല്ലെ എന്റെ സ്വന്തം മാത്രം
മുഖം കൊടുക്കരുത് തേടിയെത്തും മുന്‍ നായകന്മാറ്ക്ക്
അഴകിയ രാവണന്മാരായെത്തും
ലജ്ജയേതുമില്ലാത്ത ഇത്തിള്‍ കണ്ണികള്‍.
കാമപേക്കോലങ്ങള്‍.
കാള്‍ഷീറ്റ് തൊട്ടുപോകല്ലെ പൊന്നെ
ഏഴയലത്തടുപ്പിക്കരുത്
പുറം കാല്‍ കൊണ്ട് ദൂരെക്കെറിയുക
പാപക്കനിയേന്തും പ്രലോഭനങ്ങളെ.
അരികില്‍ ഞാനില്ലാത്ത നേരം
കൊഞ്ചിക്കളിക്കുക, പിഞ്ചുങ്ങള്‍ തന്‍ മനം കവരുക.
കുട്ടികളല്ലോ വീടിന്റെ സൌഭാഗ്യം.
മാതാപിതാക്കള്‍തന്‍ പാദസേവ ചെയ്യുക
സീതയാകുക ശീലാവതിയാകുക.
പുരാണങ്ങള്‍ തന്നെ ആധാരശിലകള്‍
സാധകം ചെയ്യുക പാരമ്പര്യം വിടാതെ.

3.ഉപജീവനം
നടിതന്‍ അധരം നുണയുന്നത്
തൊഴിലല്ലെ, ചോറല്ലെ പൊന്നെ..
നിനയ്ക്ക് വേണ്ടിയല്ലെ..
സ്തനഭാരങ്ങള്‍ ഏറ്റുവാങ്ങുന്നതും
അംഗവടിവുകളിലെ ആരോഹണാവരോഹണവും
തൊഴിലല്ലെ, ചോറല്ലെ പൊന്നെ..
നിനയ്ക്ക് വേണ്ടിയല്ലെ.
നായികയെ കെട്ടിപിടിച്ചെന്നോ
ഉമ്മ വെച്ചെന്നോ, കിടപ്പറ പങ്ക് വെച്ചെന്നോ
ഗോസിപ്പുകളില്‍ തുണിയഴിഞ്ഞെന്നോ
ച്ചെ ച്ചെ..സ്വപ്നമല്ലെ സിനിമയല്ലെ
തൊഴിലല്ലെ, ചോറല്ലെ പൊന്നെ..
നിനയ്ക്ക് വേണ്ടിയല്ലെ..

4.സാന്ത്വനം
അരുതരുത് പ്രിയെ വിഷക്കുപ്പി തേടരുതെ.
ഞാനില്ലെ എന്റെ സ്നേഹമില്ലെ
നിന്റെ കണ്ണീറ്ത്തുള്ളികള്‍
എന്നെ ചുട്ടുപ്പൊള്ളിക്കും
പൊഴിക്കാതെ കണ്ണീറ്
മാറിലൊളിപ്പിക്കുക ഗദ്ഗദങ്ങളെ.
കഥകളി അരങ്ങൊഴിയുന്ന പുലറ്വേളയിലും
ഉറങ്ങാതെ ഇമ വെട്ടാതെ
നിന്റെ മടിയില്‍ ഞാനില്ലെ
നിന്റെ വാക്കുകള്‍ക്കായി,
നിന്റെ കടാക്ഷങ്ങള്‍ക്കായി.
നീ എന്റെതല്ലെ എന്റെ സ്വന്തം മാത്രം.

സ്ലം ഡോഗും പിതൃക്കളും (Slum dog millionaire)

2009-03-13T03:00:00.000-07:00

മുമ്പൈയിലെ വൃത്തികെട്ട ചേരി,
ഇന്ത്യയിലെ കുപ്രസിദ്ധ ചേരി,
നഗരത്തിന്റെ ഉപോത്പന്നം,
ലോകത്തിന്റെ വലിയ സ്ക്രീനില് തെളിയുന്നു.
അംബരചുംബ്ബികളായ നഗരത്തിന്റെ അത്ര തന്നെ വലിയ ചേരി, നഗരത്തിന്റെ നേര്‍ പകുതിയോളം പരന്ന് കിടക്കുന്ന ചേരിയുടെ ആകാശവീക്ഷണം.
വിസര്‍ജനവും ഉപജീവനവും അതിരുകളില്ലാതെ എല്ലാം കൂടി കലര്‍ന്ന മനുഷ്യപുഴുക്കളുടെ ആവാസ കേന്ദ്രം.
മലത്തില്‍ കുതിര്‍ന്ന സ്ലം ഡോഗ്.
അല്ല ഇന്ത്യന്‍ മനുഷ്യപുഴു.
ലോകത്തിലെ ഏറ്റവും വലിയ ശക്തിയാകാന്‍ ഒരുങ്ങി പുറപ്പെട്ട ഇന്ത്യയുടെ വികൃത മുഖം.
ഇന്ത്യയ്ക്ക് ഇങ്ങനേയും ഒരു മുഖം?
അങ്ങനെയൊരു മുഖം അവിടെ കിടക്കമ്പോള്‍ തന്നെ....
ചെളിയില്‍ നിന്ന് ചെന്താമര പോലെ എ.ആറ്. റഹമാനും, റസൂല്‍ പൂക്കുട്ടിയും ലോകത്തിന്റെ നെറുകയിലേക്ക് ഉയരുന്നു.
ഇന്ത്യയിലേക്ക് മൂന്ന് ഓസ്കാര്‍.
ചന്ദനത്തില്‍ കുതിറ്ന്ന ഓംകാരമേളിത സ്വപ്നസാക്ഷാല്‍ക്കാരം.
ചരിത്രവിസ്മയം.
ധാരാവിയില്‍ ആഹ്ലാദത്തിന്റെ അലതല്ലല്‍.
ഇന്ത്യയ്ക്കും കേരളത്തിനും അഭിമാനത്തിന്റെ ധന്യമുഹൂര്‍ത്തങ്ങള്‍.
ഇത് റഹമാന്റെയും റസൂലിന്റെയും ജീവാംശം കലര്‍ന്ന സിനിമയാണ്.
ചേരിയിലെ അനാഥനായ കുട്ടിയുടെ അത്ര തന്നെ വിഷമങ്ങളുടേയും കഷ്ടപ്പാടിന്റെയും ഇടയില്‍ ഇച്ചാശക്തിയുടെയും കഠിനാദ്ധ്വാനത്തിന്‍റേയും പിന്‍ബലത്തില്‍ ഉയരങ്ങള്‍ കീഴടക്കിയവനാണ് എ.ആറ്. റഹമാന്‍.
ഇല്ലായ്മയുടെയും വല്ലായ്മയുടെയും കുറച്ച് കഥകള്‍ റസൂലിനും ഉണ്ട്.

ജീവിതാനുഭവങ്ങളുടെ തീച്ചൂളയില്‍ വെന്തിരുകിയ അറിവിന്റെ ഏകല്യവനായ ജമാല്‍ (സ്ലം ഡോഗിലെ നായകന്‍). ദ്രോണരെ പോലെ ടീവി അവതാരകന്‍ ജമാലിനെ നിശബ്ദനാക്കാനും കളിക്കളത്തില്‍ നിന്ന് പുറത്താക്കാനും ഒരു ശ്രമം നടത്തുന്നുണ്ട്.
ചരിത്രാദ്യം മുതലെ ഉണ്ടല്ലോ ഈ പിന്‍ഭാഗ കുത്തല്‍.

ജാതിവ്യവസ്ഥയുടെ താഴെകെട്ടുകാരന്‍ ഹരിജനായ അംബേദ്കറ് ഇന്ത്യന്‍ ഭരണഘടന ഉണ്ടാക്കി, അതുകൊണ്ടു ചേരിയുടെ ഘടന മാറിയോ?
ഡല്‍ഹിയില്‍ യമുനയുടെ തീരത്ത് ചേരിയില്‍ അദ്ധ്യാപികയായ മായാവതി മുഖ്യമന്ത്രിയായി കോടികളുടെ പുറത്ത് കിടക്കുന്നു. അതുകൊണ്ടു ചേരിക്കാറ്ക്ക് എന്ത് ഗുണം?

Slum dog millionaire കണ്ടിട്ടോ അതോ കേട്ടിട്ടോ എന്നറിയില്ല സംവിധായകന്‍ പ്രിയദറ്ശന് ചില വെളിപാടുകള്‍ ഉണ്ടായി.
വെളിപാട് ഒന്ന്:
ഇത് ഇന്ത്യയെ അവമാനിക്കലാണ്. ബോധപൂറ്വം ഇന്ത്യയെ ചെളി വാരിതേക്കാനുള്ള വെള്ളക്കാരന്റെ നികൃഷ്ട ശ്രമമാണ്. മുമ്പൈയില്‍ എത്ര മനോഹരമായ സ്ഥലങ്ങള്‍ ഉണ്ട് Gate Way of India പോലെ അങ്ങനെ എന്തെങ്കിലും കാണിച്ചോ ഈ സിനിമയില്‍.
ഈ വെളിപാട് അത്ര അങ്ങട് മനസ്സിലായില്ല. ചേരിയിലെ കഥ പറയുന്നതിന് മറ്റ് സ്ഥലങ്ങളുടെ മനോഹാരിത എന്തിനാണാവോ കാണിക്കുന്നത്. ഇത് മുമ്പൈ കുറിച്ചുള്ള ഡോക്യുമെന്ററിയൊന്നുമല്ലല്ലോ. ചേരിയിലെ കഥ പറയുമ്പോള്‍ ചേരി തന്നെ കാണിക്കണം. ഇത് പ്രിയദറ്ശന് അറിഞ്ഞുകൂടാത്തതാണെന്ന് തോന്നുന്നില്ല. പക്ഷെ ബോധപൂറ്വ്വം ചിലതിനെ എതിറ്ക്കുമ്പോള്‍ ചിലറ് അന്ധരാകാറുണ്ട് അത്ര തന്നെ.
വെളിപാട് രണ്ട്:
മൂന്നാംതരം പടമായിട്ടും ഓസ്കാര്‍ നോമിനേഷന്‍ കിട്ടിയത് വെള്ളക്കാരന്‍ പടം പിടിച്ചത് കൊണ്ടാണ്. ഇതിനെക്കാള്‍ എത്ര നല്ല പടങ്ങള്‍ ഇന്ത്യയില്‍ ഉണ്ടായിട്ടുണ്ടു.
അത് കറക്ട്.
കൈ അടിച്ച് പാസ്സാക്കിയിരിക്കുന്നു.
കണ്ട ആപ്പഊപ്പ ഇന്ത്യക്കാരന്‍ പടമെടുത്താലൊന്നും ഓസ്കാര്‍ നോമിനേഷന്‍ കിട്ടില്ല.
അത് ഇമ്മിണി പുളിക്കും.
അതുപോലെ ഇത് അത്ര മഹത്തായ സിനിമയുമല്ല.
സമ്മതിച്ചു.
എ.ആറ്. റഹമാന്റേയും, റസൂല്‍ പൂക്കുട്ടിയുടെയും മികച്ച പ്രവറ്ത്തനങ്ങള്‍ ഈ സിനിമയലല്ലെന്നും ഏവറ്ക്കും അറിയാം.
പക്ഷെ പ്രിയദറ്ശനാ.. ഇവറ്ക്ക് ഓസ്കാര്‍ കിട്ടാന്‍ ഈ സിനിമ തന്നെ നിമിത്തമായി വരേണ്ടി വന്നില്ലെ.
ജയഹോ.. ജയഹോ.. സ്ലം ഡോഗ് ജയഹോ..
തികച്ചും അപ്രാപ്യമെന്ന് കരുതിയ ഓസ്കാര്‍ ഈ കൊച്ചു കേരളത്തിലും എത്തിയില്ലെ.
ഈ സിനിമ കൊണ്ട് ചേരിയിലെ കുറച്ച് പേരെങ്കിലും രക്ഷപ്പെട്ടില്ലെ. രത്നക്കല്ല് പോലെ ചേരിയിലെ കുട്ടികള്‍ തിളങ്ങിയില്ലെ.
വെളിപാട് മൂന്ന്:
ബില്ലു ബാറ്ബറ് എന്ന സിനിമയുടെ പേരിനെചൊല്ലി എന്ത് എതിറ്പ്പായിരിന്നു. സായിപ്പ് പേരിട്ടപ്പോള്‍ ആറ്ക്കും എതിറ്പ്പില്ല. അന്നും ഇന്നും സായിപ്പിന് എന്തും പറയാം എന്തും ചെയ്യാം.
എന്തു ചെയ്യാം പ്രിയദറ്ശനാ തട്ടാ‍നും ബാറ്ബറ്ക്കും സംഘടനയുണ്ട്.
ചേരിപ്പട്ടികള്‍ക്ക് അതില്ലല്ലോ.
പ്രിയദറ്ശനാ പ്രിയമായത് മാത്രമല്ലല്ലോ അപ്രിയ സംഗതികളും ഉണ്ടല്ലോ.
മസാല പടങ്ങള്‍ പടച്ച് വിട്ട് ജനങ്ങളുടെ പണം കൊള്ളയടിക്കുന്നവരെ വല്ലപ്പോഴുമെങ്കിലും അപ്രിയ സത്യങ്ങളെക്കുറിച്ചും സത്യസന്ധമായി നിങ്ങളുടെ സിനിമയില്‍ അവതരിപ്പിക്കു. കുറച്ച് സാമൂഹ്യ പ്രതിബദ്ധതയെങ്കിലും വേണ്ടേ?

ഈ സിനിമ ഓരോ ഇന്ത്യക്കാരന്റേയും മനസ്സിലെ തീയാകണം.
ഒരു വശത്ത് സമ്പന്നതയുടെ നഗരം മറുവശത്ത് നരകതുല്യമായ ചേരി. ഇത് ഏത് ജനാധിപത്യ സറ്ക്കാറിന് ഭൂഷണമാണ്?
മഹാനഗരങ്ങള്‍ പണിതുയറ്ത്തിയ ചെറുശില്പികള്‍ തിരിച്ചു പോകാനാകതെ ഇത്തിള്‍ക്കണ്ണിയായി ചേരിയില്‍ അടിഞ്ഞുചേരുന്നു.
വെള്ളക്കാരന് ഇനിയും ഇത്തരത്തില്‍ ഒരു സിനിമയെടുക്കാന്‍ തോന്നരുത്. അത്തരുമൊരു സാഹചര്യം ഇന്ത്യയില്‍ ഉണ്ടാകരുത്.

രാഷ്ട്രിയക്കാരും ഭരണാധികാരികളും അഭിനന്ദിക്കാന്‍ വരട്ടെ.
അല്ലെങ്കില്‍ വേണ്ട അവര്‍ കലാകാരന്മാരെ അഭിനന്ദിക്കട്ടെ.
അതിനുശേഷം, ചില കാര്യങ്ങള്‍ അറിഞ്ഞിട്ട് തന്നെ കാര്യം.
കൈകൂപ്പി ചെവിയറ്റം ചിരിയുമായി 5 വറ്ഷത്തിലൊരിക്കല്‍ ചേരിയില്‍ വോട്ട് തെണ്ടാന്‍ എത്തുന്ന ഇവരെ പുറം തിരിച്ച് നിര്‍ത്തി തുണിപൊക്കി ചന്തിക്ക് ചൂരല്‍ കൊണ്ട് നാല് നല്ല പെട കൊടുത്തിട്ട് (നല്ല ഒരു ഓസ്കാര്‍ അടി തന്നെ ആയിക്കോട്ടെ) അങ്ങോട്ട് മാറ്റി നിറ്ത്തിയിട്ട് അഞ്ചാറ് ചോദ്യം ചോദിച്ചിട്ട് തന്നെ കാര്യം. ഇനി ഇങ്ങനെ വിട്ടാല്‍ പറ്റില്ലല്ലോ. ചേരിപ്പട്ടികള്‍ ഇനി ഉണ്ടാകരുതല്ലോ.
ആരാണ് ചേരിപ്പട്ടിയെന്ന് ഒന്ന് അറിയണമല്ലോ!
ചേരി ഉണ്ടായതെങ്ങിനെ?
ഇന്ത്യയ്ക്ക് സ്വാതന്ത്ര്യം കിട്ടിയതെപ്പോള്‍?
അതിന് ശേഷവും ചേരി ഇല്ലാതാകാതെ വലുതാകുന്നതെന്ത് കൊണ്ട്?
ചേരിക്കാരുടെ വോട്ട് വാങ്ങാനല്ലാതെ അവര്‍ക്ക് വേണ്ടി നിങ്ങളെന്ത് ചെയ്തു?

വോട്ട് ബാങ്കുകളായി,
കൂട്ടികൊടുപ്പുകാരായി,
വറ്ഗീയ കലാപത്തിന്റെ ചാവേറുകളായി,
ഭീകരവാദികളുടെ സഹകാരികളായി,
അവരങ്ങനെ പെരുകുന്നു.
ആരാണ് സ്ലംഡോഗുകള്‍?
ആരാണ് സ്ലംഡോഗിന്റെ പിതൃക്കള്.
അധോലോക സാമ്രാജ്യത്തിലും ഭരണത്തിന്റെ അന്തപ്പുരത്തിലും രമിക്കുന്ന അവരുടെ പിത്രുക്കള്
തന്നെ പറയട്ടെ!
ചന്ദ്രായനത്തിലും ബഹിരാകശത്തെ അശ്വമേധത്തിനും ഇടയില്‍ ഭൂമിയിലെ മനുഷ്യപ്പുഴുക്കളെ കുറിച്ച് ഓര്‍ക്കാന്‍ ആര്‍ക്ക് എവിടെ സമയം.
ചന്ദ്രനിലേക്കും സൂര്യനിലേക്കും കുതിക്കുന്നതിന്‍ മുമ്പ് ഒരു നിമിഷം,
ദയവായി ഭൂമിയിലെ ഈ പട്ടികളെ കുറിച്ച് ഒന്നു ഓര്‍ക്കു.
ഒരു നിമിഷാറ്ദ്ധമെങ്കിലും.

(മറ്റൊരു നാടന്‍പട്ടിക്കഥ ദാ ഇവിടെ)

മകനെ നീയൊരു ഡോക്ടറാകണം

2009-01-22T06:05:00.000-08:00

ഇന്ത്യ എന്റെ രാജ്യമാകുന്നു.
കൃഷിയാണ് മുഖ്യ ഉപജീവനം.

അമ്മ എനിക്ക് അരി ആഹാരം തരുന്നു.
പത്തായം പെറും
ചക്കി കുത്തും
അമ്മ വെക്കും
മകന്‍ തിന്നും.

മകനെ ചെളിയില്‍ പോകല്ലെ
കാലരിക്കും.
മകനെ ഞാറ് തൊടല്ലെ
കൈ ചൊറിയും.
മകനെ വെള്ളത്തില്‍ കളിക്കല്ലെ
പനി പിടിക്കും.
മകനെ നീയൊരു ഡോക്ടറാകണം.
അച്ചനും അമ്മയും അപ്പൂപ്പന്മാരും
വയലിലൊടുക്കി ജീവിതം.
മകനെ നീയെങ്കിലുമൊരു ഡോക്ടറാകണം.

രാജാക്കന്മാരുടെ പോസ്റ്റ്മാറ്ട്ടം കണ്ടു
ലോക വിവരണം കണ്ടു, യുദ്ധങ്ങള് കണ്ടു
സ്വന്തം ഗ്രാമം മാത്രം കണ്ടില്ല.
വിത്തിനമെത്രെ കൊയ്ത്തെപ്പോള്‍?
പാഠപുസ്തകത്തിലെങ്ങും കണ്ടില്ല.
വിദ്യാധനം ധനമോഹമായി
ചതിക്കുക കൊള്ളയടിക്കുക
വ്യാപാരമായി,ബ്ലേഡ് മാഫിയായി.

കുട്ടിക്കാലത്ത് തിമിറ്ത്താടിയ
ആമ്പല്‍ വിടറ്ന്ന തോടുകളെവിടെ
വികസനമായി തോടുകള്‍ റോഡായി
റോഡുകള്‍ തോടായി.
പച്ചോല വയലുകളില്‍
കോണ്ക്രീറ്റ് കൃഷിയായി.

നെല്‍കൃഷി നഷ്ടമാണെന്ന് വിലപിച്ചവറ്
സ്വന്തം ആരാമത്തിലെ പൂവിന്റെ വില ആരാഞ്ഞില്ല.
സ്വന്തം മകന്റെ വില ചോദിച്ചുമില്ല.
മറുനാടിന്റെ വിയറ്പ്പെന്നും അന്നം തരും!
പിന്നെ തരിശ് പാടങ്ങളെന്തിന്?
മണിമന്ദിരങ്ങള്‍,ഷോപ്പിങ്ങ് മാളുകള്‍
ആനന്ദലബ്ദിക്കിനിയെന്ത് വേണം
ആന്ധ്രയും പഞ്ചാബും കൈമലറ്ത്തിയാല്
അടുപ്പെരിയില്ലെന്നോറ്ത്തില്ല.

മകനെ നീയൊരു ഡോക്ടറാകണം
മകനെ നീ മണ്ണിന്റെ ഡോക്ടറാകണം
രോഗാകുലമായി, അറ്ദ്ധശവങ്ങളായി
വരണ്ട പാടങ്ങള് നിന്നെ കാത്തിരിക്കുന്നു.
വിശക്കുന്ന വയറിലിത്തിരി
മരുന്ന് പുരട്ടുക.
ജീവിതം തന്നെ കൃഷി
കൃഷി തന്നെ ജീവിതം.
--- xxx ---
-----------------------------------------------
ഇനി കവിത കേള്‍ക്കാന്‍ തോന്നുന്നുവെങ്കില്‍ Play ചെയ്ത് നോക്കു....

http://ercsathadhara.podbean.com/2009/09/07/be-a-doctor/

ഇനിയെങ്ങിനെയോതും നവവത്സരാശംസകള്‍ !?!

2008-12-28T03:07:00.000-08:00

എത്ര നവവത്സരങ്ങള്‍ കടന്ന് പോയി.
ഇനിയും വരും നവവത്സരങ്ങളെത്രയോ.
ഇനിയുമെന്ത് നവവത്സരാശംസകള്‍,
പറഞ്ഞു തേഞ്ഞ അതെ വാക്കുകള്‍
വീണ്ടും നവവത്സരാശംസകള്‍,
യുദ്ധം വേണ്ടേ വേണ്ടയെന്ന് ഇന്ത്യയും പാക്കിസ്ഥാനും
അനുരഞ്ജനമാണ് നല്ലതെന്നോതുമ്പോഴും
രക്തം ചീന്തുമ്പോള്‍ നുണയാന്നെത്തുന്ന കള്ളകുറുക്കന്മാറ്
യാങ്കിയും ചീനയും പിന്നാലെ താലിബാനും രക്തനടനമാടാനെത്തുന്നു.
ചന്ദ്രനിലെത്തുന്നു കൈകള്‍ മണ്ണ് മാന്താന്‍,
വാനിലേക്കുയരുന്നു ഭിക്ഷാപാത്രങ്ങള്‍ ഒരു പിടി അരിക്കായി.
കണ്ടില്ലെന്ന് നടിക്കല്ലെ താരകങ്ങളെ നിങ്ങളെങ്കിലും.
തൊഴിലാളിയെ അരിഞ്ഞുവീഴ്ത്തുന്ന രാഷ്ടീയം,
വിശ്വാസിയെ ഹോമിക്കുന്ന മതങ്ങളും.
ധോണിക്കും നയന്‍താരക്കുമമ്പലങ്ങള്‍,
വിഗ്രഹങ്ങള്‍ മിണ്ടരുതെന്നറിയാത്ത ദേവത
ഖുശ്ബുവിന് ചെരുപ്പേറ്, ഊര് വിലക്ക്.
പുതുവത്സാരാഘോഷങ്ങള്‍ കൊഴുക്കുന്നു
ചാനലുകളില്‍,ബീച്ചുകളില്‍,ക്ലബ്ബുകളില്‍.
സാമ്പത്തികമാന്ദ്യം,
പ്രവാസികള്‍ മടങ്ങുന്നു.
ചേരികള്‍ തേങ്ങുന്നു……..
തൊഴിലെവിടെ, അന്നമെവിടെ………
ഇനിയെങ്ങിനെ ചൊല്ലേണ്ടു നവവത്സരാശംസകള്‍?
എങ്കിലും ചൊല്ലാതെ വയ്യ,
നല്ല കാലം വരണം
മനുഷ്യറ്ക്ക് നല്ല വിചാരം വരണം
ലോകാ സംസ്താ സുഖിനോ ഭവന്തു.
ഹൃദയം നിറഞ്ഞ പുതുവത്സരാശംസകള്‍.

കാമം അതിര്‍വരമ്പുകളില്ലാതെ….(അഭയാക്കേസിലെ യഥാര്‍ത്ഥ കുറ്റവാളികള്‍)

2008-12-18T10:00:00.000-08:00

ഇരുട്ടില്‍ ഒരു ഈച്ച പോലും അറിയാതെ തിരുമേനി ദൈവത്തിന്റെ തിരുമണവാട്ടിയുമായി ബന്ധപ്പെടാന്‍ തുടങ്ങിയിട്ട് കാലം കുറെയായി. അതിനിടയില്‍ അപശകുനം പോലെ ഒരു പാറ്റ കയറി വന്നാല്‍ എന്തു ചെയ്യും. ചതച്ചരച്ച് കൊല്ലും. അത് അഭയയായല്പോലും. അല്ലാതെ പറ്റുമോ. നിങ്ങള്‍ വിചാരിക്കുന്നത് പോലെ കാര്യം നിസ്സാരമാണോ.എന്തൊക്കെ സംരക്ഷിക്കണം തിരുമണവാട്ടിയുടെ ചാരിത്രം, തിരുമേനിയുടെ പൌരോഹിത്യം,സഭയുടെ മാനം,ലോകത്തിന്റെ നിലനില്‍പ്പ് അങ്ങനെ അങ്ങനെ എന്തെല്ലാം. അതിന് ഒരു കിളിന്ത് പെണ്ണിന്റെ നരബലി എത്ര നിസ്സാരം. കിട്ടാനുള്ളതോ വലിയൊരു അന്തപ്പുരവും. അധറ്മ സംസ്ഥാപനത്തിനായി നടത്തിയ അരുംകൊല.

കാമം ത്യജിച്ച് നിറ്ധനരായ മാതാപിതാക്കള്‍ക്ക് തണലേകാനും ദൈവത്തിന്റെ മണവാട്ടിയാകാനും നിറ്ബന്ധിതയായ ഒരു പാവം പെണ്‍കുട്ടിയെ കാമാറ്ത്തി പൂണ്ടവറ് അതിക്രൂരമായി നശിപ്പിച്ചത് ദൈവമെ നിന്റെ നാമം വാഴ്ത്തപ്പെടാനോ.
പിതാവെ ഈ പാപികള്‍ ചെയ്യുന്നതെല്ലാം നിന്റെ പേരിലും.
കൊന്നത് തിന്നാല്‍ പാപം തീരും, കൊന്നത് ആത്മഹത്യയാക്കിയാല്‍ പാപം തീരുമോ?
അല്‍ഫോന്‍സാമ്മയെ വാഴ്ത്തിയതും അഭയയെ പാതാളത്തിലേക്ക് താഴ്ത്തിയതും ഒരേ കരങ്ങള്‍ കൊണ്ടോ!
കുമ്പളങ്ങ കട്ടവന്‍ നര തപ്പുന്നത് പോലെ സഭ ഇരുട്ടില്‍ തപ്പുകയാണ്. സഭയുടെ ഒരു മണവാട്ടി കൊല്ലപ്പെട്ടപ്പോള്‍ കാണിക്കാത്ത ആത്മീയരോഷം അണപൊട്ടിയത് വൈദികന്മാറ് പ്രതികളായപ്പോള്‍. വൈദികന്മാരെ അറസ്റ്റ് ചെയ്തത് സഭയെ കരിവാരി തേക്കാനാണെന്ന് ആക്രോശിച്ചപ്പോള്‍ സാക്ഷികളെല്ലാം വൈദികന്മാരും, കന്യാസ്ത്രീകളുമാണെന്നത് സഭ കാണാതെപോയി.
ആത്മഹത്യയും മന:ശാസ്ത്രവും കൊണ്ടു ആദ്യമൊന്ന് കളിച്ച് നോക്കിയെങ്കിലും അത് വിലപ്പോവില്ലെന്ന് കണ്ടപ്പോള്‍ അടയ്ക്കാകള്ളനേയും മഠത്തിലെ സ്ഥിരംകക്ഷികളായ ധനിക പുത്രന്മാരേയും വെച്ച് ഒന്ന് പയറ്റി നോക്കി.
ആത്മഹത്യയല്ലാ എന്ന് അത്ര നിറ്ബ്ബന്ധമാണെങ്കില്‍ കൊലപാതകമാണെന്ന് സമ്മതിച്ചേക്കാം, കൊലപാതകമാണെങ്കില്‍ അത് മേല്‍പറഞ്ഞ രണ്ട് വിഭാഗക്കാറ്ക്കെ ചെയ്യാന്‍ കഴിയൂ. അതാരാണെന്ന് കണ്ടു പിടിക്കേണ്ടത് സിബിഐക്കാരുടെ പണി.
ആത്മഹത്യ ചെയ്തതിന്ശേഷം കൊലപാതകം ചെയ്തതാണോ, കൊലപാതകം ചെയ്തതിന്ശേഷം ആത്മഹത്യ ചെയ്തതാണോ അല്ല മാനസികരോഗം കൊണ്ട് ആത്മഹത്യ ചെയ്ത് കൊലപാതകം ചെയ്തതാണോ ശോ…ആകെപ്പാടെ കണ്‍ഫ്യൂഷനായല്ലോ. ഇടയലേഖനം പലാവറ്ത്തി വായിച്ച് നോക്കി ഇടത്തോട്ടും വലത്തോട്ടും വായിച്ച് നോക്കി ഒരു രക്ഷയുമില്ല, അതില്‍ അതിനെക്കാളേറെ ധാരണാപിശകുകള്‍. സത്യക്രിസ്താനികളെ ആകെ മൊത്തം ചുറ്റിക്കുന്ന എടങ്ങാറ് പിടിച്ച ഒരു ഏറ്പ്പാടായിപ്പോയി. ഈ സിബിഐക്കാരെ കൊണ്ടു തോറ്റു. ഇവര്‍ നൂറ് കണക്കിന് ഇടയലേഖനം ഇറക്കപ്പിക്കുമെന്നാണ് തോന്നുന്നത്. മുമ്പൊക്കെ ഇടയലേഖനം കേട്ട് കുഞ്ഞാടുകള്‍ മണിയും കുലുക്കി തെരുവിലേക്ക് അച്ചടക്കത്തോടെ ഇറങ്ങുമായിരുന്നു. ഇപ്പോ വന്ന് വന്ന് ഇടയലേഖനത്തിന്റെ ശക്തി കുറഞ്ഞു വരുന്നോ എന്നൊരു സംശയമില്ലാതില്ല. ഈ സിബിഐക്കാര്‍ ഇടയലേഖനത്തില്‍ ബുള്‍ഡോസറ് കയറ്റുമോ എന്നാണ് പേടി.
എന്തിനൊക്കെ ഇടയലേഖനം ഇറക്കണം.
മതത്തിന് ജീവനുണ്ടോ ഇല്ലയോ?
മത്തായി വിശ്വാസിയാണോ അല്ലയോ?
വീണ്ടും വിമോചന സമരം വേണോ വേണ്ടയോ?

സൂര്യന്‍ ഭൂമിയോ ചുറ്റുന്നോ അല്ല ഭൂമി സൂര്യനെ ചുറ്റുന്നോ ഇതിന്റെ സത്യാവസ്ഥ അടുത്ത കാലത്തല്ലെ കണ്ടുപിടിച്ച് സമറ്ത്ഥിച്ചത്. അത് തങ്ക ലിപികളില്‍ സഭയുടെ പുസ്ത്കത്തില്‍ എഴുതി ചേറ്ക്കുകയും ചെയ്തു. ആ സത്യം പുറത്ത് കൊണ്ടുവരാന്‍ എന്തൊക്കെ ചെയ്യേണ്ടി വന്നു. എത്ര പേരെ തുറുങ്കിലിലടച്ചു, എത്ര പേരുടെ കണ്ണുകള്‍ കുത്തിപ്പൊട്ടിച്ചു. മേല്പറഞ്ഞ സത്യം കണ്ടുപിടിക്കാന്‍ നൂറ്റാണ്ടുകള്‍ എടുത്തില്ലെ. അല്‍ഫോന്‍സാമ്മയെ പോലും വാഴ്ത്തിയത് അമ്പത് വറ്ഷങ്ങള്‍ക്ക് ശേഷമല്ലേ. പിന്നെയല്ലെ വെറുമൊരു 16 വറ്ഷം. ഇത് സഭയ്ക്ക് തന്നെ കണ്ടുപിടിക്കാന്‍ പറ്റുന്ന കാര്യമേ ഉള്ളു. വെറുമൊരു അമ്പത് വറ്ഷം ഏറിയാല്‍ ഒരു നൂറ് വറ്ഷം. അതിനിടയില്‍ പ്രതികള്‍ മരിച്ചുപോകില്ലെ എന്ന മണ്ടന്‍ ചോദ്യം നിങ്ങള്‍ ചോദിക്കുമെന്നറിയാം. അതിനെന്താ കര്‍ത്താവിന് ഒരു കത്തെഴുതണം അവറ്ക്ക് പരലോകത്ത് കഠിനമായ ശിക്ഷ കൊടുക്കാന്‍. പരലോകത്തെ ശിക്ഷ എത്ര ഭയങ്കരം എത്ര ഭയാനകം. ഭൂമിയിലെ പാപത്തിന് പരലോകത്ത് ശിക്ഷ കിട്ടുമെന്ന് തെളിയിക്കാനുള്ള ഒരു അവസരം സഭയ്ക്ക് കൊടുത്തുകൂടെ!
ഇനി അഭയ ഉയറ്ത്തെഴുന്നേറ്റ് വന്ന് സത്യം തുറന്ന് പറഞ്ഞാലും രക്ഷയില്ല. കാരണം തെളിവുകളെല്ലാം എന്നേ പോലീസ് മഹാരഥന്മാറ് നശിപ്പിച്ച് കഴിഞ്ഞിരുക്കുന്നു. അതു കൊണ്ടു അന്തിമ വിജയം സഭക്ക് തന്നെ. അഗസ്റ്റിന് മിനിമം ഒരു രാമചന്ദ്രന്‍ നായരെങ്കിലും ആകാനുള്ള ധൈര്യം കാണിക്കാമായിരുന്നു.

പതിനാറ് വറ്ഷം പന്ത്രെണ്ട് പേര്‍, അവരൊക്കെ തോറ്റ് തുന്നം പാടിയില്ലെ. പതിമൂന്നാമന്‍ ഇങ്ങനെയൊരു കൊലച്ചതി ചെയ്യുമെന്ന് കരുതിയില്ല. ആരേയും കിട്ടിയില്ലെങ്കില്‍ അച്ചന്മാരെ പിടിക്കാമെന്നായി. കാലം പോകുന്ന പോക്ക്.

അദൃശ്യ ശക്തികള്‍ പരസ്യമാകുന്നു.
മുഖപടം വലിച്ച് കീറി ഡ്രാക്കുള പല്ലുകള്‍ കാണിച്ച് പ്രതിഷേധിക്കുന്നു.
സത്യ ക്രിസ്താനികളെ കുരിശെടുക്കുക സാത്താനെ പ്രതിരോധിക്കുക.

എന്താണ് അടിസ്ഥാന പ്രശ്നം. പുരോഹിതനും കന്യാസ്ത്രീയും തമ്മില്‍ ബന്ധപ്പെട്ടു. ആണും പെണ്ണും ബന്ധപ്പെടുന്നതില്‍ പ്രകൃതി നിയമമനുസരിച്ച് ഒരു തെറ്റുമില്ല. ഇഷ്ടപ്പെട്ട ആണും പെണ്ണും ബന്ധപ്പെട്ടാല്‍ ലോകത്തിനെന്ത് ചേതം?
പടു വയസ്സാന്‍ കാലത്ത് ഗാന്ധി നഗ്നനായി രണ്ട് പെണ്‍കുട്ടികളുടെ ഇടയില്‍ കിടന്ന് നോക്കിയിട്ട് തോറ്റ് പാളീസായ സംഗതിയാണിത്. പിന്നെയല്ലെ കോട്ട് ഊരിയാള്‍ക്കും കോട്ട് ഊരാത്താള്ക്കും പിടിച്ച് നില്‍ക്കാന്‍ പറ്റുന്നത്.
കാമത്തെ ബന്ധിക്കരുത്
കാമത്തെ അടിച്ചമറ്ത്തരുത്
അത് കോപമാകും, ഭ്രാന്താകും,
കൊലയാകും, ആത്മഹത്യയാകും
ചതിയാകും, യുദ്ധമാകും
വേശ്യകളില്ലായിരുന്നുവെങ്കില്‍ ലൈംഗീകത അടിച്ചമര്‍ത്തപ്പെടുന്ന ഈ സമൂഹത്തില്‍ കലാപം നടക്കുമെന്ന് സാമുഹ്യ ശാസ്ത്രജ്ഞന്മാര്‍ വെറുതയല്ല പറഞ്ഞത്.
അച്ചന്മാരെ വിവാഹം കഴിക്കാന്‍ അനുവദിച്ചിരുന്നുവെങ്കില്‍ സഹോദരി കൊല്ലപെടില്ലായിരുന്നു എന്ന് അഭയയുടെ സഹോദരന്‍ പറഞ്ഞത് അടിവരയിട്ട് വായിക്കേണ്ടതാണ്.
ഇനിയും കൊലപാതകങ്ങള്‍ ഒഴിവാക്കാന്‍ എല്ലാമതത്തിലും പെട്ട ഇത്തരം പ്രകൃതി വിരുദ്ധ ലൈംഗീക അടിച്ചമറ്ത്തല്‍ സ്ഥാപനങ്ങള്‍ മാറി ചിന്തിക്കാന്‍ തുടങ്ങയേണ്ടിയിരിക്കുന്നു.
പ്രകൃതി നിയമത്തെ നിഷേധിക്കരുത് അത് ഏത് വിശ്വാസത്തിന്റെ പേരിലായാലും.

നാട്ടിലെ വന്യജീവികള്‍

2008-12-09T03:59:00.000-08:00

വീട്ടില്‍ നിന്നിറങ്ങി റോഡിലെത്തുമ്പോള്‍ ചീറിപാഞ്ഞ് വരുന്ന വാഹനങ്ങള്‍ കണ്ട് പലപ്പോഴും ഞെട്ടിത്തരിച്ചു പോയിട്ടുണ്ടു.
ഇഞ്ചോടിഞ്ച് അകലത്തില്‍ ജിവന്‍ തിരിച്ച് കിട്ടിയ എത്രയോ നിമിഷങ്ങള്‍.
കാലിന്റെ പെരുവിരല്‍ നഖത്തുമ്പില്‍ യമരാജന്‍ ഉമ്മ വെച്ച് കടന്ന് പോയ കിടിലം കൊള്ളിച്ച ക്ഷണനേരങ്ങള്‍.
ഇങ്ങനെ വീട്ടില്‍ നിന്ന് ഇറങ്ങിയ പലരും വീട്ടില്‍ തിരിച്ചെത്തിയിട്ടില്ല.
ചിലര്‍ അര്‍ദ്ധ ശവങ്ങളായി,
ചിലര്‍ അംഗവിഹീനരായി.
പുരോഗതിയുടെ കുതിപ്പിലേക്ക് ഇങ്ങനേയും ചില കണ്ണീരില്‍ കുതിറ്ന്ന സ്മാരകങ്ങള്‍.
കാട്ടിലാണെങ്കില്‍ ആനയെ പേടിക്കണം സിംഹത്തിനെ പേടിക്കണം നരി,കടുവ,കരടി ഇഴഞ്ഞെത്തുന്ന പാമ്പ്. പെട്ടാല്‍ പെട്ടത് തന്നെ പല്ലും നഖവും കിട്ടിയാല്‍ ഭാഗ്യം.
മുരണ്ടും കുതറിയും അലറിയും മുന്നോട്ടും പിന്നോട്ടും പായുന്ന വാഹനങ്ങള്‍ കോണ്‍ക്രീറ്റ് വനങ്ങളിലെ ആധുനിക മൃഗങ്ങളായി.
സീല്‍ക്കാരത്തോടെ വളഞ്ഞും പുളഞ്ഞും നാഗങ്ങളെ പോലെ ഒഴുകിയെത്തുന്ന മോട്ടറ്വാഹനങ്ങള്‍.
ആകാശത്ത് കഴുകനെ പോലെ വിമാനങ്ങള്‍.
യന്ത്രതകരാറ് വന്ന വാഹനങ്ങള്‍ വിശന്ന സിംഹങ്ങളായി ജനങ്ങളെ കൊന്നു തിന്നു.
അശ്രദ്ധയും മദ്യപാനവും വാഹനങ്ങളെ മദം പൊട്ടിയ ആനകളാക്കി ജനങ്ങളെ ചവിട്ടി അരച്ചു.
സര്പ്പഫണമുയര്‍ത്തി കുതിച്ചെത്തുന്ന തീവണ്ടികള്‍ പരസ്പരം കൊത്തി ആയിരങ്ങളുടെ ജിവന്‍ തകറ്ത്തിട്ടുണ്ടു.
ഹോട്ടലില്‍ ചായ കുടിച്ചു കൊണ്ടിരുന്ന സുഹൃത്തിനെ നിയന്ത്രണം വിട്ട ബസ്സ് ഹോട്ടലില്‍ ഇടിച്ച് കയറി കൊന്നു.
മീന്‍ വാങ്ങാന്‍ പോയ ഗുരുനാഥനെ പിറകില്‍ നിന്ന് വന്ന വാഹനം പരലോകത്തേക്ക് കൊണ്ടുപോയി.
ഉറങ്ങി കിടന്ന ഒരു കുടുംബത്തിന് മുകളില്‍ നിന്ന് വീണ ചരക്ക് ലോറി കാലനായി.
വൈകുന്നേരം സ്കൂളില്‍ നിന്ന് സ്വാതന്ത്ര്യം നേടി ആഹ്ലാദത്തോടെ കളിക്കളത്തിലേക്ക് നീങ്ങിയ കൊച്ചു കുട്ടികളേയും വാഹന കാലന്‍ റാഞ്ചി. ചിന്നി ചിതറിയ കൊച്ചുശരീരഭാഗങ്ങള്‍ നാടിന് നൊമ്പരമായി. സ്മാരകമായി.
ബസ് സ്റ്റോപ്പില്‍ കാത്ത് നില്‍ക്കാന്‍ പേടിയായി.
റോഡ് അരികലൂടെ നടക്കാനും പേടിയായി.
**** xxx ***

അനുഭവം ഒന്ന്:
ഡല്‍ഹിയില്‍ ജോലി ചെയ്യുന്ന കാലത്ത് ഞങ്ങള്‍ മൂന്ന് സ്നേഹിതന്മാരും കുടുംബവും ആഗ്രയിലേക്ക് ടൂറ് പോകാന്‍ തീരുമാനിച്ചു. അതിരാവിലെ തന്നെ പുറപ്പെട്ടു. ആദ്യം പോയത് അക് ബറിന്റെ കൊട്ടാരത്തിലാണ്. ഈ കൊട്ടാരത്തിന്റെ മുകളിലെ അറയിലെ കല്‍ത്തൂണകളില്‍ പതിപ്പിച്ച രത്നക്കല്ലുകളില്‍ നിലാവുള്ള രാത്രിയില്‍ താജ് മഹല്‍ തിളങ്ങി നില്ക്കുമായിരുന്നത്രെ. ഓരോ
രത്നക്കല്ലിലും നിരവധി താജ് മഹലുകള്‍,യമുനയുടെ ഓളങ്ങളിലും. ഷാജഹാന്‍ നിലാവുള്ള രാത്രികളില്‍ താജ് മഹലിന്റെ നിമനോന്നതങ്ങളില്‍ മുംതാസിനെ അലിയിച്ച് നോക്കി നിന്നിരുന്നത് ഈ കൊട്ടാരത്തിന്റെ മട്ടുപാവില്‍ നിന്നായിരുന്നു. പ്രണയ്ത്തിന്റെ പ്രതീകമായി കാണുന്നതിനെക്കാള്‍ മനുഷാദ്ധ്വാനത്തിന്റെ പ്രതീകമായി കാണാനാണ് ഞാന്‍ ഇഷ്ടപെടുന്നത്. അതിന്റെ ഓരോ കല്ലിലും ആയിരക്കണക്കിന് മനുഷ്യരുടെ ചോരയും കണ്ണീരുമുണ്ടു.
താജമഹലിനോട് യാത്ര പറയുമ്പോള്‍ സമയം ഉച്ചയ്ക്ക് രണ്ടു മണി കഴിഞ്ഞിരുന്നു. പിന്നെ മഥുര ശ്രീകൃഷ്ണക്ഷേത്രത്തിലേക്ക്.
ക്ഷേത്രത്തില്‍ എത്തിയപ്പോള്‍ സന്ധ്യയായി. രാത്രിയിലെ സുഖ നിദ്രയ്ക്ക് വേണ്ടുന്ന ശാന്തിയുമായി ഭക്തന്മാറ് വന്നും പോയി കൊണ്ടിരിക്കുന്നു. ക്ഷേത്രത്തിനും പള്ളിക്കും ഇടയ്ക്കെ നേറ്ത്ത രേഖയില്‍ പോലിസും പട്ടാളവും കാവല്‍ നില്‍ക്കുന്നു, പാക്കിസ്ഥാന്റെയും ഇന്ത്യയുടേയും അതിറ്ത്തി എന്ന പോലെ. മത സൌഹാറ്ദ്ദത്തിനും മത സ്പറ്ദക്കും ഉള്ള സ്മാരകം.
രാത്രിയായി. തിരിച്ചു പോകാന്‍ സമയമായി.
തിരിച്ച്പോക്ക് ആരംഭിച്ചു. രാത്രിയായത് കൊണ്ട് വഴിയോരക്കാഴ്ചകളൊന്നുമില്ല.
കുറച്ച് സമയം കഴിഞ്ഞപ്പോള്‍ ആകാശത്തിന് തീപിടിച്ചത് പോലെ തോന്നി, മഥുര റീഫൈനറിയില്‍ നിന്നാണ്. ആകാശത്തിലൊരു തീപന്തം. വളരെ ദൂരത്തോളം അതിന്റെ പ്രകാശം ഞങ്ങളെ പിന്തുടറ്ന്നു. പിന്നെയും യാത്ര വിരസമായി. പ്രത്യേകിച്ചൊന്നും കാണാനില്ല. അങ്ങിങ്ങായി ചില ഇല്ക്ട്രിക് പോസ്റ്റുകള്‍. ഉറക്കം മേല്പോളകളെ മെല്ലെ താഴ്ത്തി.

പെട്ടെന്ന് ഒന്ന് ഞെട്ടി ഭൂമികുലുക്കം പോലെ വാനൊന്ന് കുലുങ്ങിയോ. കണ്ണ് തുറന്ന് നോക്കിയപ്പോള്‍ ഡ്രൈവറ് കണ്ണ് തുടയ്ക്കുന്നു.
“എന്താ ഷാജി, എന്ത് പറ്റി”
“ഏയ് ഒന്നുമില്ല”
ഒന്നുമില്ലെങ്കില്‍ ഒന്നുമില്ല. വീണ്ടും മയക്കത്തിലേക്ക് വഴുതി വീണു.
പിന്നെയും ഭൂമികുലുക്കം. ഞെട്ടി കണ്ണ് തുറന്ന് നോക്കിയപ്പോള്‍ ഡ്രൈവറ് വീണ്ടും കണ്ണ് തുടയ്ക്കുന്നു.
ഡ്രൈവറ് ഉറങ്ങി പോയോ.
മനസ്സിലൊരു ഇടിമിന്നല്‍.
പത്ത് പന്ത്രെണ്ട് പേര്‍ വാനിലുണ്ട്. എല്ലാവരും നല്ല ഉറക്കത്തിലാണ്.
നീണ്ട് ഭൂമിയുടെ അറ്റത്തോളം കിടക്കുന്ന റോഡ്. റോഡില്‍ വാഹനങ്ങളും കുറവ്.
ഡ്രൈവറ്യ്ക്ക് പ്രത്യേകിച്ച് ഒന്നും ചെയ്യാനില്ല..
സ്റ്റീയറിങ്ങ് തിരിക്കണ്ട,ബ്രൈക്ക് ഉപയോഗിക്കണ്ട, വെറുതെ ഇരുന്ന് കൊടുത്താല്‍ മതി.
ആത്മാഭിമാനം കൊണ്ട് ആദ്യം സമ്മതിച്ചില്ലെങ്കിലും പിന്നീട് ഷാജി കുറ്റസ്സമതം നടത്തി.
“രണ്ട് പ്രാവശ്യം കണ്ണൊന്ന് അടഞ്ഞ് പോയി”.
“കഴിഞ്ഞ രാത്രിയിലും ഉറങ്ങാന്‍ പറ്റിയില്ല. അതു കൊണ്ടാണ്”.
എന്റെ എല്ലാ ഉറക്കവും പോയി.
പ്രശ്നം ഗുരുതരമാണ്. വേറെയാറ്ക്കും ഡ്രൈവിങ്ങും അറിയില്ല.
ഞാന്‍ ഉറങ്ങാതെ നോക്കിയിരുന്നു ഡ്രൈവറ് ഉറങ്ങി പോകാതിരിക്കാന്‍.
ചില വറ്ത്തമാനങ്ങളും നേരമ്പോക്കുകളും കൊണ്ട് ഡ്രൈവറെ സജീവമാക്കാന്‍ ഒരു വിഫലശ്രമം നടത്തി നോക്കി.
മനസ്സിലാധിയായി. ഇനിയും രണ്ട് മണിക്കൂറിലധികം യാത്രയുണ്ടു.
വാന്‍ നിറ്ത്തി ഷാജിയോട് തണുത്ത് വെള്ളത്തില്‍ മുഖം കഴുകി യാത്ര തുടരാന്‍ പറഞ്ഞു.
കൂടുതല്‍ സുരക്ഷയ്ക്ക് വഴിക്കുള്ള എല്ലാ ഹോട്ടലിന്റെ മുന്നിലും നിറ്ത്തി ഷാജിയെ ചായ കുടിപ്പിച്ച് അല്പ നേരം വിശ്രമം എടുപ്പിച്ചതിന് ശേഷമെ യാത്ര തുടറ്ന്നുള്ളു.
ജീവന്‍ കൈയില്‍ പിടിച്ച് കൊണ്ടുള്ള യാത്ര അവസാനിച്ചപ്പോള്‍ രാത്രി രണ്ട് മണി കഴിഞ്ഞിരുന്നു.
ഇനിയൊരിക്കലും തുടറ്ച്ചയായി ഉറക്കമൊഴിയൊന്ന ഡ്രൈവറുടെ കൂടെ യാത്ര ചെയ്യില്ലെന്ന് ശപഥം ചെയ്ത് നിദ്രയുടെ കൈവലയത്തിലേക്ക് അഭയം പ്രാപിച്ചു.
**** xxx ***

അനുഭവം രണ്ട്:
ടൌണിലേക്ക് പോകേണ്ടെ അത്യാവശ്യ കാര്യമുണ്ടായിരുന്നു. ബസ്സിലാണെങ്കില്‍ നിറയെ ആള്‍ക്കാരും. അടുത്ത ബസ്സിനെ കാത്ത് നില്‍ക്കാന്‍ സമയവുമില്ല. അധികം ചിന്തിക്കാതെ ആ ബസ്സില്‍ തന്നെ കയറി.
ബസ്സ് അതിവേഗതയിലാണ് പോയികൊണ്ടിരിക്കുന്നത് മുന്നില്‍ കണ്ട എല്ലാ വാഹനങ്ങളേയും മറികടന്ന് അതിസാഹസികമായി മുന്നേറി കൊണ്ടിരുന്നു. എന്ത് പോക്കാണെന്ന് ചിലറ് ആശങ്ക പെടുന്നുണ്ടെങ്കിലും. യാത്രക്കാറ്ക്കും രസം പിടിച്ചെന്ന് തോന്നുന്നു. എല്ലാവറ്ക്കും മുമ്പെ എല്ലാത്തിനും മുകളില്‍ മനുഷ്യരില്‍ അന്തറ്ലീനമായ ത്വര ചിറക് വെച്ച് പറക്കാന്‍ തുടങ്ങി. അതിന്റെ ത്രില്ലിലാണ് ചിലറ്. സാഹസികനായ ഡ്രൈവറ് മനുഷ്യജീവനെടുത്ത് പന്താടുകയാണ്.
മനുഷ്യജീവന്‍ തൃണതുല്യം.
ഉള്ളിലൊരു കാളല്‍.
ഡ്രൈവറ്മാറ് തമ്മിലുള്ള മത്സരവും തീറ്ക്കുന്നത് ഈ മരണ പാച്ചിലിലാണ്. കൂടുതല്‍ വേഗത്തില്‍ കൂടുതല്‍ ആള്‍ക്കാരെ എടുത്ത് ലക്ഷ്യത്തിലെത്തുക എന്നതാണ് അവരുടെ മുദ്രാവാക്യം.
മുന്നിലുള്ള ബസ്സ് മറികടക്കാന്‍ വിടുന്നില്ല. പലകുറി കയറിയും ഇറങ്ങിയും നോക്കി. ഹോണടിച്ച് നോക്കി. രക്ഷയില്ല. അതിലും കടുകിട വിട്ട് കൊടുക്കാത്ത സാഹസികന്‍ ഡ്രൈവറായിരിക്കണം.
അവസാനം കാത്തിരുന്ന അവസരം വന്നു.
ഒരു ചെറിയ പഴുതില്‍ ഡ്രൈവറ് മറികടക്കാന്‍ ബസ്സ് മുന്നോട്ടെടുത്തു.
ഒരു നിമിഷാറ്ദ്ധം ലോകം കീഴ് മേല്‍ മറിഞ്ഞു.
പ്രധാന റോഡിലൂടെ മുന്നോട്ട് പോകേണ്ട ബസ്സ് പെട്ടെന്ന് അതിവേഗത്തില്‍ വലത്തെ ഇടറോഡിലേക്ക് പാഞ്ഞ് കയറി നിന്നതും പിന്നിലൂടെ മറ്റൊരു ബസ്സ് ചീറി പാഞ്ഞ് പോയതും ഒരുമിച്ചായിരുന്നു
ഒന്ന് നിലവിളിക്കാന്‍ പോലും സമയം കിട്ടാതെ എല്ലാം തീറ്ന്നു.
ഡ്രൈവറിന്റെ അപാര മനസ്സാന്നിദ്ധ്യത്തിന് സ്തുതി.
രണ്ടു മാസം മുമ്പ് ഇതെ റോഡില്‍ ബസ്സുകള്‍ കൂട്ടിയിടിച്ച് പൊലിഞ്ഞത് പതിനാറ് പേരുടെ ജീവനുകള്‍.
ഉള്‍ക്കിടലത്തോടെ ദീറ്ഘശ്വാസം വിട്ടു.
ഒന്നും സംഭവിക്കാത്തത് പോലെ ഡ്രൈവറ് ബസ്സ് പിന്നോട്ടെടുത്ത് മുന്നോട്ടേക്ക് കുതിച്ചു.
“ഇനി നിന്റെ സ്പീടൊന്നും വേണ്ട”
“നോക്കിയും കണ്ടും ബസ്സ് ഓടിക്കെടാ”
ഇനിയും പ്രതിഷേധിച്ചില്ലെങ്കില്‍ മരണമാണ് ഫലമെന്ന് യാത്രക്കാറ് തിരിച്ചറിഞ്ഞു.
പിന്നെ മര്യാദക്കാരനായി മറികടക്കലുകളിലാതെ ഡ്രൈവറ് ബസ്സ് ഓടിച്ചു.
**** xxx ***
ഈ ആധുനിക മൃഗങ്ങളെ മെരുക്കി നിയന്ത്രിക്കുന്ന പാപ്പാനെ ഡ്രൈവറെന്ന് വിളിക്കും. അങ്ങേരാണ്‍ വിധികറ്ത്താവ്. സ്ഥിതിയും സംഹാരവും അങ്ങേര്‍ തീരുമാനിക്കും.
ടിക്കറ്റ് എടുക്കുക എന്നാല്‍ ജീവന്‍ ഡ്രൈവറുടെ കൈവശം ഏല്‍പ്പിച്ചു എന്നാണ്. ടിക്കറ്റ് മരണത്തിലേക്കോ ജീവിതത്തിലേക്കോ ആകാം. എല്ലാം ഡ്രൈവറുടെ കൈയില്‍. യാത്രക്കാരന് ഡ്രൈവറുടെ യോഗ്യതയോ ശക്തിയോ അളക്കാന്‍ പറ്റില്ല. ചിലപ്പോള്‍
യാത്രക്കാരന്‍ ഡ്രൈവറെ കാണുന്നതെ ഇല്ല. ഡ്രൈവറുടെ കഴിവ് കേടിനെ കുറിച്ച് വേവലാതിപ്പെട്ടാ‍ല്‍ യാത്ര ചെയ്യാനും പറ്റില്ല. എല്ലാം ആരുടെയോ കൈയില്‍ ഏല്‍പ്പിച്ച് യാത്ര തുടരുന്നു. എല്ലാം ഡ്രൈവറെ ഏല്‍പ്പിച്ച നിസ്സഹായരായ് യാത്രക്കാറ്. വിമാനം ഒന്ന് ചെരിഞ്ഞാല്‍ അകാരണമായി ഭീതി പൊതിയും. ആകാശത്ത് പൈലറ്റിന് എന്ത് ചെയ്യാന്‍ കഴിയും. എല്ലാം ദൈവത്തിന്റേയും പൈലറ്റിന്റേയും കൈവശം.

ലോകത്തിലെ എല്ലാ യുദ്ധത്തിലും കൂടി മരിച്ചവരുടെ കണക്കും റോഡ്-വാഹനാപകടത്തില്‍ മരിച്ചവരുടെ കണക്കും എടുത്ത് നോക്കിയാല്‍ യുദ്ധം തോറ്റ് പോകും. ചില വാഹനാപകടത്തിലെ ഡ്രൈവറ്മാറ് മുലകുടി പ്രായം കഴിയാത്ത ലൈസന്‍സ് പോലും ഇല്ലാത്ത് പയ്യന്മാറ്.
ഒരു വാഹനം റോഡില്‍ ഇറങ്ങുമ്പോള്‍ അത് ഓടിക്കാന്‍ യോഗ്യമാണോ അതു പോലെ ഡ്രൈവറും യോഗ്യനാണോ എന്നും ഉറപ്പ് വരുത്തേണ്ടത് അതിന്റെ ഉടമസ്ഥനും(സ്ഥാപനവും) ഡ്രൈവറും ആണ്. വീതിയുള്ള റോഡും വാഹാനമോടിക്കാന്‍ പര്യാപ്തമായ റോഡും ഗതാഗത നിയന്ത്രണങ്ങളും സറ്ക്കാറിന്റെ ചുമതലയുമാണ്. അതുകൊണ്ട് വാഹനാപകടത്തിന് ഇവരെല്ലാവരും ഉത്തരവാദികളാണ്. വിശന്ന ക്രൂരമൃഗങ്ങളെ ഒരു നിയന്ത്രണവുമില്ലാതെ കൂട്ടില്‍ നിന്ന് അഴിച്ചു വിടാന്‍ ഇവറ്ക്ക് ഒരു അധികാരവുമില്ല. നഷ്ടപ്പെട്ടുപോയ ഒരു ജീവനും തിരിച്ചുകൊടുക്കാന്‍ ഇവറ്ക്ക് കഴിയില്ല. വിശ്രമമില്ലാതെ ഡ്രൈവറുമാരെ പണിയെടുപ്പിക്കുന്ന ഉടമസ്ഥനും,സ്ഥാപനവും കുറ്റക്കാരാണ്. മദ്യപിച്ച് വാഹനമോടിക്കുന്ന ഡ്രൈവറും അതിന്റെ ഉടമസ്ഥനും,സ്ഥാപനവും ഒരു പോലെ കുറ്റക്കാരാണ്. കറ്ശന നിയമങ്ങള്‍ വേണം. അത് കടുകിട തെറ്റാതെ നടപ്പിലാക്കുന്ന ഉദ്ദ്യോഗസ്ഥരും വേണം. ഇത് ജീവിതവും മരണവും കൊണ്ടുള്ള കളിയാണ്. അപകടത്തിന് ശേഷം കണ്ണീരൊഴുക്കാന്‍ ഏവറ്ക്കും കഴിയും അതിന് മുമ്പെ കണ്ണ് തുറന്ന് പ്രവറ്ത്തിക്കുകയാണ് വേണ്ടത്.

വാഹനാപകടത്തില്‍ പെട്ട തെറ്റുകാരായ എല്ലാ ഡ്രൈവറുമാറ്ക്കും കറ്ശന ശിക്ഷ കൊടുക്കണം. അവരുടെ ലൈസന്‍സും റദ്ദാക്കണം. ഓടിക്കാന്‍ അറിയാത്തവറ് പിന്‍ നിരയില്‍ ഇരിക്കട്ടെ. തിരഞ്ഞെടുപ്പ് വാഗ്ദാനങ്ങള്‍ ലംഘിച്ച് ഭരണം തെറ്റായ ദിശയില്‍ ഓടിക്കുന്ന് രാഷ്ട്രിയ പാറ്ട്ടികള്‍ക്കും ഇത് ബാധകമാക്കണം.

മുസ്ലിം തീവ്രവാദിയെക്കാളും വലിയ കൊടും ഭീകരന്മാര്‍

2008-12-03T11:42:00.001-08:00

ബ്രിട്ടീഷ്കാര്‍ ഇന്ത്യയെ നൂറ്റാണ്ടുകളോളും ഭരിച്ചത് തമ്മിലടിക്കുന്ന നാട്ടുരാജാക്കന്മാരെ ഉപയോഗിച്ച് കൊണ്ടാണെന്നത് ചരിത്രം. പാരമ്പര്യം മറക്കരുതല്ലോ ഇന്ത്യക്കാരത് കാശ്മീറ് മുതല്‍ കേരളം വരെ അണുകിട വ്യത്യാസം വരുത്താതെ അത് കൊണ്ടാടുന്നുമുണ്ടു. ഏതൊരു ഭീകരാക്രമണം നടന്നാലും രാജ്യതാല്പര്യത്തിനുപരിയായി അത് തന്റെ പാറ്ട്ടിക്ക് അല്ലെങ്കില്‍ നേതാവിന് എങ്ങനെ മുതലെടുക്കാമെന്നെ ചിന്തയെയുള്ളു. പ്രത്യേകിച്ച് തെരഞ്ഞെടുപ്പ് പടിക്കലെത്തിനില്‍ക്കുമ്പോള്‍.

പുര കത്തുമ്പോള്‍ കഴുക്കോല്‍ ഊരികൊണ്ടുപോകുന്നവര്‍,
കത്തുന്ന പുരയിലെ തീ കൊണ്ടു ബീഡി കത്തിക്കുന്നവര്‍,
സഹോദരന്‍ ചത്താലും വേണ്ടില്ല നാത്തൂന്റെ കണ്ണീര്‍ കണ്ടാല്‍ മതി.
എന്നൊക്കെ പറഞ്ഞത് ഇവരെക്കുറിച്ച് തന്നെയായിരിക്കും. ഉറപ്പ്.

ഭീകരന്മാര്‍ മുമ്പൈ കത്തിക്കുമ്പോള്‍ നമ്മുടെ രാഷ്ട്രിയക്കാര്‍ ചെളിബോംബുകള്‍ ഉണ്ടാക്കുകയായിരുന്നു പരസ്പരം എറിഞ്ഞു വീഴ്ത്താന്‍. തെരഞ്ഞെടുപ്പിന് മസാല അരക്കുകയായിരുന്നു. ഭരണക്കാരുടെ പിടിപ്പ്കേട് കൊണ്ടാണ് ഇതൊക്കെ സംഭവിച്ചത് ഞങ്ങളായിരുന്നെങ്കില്‍ കാണിച്ച് കൊടുക്കാമയിരുന്നു എന്നൊക്കെ മേനി പറഞ്ഞു അടുത്ത ഭരണത്തിലേക്കാണ് ചിലരുടെ നോട്ടം. ഇപ്പറഞ്ഞ രാഷ്ട്രിയക്കാരൊക്കെ ഭരിച്ചപ്പോഴും ഭീകരാക്രമണത്തിന് ഒരു പഞ്ഞവും ഉണ്ടായിരുന്നില്ല. പാര വെക്കാന്‍ തീവ്രവാദികളെ വളറ്ത്തുകയും ഉപയോഗിക്കുകയും ചെയ്ത എത്രയെത്ര പാറ്ട്ടികളുണ്ടു ഇന്ത്യയില്‍.

റഷ്യയെ അഫഘാനിസ്ഥാനില്‍ നിന്ന് തുരത്താന്‍ താലിബാനെ ഊട്ടി വളറ്ത്തിയ അമേരിക്കയും പാക്കിസ്ഥാനും അവസാനം താലിബാന്റെ തന്നെ വാളിന് ഇരയാകുന്നു. ജനത പാറ്ട്ടിയെ തകറ്ക്കാന്‍ ഭിന്ത്രന്‍വാലയെ വളറ്ത്തിയ ഇന്ദിരാഗാന്ധി സിക്ക്കാരന്റെ വെടി ഉണ്ടയാല്‍ തുളഞ്ഞ് മരിച്ചതും, തമിഴ് പുലികളെ കൊന്നൊടുക്കിയ രാജീവ് ഗാന്ധിയെ പെണ്‍പുലി തന്റെ ശരീരത്തോട് ചേറ്ത്ത് പൊട്ടിത്തെറ്പ്പിച്ച് കൊന്നതും ചരിത്രത്തിന്റെ വികൃതികള്‍ മാത്രം.

മുമ്പൈയിലെ തീയണഞ്ഞു.പാക്കിസ്ഥാന് താക്കീതും കൊടുത്തു. അപ്പോളതാ ഒരു പ്രാദേശിക ബോംബ് പൊട്ടുന്നു. ഒരു പട്ടിക്കഥയായി. ധീരദേശാഭിമാനി സന്ദീപിന്റെ ബംഗ്ലരുവിലെ വീട്ടിലേക്ക് കേരളാസറ്ക്കാറിന്റെ ഭാഗത്ത് നിന്ന് ആരും പോയില്ലെന്നും സന്ദീപിനെ അവമാനിച്ചുവെന്നും ഒക്കെയുള്ള കഥ പാട്ടായി വാറ്ത്തയായി. അങ്ങ് ഡല്‍ഹിയില്‍ വെച്ച് പത്രക്കാര്‍ വി എസിനോടും കൊടിയേരിയോടും ചോദിച്ചപ്പോള്‍ കമാന്ന് മിണ്ടിയില്ലെന്ന് പറഞ്ഞ് കാര്യങ്ങള്‍ പുകഞ്ഞ് തുടങ്ങി. പത്രക്കാറ്ക്ക് എന്ത് കഥയും മെനയാം. അതല്ലെ പണ്ട് പിണറായി സഖാവ് പറഞ്ഞത് പത്രക്കാറ്ക്ക് കമ്മ്യൂണിസ്റ്റ് പാറ്ട്ടിയെ കുറിച്ച് ഒരു ചുക്കും അറിഞ്ഞ് കൂടെന്ന്. ഒരു ബി.ജെ.പി നേതാവിനോ കോണ്‍ഗ്രസ്സ് നേതാവിനോ വായില്‍ തോന്നിയത് പറയാം കോടികള്‍ വാഗ്ദാനം ചെയ്യാം.( അത് കിട്ടണമെങ്കില്‍ ഒരു ജന്മം കൂടി ജനിക്കണമെന്ന് മാത്രം). അത് പോലെയാണോ കമ്മ്യൂണിസ്റ്റ് പാറ്ട്ടി. യോഗം ചേരണം ചറ്ച്ച് ചെയ്യണം തീരുമാനങ്ങള്‍ എടുക്കണം.(അല്ലെങ്കിലെ അച്ചടക്കലംഘനം കൊണ്ടു പുറം പൊളിഞ്ഞ് കിടക്കുകയാണ് അപ്പോഴാണ് പത്രക്കാരുടെ ഒരു മാതിരി കുത്തി കുത്തി ചോദ്യം). അതല്ലെ അടുത്ത് ദിവസം ആഭ്യന്തരമന്ത്രിയും പിന്നാലെ മുഖ്യമന്ത്രി തന്നെ നേരിട്ട് ചെല്ലാനും തീരുമാനമായത്. പോയത് പൊല്ലാപ്പായി. കറ്ണ്ണാടക പോലീസ് പോകണ്ടാ പോകണ്ടാ എന്ന് പറ്ഞ്ഞിട്ടും വയസ്സ്കാലത്ത് രാത്രിയില്‍ തന്നെ അവിടെ പോയത് കേരളത്തിന്റെ അന്തസ്സ് കാക്കാന്‍. കിട്ടിയതോ പൂരത്തെറിയും.
അപ്രിയ സത്യങ്ങള്‍ അനവസരത്തില്‍ പറഞ്ഞതിന് മുഖ്യമന്ത്രിക്കും കിട്ടി പണി. എല്ലിന്‍ കഷണങ്ങള്‍ക്കായി പുറത്ത് തല്പരകക്ഷികള്‍ കാത്ത് നില്‍ക്കുന്നത് ഓറ്ക്കണമായിരുന്നു. ഒരു തലശ്ശേരിക്കാരന്റെ മെയ് വഴക്കത്തോടെ “മകന്‍ മരിച്ച അച്ചന്റെ വികാര വിക്ഷോഭങ്ങള്‍” എന്ന് പറഞ്ഞ് കൊടിയേരി ഒഴിഞ്ഞ് മാറിയത് കണ്ടെങ്കിലും വി.എസ് കുറച്ച് കളരി പഠിക്കേണ്ടതായിരുന്നു.
ഉണ്ണികൃഷ്ണനിലെ രാഷ്ട്രിയക്കാരന്‍ “ പോടാ പട്ടി“യെന്ന് വിളിച്ചപ്പോള്‍ അത് മറ നീക്കി പുറത്ത് വന്നത് തിരുവനന്തപുരത്തും. ഒരു വൃദ്ധന്‍ പട്ടിയുടെ കഴുത്തില്‍ തൂങ്ങി കിടന്നു കേരളത്തിന്റെ മുഖ്യമന്ത്രി. രണ്ടു സ്ഥലത്തും ഒരേ രാഷ്ട്രിയ ചുവ.
ബി.ജെ.പി മുഖ്യമന്ത്രിക്ക് സത്ക്കാരവും കമ്മ്യൂണിസ്റ്റ് മുഖ്യമന്ത്രിക്ക് തിരസ്ക്കാരവും. ഇതിന്റെ പൊരുത്ത്ക്കേട് തിരിച്ചറിഞ്ഞത് കൊണ്ടായിരിക്കണം ഉണ്ണികൃഷ്ണന്റെ ബന്ധുക്കള്‍ അടുത്ത് ദിവസം തന്നെ ക്ഷമാപണം ചോദിക്കുകയും വിവാദം അവസാനിപ്പിക്കാന്‍ ആവശ്യപ്പെടുകയും ചെയ്തത്. എന്നാലും നമ്മുടെ പ്രതിപക്ഷം വിടുമോ. വിവാദങ്ങളും ഉപ വിവാദങ്ങളും കൊണ്ടു സംഗതികള്‍ കൊഴുപ്പിക്കുകയല്ലെ.
ഉമ്മന്‍ ചാണ്ടിയില്‍ ഊമ്പന്‍ ചാണ്ടിയുണ്ടെന്നും അത് അശ്ലീലമാണെന്നും മാണി സാറ് കണ്ടുപിടിച്ച് കളഞ്ഞില്ലെ. ഭാഗ്യത്തിന് വേറെയാരും കേട്ടില്ല മാണി സാറ് ഒഴികെ. ഇത് മണം പിടിച്ച് കണ്ടു പിടിച്ചത് തന്നെ. മാണി സാറിന്റെ അപാര ഘ്രാണശക്തി തന്നെ. കണ്ടോ ഇതിലും ഒരു പട്ടി കയറി വരുന്നു. അവനവന്‍ ഇരിക്കേണ്ട സ്ഥാനത്ത് ഇരുന്നില്ലെങ്കില്‍ പട്ടി കയറി ഇരിക്കും.
ഇങ്ങ് തെക്കെ ഇന്ത്യയില്‍ നടന്ന ഈ വന്‍ സാംസ്ക്കാരിക ഭീകരാക്രമണത്തിന്റെ അലയടികള്‍ അങ്ങ് വടക്കെ ഇന്ത്യയിലും ഗംഭീരമായ ഇടിയൊച്ചകള്‍ ഉണ്ടാക്കിയത്രെ. ചാണ്ടി സാറ് മുഖ്യമന്ത്രിയുടെ രാജിയില്‍ കുറഞ്ഞ ഒന്നിനും രാജിയായില്ല. ബി.ജെ.പി ഇന്നലെ മുറ വിളി കൂട്ടുന്നു രാജിക്കായി. ചിന്നം വിളിച്ച് കൊണ്ട് ലാലുസാറും വന്നും രാജി ചോദിച്ച് കൊണ്ടു.
ദീപസ്തംഭം മാഹാശ്ചര്യം നമുക്കും കിട്ടണം ഭരണം.
ഇങ്ങനെ ഒക്കെയുള്ള നാട്ടില്‍ ഭീകരന്മാറ് വന്ന് ആക്രമിച്ചില്ലെങ്കിലെ അതിശയമുള്ളു. ഇന്റലിജന്‍സ് വിഭാഗം ജീവന്‍ പണയപ്പെടുത്തികൊണ്ടു കൊണ്ട് വരുന്ന രഹസ്യ വിവരങ്ങള്‍ അത് വേണ്ട രീതിയില്‍ വിശകലനം ചെയുകയും മുന്‍ കരുതല്‍ എടുക്കുകയും ചെയ്യേണ്ടതിന് പകരം അലസമായി കൈകാര്യം ചെയ്യുന്ന രീതി കാറ്ഗില്‍ സംഘറ്ഷം മുതലെ കണ്ടു വരുന്നതാണ്. കാറ്ഗില്‍ യുദ്ധം തന്നെ ഒഴിവാക്കാന്‍ പറ്റുമായിരുന്നുവെന്ന് ഇന്റലിജന്‍സ് പിന്നാമ്പുറ കഥകള്‍. ഉദ്ദ്യോഗസ്ഥ വിഭാഗങ്ങളുടെയും മേധാവികളുടെയും താന്‍ താന്‍പോരിമ. രാഷ്ട്രിയ നേതൃത്ത്ങ്ങളുടെ കഴിവ് കേട്. പ്രതിരോധമന്ത്രി തന്നെ പറഞ്ഞു കടലോരങ്ങളിലൂടെ ഭീകരാക്രമണം വരുമെന്ന്, എന്നിട്ട് എവിടെയാണ് പിഴച്ചത്. എവിടെയൊക്കയോ എന്തൊക്കയോ ചീഞ്ഞ് നാറുന്നു.
എന്നാണ് ഇതിനൊക്കെ ഒരു അന്ത്യമെന്ന് പറയാനും വയ്യ. കാര്യങ്ങളുടെ പോക്ക് അങ്ങനെയാണ്. അമേരിക്കയും ഇസ്രായലും ഇന്ത്യയും കൈകോറ്ക്കുമ്പോള്‍ ഭീകരന്‍ അവന്റെ വാളിനും മൂറ്ച്ച കൂട്ടുന്നു. അഫഘാനിസ്ഥാനില്‍നിന്ന് പാക്കിസ്ഥാനിലേക്കും പിന്നെ ഇന്ത്യയിലേക്കും ഭീകരന്മാരെ അമേരിക്ക കൊണ്ടു വന്നിരിക്കുന്നു.
മത ഭ്രാന്തന്മാരുടെ എണ്ണവും പെരുകികൊണ്ടിരിക്കയാണ്. സൂക്ഷിച്ചിരിക്കുക അടുത്ത് നില്‍ക്കുന്ന ഒരാള്‍ പൊടുന്നനെ ഒരു ഭീകരവാദിയായി മാറിയേക്കാം. സ്വയം രക്ഷക്കായി സ്വയം തന്നെ ഒരുങ്ങുക.

വൃദ്ധ-സു-കുമാരന്‍

2008-11-19T09:50:00.000-08:00

വൃദ്ധനല്ല അവന്‍,
കാലം ഹരിക്കാത്ത യുവത്വം തുളുമ്പുന്നവന്‍.
എണ്‍പത്തിയഞ്ചിലും
ഇരുപത്തിയഞ്ചിന്റെ വിപ്ലവ സ്വപ്നങ്ങള്‍.
അറിയുക മാറ്റത്തിന്‍ ചുമരെഴുത്തുകള്‍
അല്ലെങ്കില്‍ അറിയില്ലെന്ന് നടിച്ച്
വിഡ്ഢിവേഷം കെട്ടിയാടുക.
മസിലുകള്‍ ആഘോഷമാക്കിയ നല്ല മിമിക്രിക്കാരെ
നിങ്ങള്‍ക്ക് ഒരു നല്ല നമസ്ക്കാരം.
നീട്ടിയും കുറുക്കിയും പോര്‍ വിളിച്ചത്
അനീതിക്കെതിരെയെന്നറിയാതെ പോകരുത്.
വയലാറില്‍ ഒളിച്ചോടിയവനെന്ന് പരിഹസിച്ചോളു,
ഒരടി പിന്നോട്ടെന്നത് രണ്ടടി മുന്നോട്ടാണെന്നോര്‍ക്കാന് മറക്കരുത്.
സഹമന്ത്രിമാര്‍ സകുടുംബം വിദേശം കറങ്ങുമ്പോള്‍
സ്വദേശത്ത് കാടും മലയും താണ്ടുന്നവന്‍.
സഹസഖാക്കള്‍ നവകമ്പോള വീഥികളില്‍ രമിക്കുമ്പോള്‍,
സനാതന മൂല്യങ്ങള്‍ നെഞ്ചോട് ചേറ്ത്തവന്‍.
ചിലര്‍ പഞ്ചനക്ഷത്രഹോട്ടലുകളില്‍ ചേക്കേറുമ്പോള്‍
പിറന്നാള്‍ കഞ്ഞിയും ചീരയും കൊണ്ടാഘോഷിച്ചവന്‍.
വാഴയല്ല അരിയാണ് മുഖ്യമെന്ന് മുമ്പെ അറിഞ്ഞവന്‍.
തീയില്‍ കുരുത്ത്,കമ്പളി പുതപ്പില്‍ അഭയം തേടാത്തവന്‍.
ആര്‍ത്തിരമ്പിയെത്തിയ ജനകോടിയലകളെല്ലാം
വ്യക്തിസ്വാറ്ത്ഥ പൂരണത്തിനല്ലെന്നരുളിയവന്‍.
ജനശക്തി അഴിമതികുടയാക്കരുത് സഖേ.
പ്രശംസിക്കേണ്ട വിമറ്ശിച്ചോളു
വേണ്ടുവോളം തെറി പറയരുതെ.
പട്ടിക്കഥകള്‍ മെനഞ്ഞു പലരും
അഴിക്കോട് മാഷെ നിങ്ങളും!
വാക്കുകളില്‍ വാറ്ദ്ധക്യ പതറ്ച്ചയോ
വയസ്സിലിളയവനായിട്ടും!!
വ്യക്തി തേജോവധത്തിന്‍ മലം വിഴുങ്ങി
വാള്‍ വെക്കരുതേ…
പാറ്ട്ടിയിലൊരുവന്‍ അഴിമതി ചെയ്താല്‍
നേരും നെറിയും അറിയും മുമ്പെ
മറ്ക്കടവേഷം കെട്ടരുതയ്യോ.
കത്തിയ ബസ്സും പൊട്ടിയ കണ്ണും
തിരികെ വരില്ലെന്നോറ്ക്കുക
തെരുവില്‍ കൂത്താടുമ്പോള്‍.
നേരറിയാന്‍ ക്ഷമ ഭൂമിയോളം കാത്ത് വെക്കുക,
വീണ വാക്കുകള്‍ തിരിച്ചു കുത്താതിരിക്കാന്‍.
സഹസഖാവ് ദു:ഖസാഗരത്തില്‍ പതറുമ്പോള്‍
അശ്ലീല ചിരി ചിരിക്കാന്‍ സമ്മതമേകിയ
വന്ദ്യവയോധികാ നന്ദി, നല്ല നമസ്കാരം,
പറഞ്ഞതിനും പറയാത്തതിനും.
ഭൂരിപക്ഷം പറഞ്ഞാല്‍
ആട് പട്ടിയാകില്ല
എലി പൂച്ചയുമാകില്ല.
എലി പിന്നെയും കരണ്ടു തിന്നും.
എലികള്‍ കരണ്ടു തിന്ന കോണകവുമായി
വോട്ട് ചോദിച്ചാല്‍ ജനം മുഖത്തടിക്കും.
എലിയെ പേടിച്ച് ഇല്ലം ചുടണോ?
വേണ്ടേ വേണ്ട
ഒരുമയുണ്ടെങ്കില്‍ എലിയെ പിടിക്കാം
പിന്നെ പുലിയും വീഴും.
സത്യത്തിന്റെ ശബ്ദം ഒറ്റപ്പെട്ടാലും
സത്യം സത്യമല്ലാതാകില്ല.
അറിയുക മാറ്റത്തിന്‍ ചുമരെഴുത്തുകള്‍
അല്ലെങ്കില്‍ അറിയില്ലെന്ന് നടിച്ച്
വിഡ്ഢിവേഷം കെട്ടിയാടുക.
അണയും മുമ്പെ ഈ സഞ്ചിത ഊര്‍ജ്ജം പകറന്നെടുക്കാന്‍
വാര്‍ദ്ധക്യം ബാധിക്കാത്ത കൌമാരങ്ങളുണ്ടോ?

വിശകലനത്തിന് ഇവിടെ ഞെക്കുക >> വി എസും വിമറ്ശകരും

-----------------------------------------------------------------------------
ഈ കവിത ഇവിടെ കേള്‍ക്കാം>http://ercsathadhara.podbean.com/2009/09/11/vs

അടി തെറ്റിയ ആനപ്പുറത്ത് ഒബ(ആമ)

2008-11-06T12:28:00.000-08:00

അടി തെറ്റിയാല്‍ എറുമ്പും വീഴും ആമയും വീഴും. പിന്നെയല്ലെ ബുഷും അമേരിക്കയും വീഴാതിരിക്കാന്‍.
എന്തായിരുന്നു പുകില്‍ ഇത്രയും കാലം. കരിമ്പിന്‍ കാട്ടില്‍ കയറിയ മദയാനയെപ്പോലെ ലോകത്ത് എന്തൊക്കെ കാട്ടികൂട്ടി.
ബുഷിനെ ഇനി വല്ല കുറ്റിക്കാട്ടില്‍ തപ്പിയാല്‍പോലും കിട്ടില്ല. മരുന്നിന് പോലും കിട്ടാനില്ല.

മാര്‍ട്ടിന്‍ ലൂതറിന്റെ സ്വപ്നസാക്ഷാല്‍ക്കാരം.
വൈറ്റ് ഹൌസിലെ ആദ്യത്തെ കറുത്തവന്‍.
മാറ്റത്തിന്റെ നായകന്‍.
യുവാക്കളുടെ രോമാഞ്ചം.
വനിതകളുടെ രക്ഷകന്‍.
വായ്ത്താരികള്‍ ഏറെയുണ്ടു ഒബാമയെ വാഴ്ത്താന്‍.

പക്ഷെ ബുഷിന്റെ പാറ്ട്ടിയെ തോല്‍പ്പിക്കാന്‍ ഏത് ഹിലാരിക്കും കഴിയും. ഒബാമക്ക് കിട്ടിയ അത്ര വോട്ട് കിട്ടിയെന്ന് വരില്ല എന്ന് മാത്രം. ബുഷിന്റെ ശത്രു ബുഷിന്റെ നയങ്ങള്‍ തന്നെയായിരുന്നു എന്ന് സ്കൂളില്‍ പോകാത്ത കുട്ടിക്ക് പോലും അറിയാം.
ഈ ആഘോഷത്തിമറ്പ്പിന് ഇടയില്‍ ആറ്ക്ക് വേണം ഈ സത്യം.
കണ്ടിട്ടും കൊണ്ടിട്ടും പഠിക്കാത്ത അമേരിക്കകാരന് ചാരുകസേരയിലിരുന്ന് ഓര്‍മിക്കാന് വേറെയും സത്യങ്ങളുണ്ടു. വിയറ്റാമില്‍ നിന്ന്
പഠിക്കാണ്ട് വന്ന മക്കയിന്മാറ്ക്കും അത് ആവാം.
സപ്തംബറ് പതിനൊന്നിന് അമേരിക്കന്‍ സമ്പദ് വ്യവസ്ഥയുടെ നെടുംത്തൂണായ ട്രേഡ് സെന്ടറ് ബിന്‍ ലാദ്ന്‍ ഇടിച്ച് തകറ്ത്തപ്പോള്‍ തുടങ്ങിയ അമേരിക്കന്‍ തകറ്ച്ച മറച്ചുവെക്കാനും പിന്നെ അതില്‍ നിന്ന് കര കയറാനും ഉള്ള വെപ്രാളത്തില്‍ അമേരിക്ക അഫ്ഘാനിസ്ഥാനിലും ഇറാക്കിലും കളിച്ചത് മരണക്കളിയല്‍ കുറഞ്ഞ ഒന്നുമല്ല.
വിധിവൈപരീത്യം എന്ന് തന്നെ പറയട്ടെ ഊഹക്കച്ചവടത്തില്‍ ഊതി വീറ്പ്പിച്ച അമേരിക്കന്‍ സമ്പദ് വ്യവസ്ഥ തകറ്ന്ന് വീണതും ഒരു സപ്തംബറില്‍ തന്നെ. ബിന്‍ലാദന്മാര്‍ക്ക് താടി മാന്തി ആര്‍ത്ത് ചിരിക്കാം.

എലിയെ പേടിച്ച് ഇല്ലം ചുടുമെന്ന് കേട്ടിട്ടെ ഉള്ളു. അത് ഈ ജന്മ്ത്തില്‍ തന്നെ കാണാന്‍ കഴിയുമെന്ന് ഒട്ടും നിരീച്ചില്ല.
അതും കണ്ടും അഫ്ഘാനിസ്ഥാനില്‍. അമേരിക്കകാരന്റെ മഹത്തായ “ടെക്കിന്നില്ലാലോജി” ലക്ഷങ്ങളെ കൊന്നു, കോടികളെ പെരുവഴിയിലാക്കി.
ഇന്ന് എലി ഗുഹയിലിരുന്ന് ജീവചരിത്രം എഴുതുന്നു, ഉരുക്ക് കോട്ടയിലിരുന്ന് ഭുതക്കണ്ണാടി വെച്ച് ബുഷ് അത് വായിക്കുന്നു. ലാദന്റെ പ്രസ്താവനകള്‍ പ്രാതലിനൊപ്പം ടീവിയില്‍ കാണുന്നു. പൃഷ്ഠം ചൊറിഞ്ഞ് കണ്ണാടിയില്‍ കാറ്ക്കിച്ച് തുപ്പുന്നു.

ആരോ ഉണ്ടെന്ന് പറഞ്ഞ ബോംബ് കണ്ടില്ലെങ്കിലെന്ത്, ഇറാക്ക് കുട്ടി ചോറാക്കിയില്ലെ.
ആയിരക്കണക്കിന് അമേരിക്കകാരന്‍ ചത്താലെന്ത്, എണ്ണ ചുരുട്ടി കൊണ്ടു പോയി പട്ട് മെത്തയിലിരിക്കാന്‍ കഴിഞ്ഞില്ലെ ബുഷിനും കോറ്പ്പറേറ്റ് കൂട്ടുകാറ്ക്കും.
ലക്ഷക്കണക്കിന് ഇറാക്കി മുസ്ലിംങ്ങള്‍ കൊല്ലപ്പെട്ടാലെന്ത്, അച്ചന്‍ ബുഷിനെ കൊല്ലാന്‍ നോക്കിയ സാദാ ഹുസൈനെ മകന്‍ ബുഷിന് തൂക്കിലേറ്റന്‍ കഴിഞ്ഞില്ലെ.
വിയറ്റാമില്‍ നിന്ന് പാ‍ഠം പഠിക്കാത്ത അമേരിക്കന്‍ ഭരണകൂടം അഹങ്കാരിയായി ഭസ്മാസുരനെ പോലെ ലോകത്താകമാനം തേര്‍വാഴ്ച്ച നടത്തുകയായിരിന്നില്ലെ.

കോളിന്‍ പവലിനെ പോലെയുള്ള മാന്യ ദേഹങ്ങള്‍ പുറം തിരിഞ്ഞ് നിന്നപ്പോള്‍ ഞാന്‍ മാവിലായിക്കാരനല്ലെ എന്ന് പറഞ്ഞ് ഒബാമയും ഇവിടെയൊക്കെ ഉണ്ടായിരുന്നല്ലോ.
അമേരിക്കയെ സംരക്ഷിക്കാന്‍ എന്ന് പേരില്‍ ലോകത്താകമാനം ബോംബ് വിതറിയ ബുഷിനെ രണ്ടാമതും തോളിലേറ്റിയ അമേരിക്കാരന്‍ ഇന്നെന്തിന് വലിയ വായില്‍ കരയണം. ബുഷ് കൊണ്ടു വരും രക്ഷ, ബുഷ് കൊണ്ടു വരും സമ്പത്ത് എന്ന് കരുതിയ പാവം അമേരിക്കകാരന്‍ നെഞ്ചത്തടിച്ച് അന്തം വിട്ട് നില്ക്കുകയാണ് “മാറ്റത്തിനായി”.
പുറം തിരിഞ്ഞിരുന്ന് കുതിരപ്പുറത്തിരിക്കാനാണ് ഒബാമയ്ക്ക് വിധി. ഇത് എങ്ങോട്ടെത്തും ആവോ. ദൈവത്തിന് പോലും അറിയില്ല. ഒരു പക്ഷെ ലാദന് അറിയുമായിരിക്കും. എല്ലാവരേയും കൂട്ടി ഭരിക്കാന്‍ പോകുന്ന ഒബാമയ്ക്ക് ലാദനേയും ഒന്ന് കണ്‍സള്‍ട്ട് ചെയ്യാമായിരുന്നു. ചിലവറ്ക്ക് വൈകിയെ ബുദ്ധി വരുകയുള്ള. എന്ത് ചെയ്യാം ഓരോ അമേരിക്കകാരന്റെ വിധി.
അമേരിക്കയില്‍ കാര്യങ്ങള്‍ ഇനി ആമയുടെ വേഗത്തിലെ പോകു കാരണം കുതിരകള്‍ ഓടിത്തളറ്ന്ന് ക്ഷീണിച്ചിരിക്കയാണ്.

ഒബാമ ആദ്യം ചെയ്യാന്‍ പോകുന്നത് രാജ്യ സുരക്ഷയെ കുറിച്ചുള്ള പ്രസ്താവനയാണ്. അപ്പോ അതും അത്രയ്ക്ക് മോശമായി. പുറത്തുള്ളവറ്ക്കു അറിയില്ലെങ്കിലും അകത്തുള്ളവറ്ക്ക് തീറ്ച്ചയായും അറിയും ഒബാമയ്ക്കും.

എന്തൊക്ക പറഞ്ഞാലും ഒബാമ ബുദ്ധിയുള്ളവനാണ്. ദുറ്മന്ത്രവാദം ചെയ്ത് ഇത്രയും കാലം ഭരിച്ചവരെ തന്നെ വിളിച്ചില്ലെ വീണ്ടും ഒന്നിച്ച് ഭരിക്കാന്‍. ഒബാമയ്ക്ക് അറിയാം തനിച്ച് ഇതൊന്നും ചെയ്യാന്‍ പറ്റില്ലാന്ന്. ചെയ്ത പാപത്തിന്റെ ശിക്ഷ അവരും അനുഭവിക്കട്ടെ എന്നായിരിക്കും ഒബാമയുടെ ഉള്ളിലിരിപ്പ്.
ഇനി എന്തെങ്കിലും പറ്റിയാല്‍ നൂലില്‍ പിടിച്ച് നില്‍ക്കാമല്ലോ. എല്ലാവറ്ക്കും ഇതില്‍ ഉത്തരവാദിത്തമുണ്ടെന്ന്. ചുരുക്കി പറഞ്ഞാല്‍ ഇനി ഡമോക്രാറ്റും വേണ്ട റിപ്പബ്ലിക്കും വേണ്ട ഇലക്ഷനും വേണ്ട ഒബാ‍മ തന്നെ ആജീവാനാന്ത പ്രസിഡണ്ട്. മിടുമിടുക്കന്‍.
സോവിയറ്റ് തകറ്ച്ചുകള്‍ക്ക് ശേഷം റഷ്യയും തല പൊക്കാന്‍ തുടങ്ങിയ സമയമാണിത്.
കറുത്ത വറ്ഗ്ഗ്ക്കാരനെ നന്നാക്കാന്‍ നോക്കാതെ വെള്ളക്കാരനെ നന്നാക്കാന്‍ നോക്കിയാല്‍ ഒബാമയ്ക്കും നല്ലത്, അമേരിക്കകാരനും
നല്ലത്, ലോകത്തിനും ശാന്തി.

ടിയാന്റെ സ്ഥലം (ഏനെന്ത് ചെയ്യണം തമ്പ്രാക്കളെ?)

2008-10-30T07:49:00.000-07:00

സര്‍ക്കാര് പറഞ്ഞു ടിയാന്‍ സര്‍ക്കാര് സ്ഥലം കൈയ്യേറിയെന്ന്.
ടിയാന്‍ പറഞ്ഞു ഒരിഞ്ച് പോലും ഇല്ല.
അന്വേഷണ കമ്മീഷന്‍ പറഞ്ഞു ടിയാന്‍ അമ്പതിനായിരം ഏക്ര കൈയ്യേറിയെന്ന്.
ടിയാന്‍ പറഞ്ഞു ഒരു തരി മണ്ണ് പോലും ഇല്ല.
"ടിയാന്റെ സ്ഥലം തൊടാന്‍ സര്‍ക്കാറിന് ധൈര്യം ഉണ്ടോ"ശകുനി പ്രതിപക്ഷം സര്‍ക്കാറിനെ വെല്ലുവിളിച്ചു. ഭരണഘടക കഷികളുടെ മുറുമുറുപ്പുകള്ക്കിടയില് കേട്ടത് പാതി കേള്‍ക്കാത്തത് പാതി സറ്ക്കാറ് മുഖ്യന്‍ പട നയിച്ചു, കാടു കയറി.
ടിയാന്റെ പറമ്പില്‍ കൊടി നാട്ടി.
പത്തേക്ര പിടിച്ചെടുത്തതായി വിളംബരം ചെയ്തു.
ടിയാനും ടിയാന്റെ മാധൃമങ്ങളും ഒന്നിച്ചു പറഞ്ഞു കൊടി നാട്ടിയത് സറക്കാരിന്റെ ഭൂമിയില്‍ തന്നെ.
പിന്നേയും പിടിച്ചു പത്തേക്ര അമ്പതേക്ര ആയിരം ഏക്ര.
തഥൈവ പിന്നേയും പഴയ പല്ലവി തന്നെ..
ടിയാനും ടിയാന്റെ മാധൃമങ്ങളും ഒന്നിച്ചു പറഞ്ഞു കൊടി നാട്ടിയത് സറക്കാരിന്റെ ഭൂമിയില്‍ തന്നെ.
കേട്ടും കണ്ടും നിന്നവര്‍ക്ക് അരിശം കയറി.
“എന്തൂട്ട് ശവി ഈ പറേണ്. ഇയാള്‍ക്ക് സ്വന്തമായി ഒന്നുമില്ലെ. ഇയാള്‍ നില്‍ക്കണ സ്ഥലം പിടിച്ചാലും ഇയാള്‍ ഇത് തന്നെ പറയും. കള്ള തിരുമാലി.”
“അതന്ന്യാ ശരി.ഇയാള്‍ക്ക് സ്വന്തമായി ഒരിഞ്ച് സ്ഥലമില്ല. പിന്നെ ആകെ ഉള്ളത് സറ്ക്കാറ് സ്ഥലമാണ്. അത് കുറെശെ കുറെശെ സറ്ക്കാറ് തന്നെ പിടിച്ചു കൊണ്ടു പോകുന്നു. അത്രന്നെ.”
വന്‍കിടക്കാരുടെ കൈയേറ്റം ശിക്ഷിക്കാന്‍ ധൈര്യം കാണിക്കുന്ന സറ്ക്കാറ് വരുന്നത് വരെ ഈ കള്ളനും പോലീസും കളി തുടരും. വന്‍കിടക്കാരുടെ സ്വാധീനം ഭരണപക്ഷത്തും പ്രതിപക്ഷത്തും ഉദ്ദ്യോഗസ്ഥതലത്തിലും തുടരുന്നത് വരെ ഈ കളി അവസാനിക്കില്ല. അതെ സമയം കാടിന്റെ അധിപരായ ആദിവാസികള്‍ക്ക് ഭൂമിയില്ലാതാ‍കുന്നു. പെരുവഴിയില്‍ ഭൂമിക്കായി കുത്തിയിരിപ്പ് സമരം നടത്തുന്നു കാട്ടിന്റെ മക്കള്‍.
കാടുമില്ല
കാട്ടിലെ തേനുമില്ല.
മാന്തി തിന്നാന്‍ കിഴുങ്ങുമില്ല.
മുയലിനെ പിടിക്കാന്‍ ചെന്നപ്പോള്‍
വനപാലകരെത്തി എങ്ങളെ തുരത്താന്‍.
വയറ്റത്തടിച്ച് ഇച്ചിരി മണ്ണിരന്നപ്പോള്‍
കിട്ടി, പൂരത്തെറിയും പിന്നെ പൊതിരെത്തല്ലും.
നാട്ടിലിറങ്ങിയപ്പോള്‍
പെണ്ണിന്റെ മാനവും പോയി.
ഇനി ഏനെന്ത് ശെയണം പാര്‍ട്ടി തമ്പ്രാക്കളെ?

ചിന്താവിഷ്ടയായ സൈനബ - അപവാദം അഥവ നവീന സദാചാരം (ഭാഗം രണ്ട്)

2008-10-23T09:18:00.000-07:00

അലാറം നാല് വട്ടം അലറി വിളിച്ചിട്ടും സൈനബയ്ക്ക് എഴുന്നേല്‍ക്കാന്‍ തോന്നുന്നില്ല. പുറത്ത് മഴ പെയ്യുകയാണ്. മഴ കൊണ്ടുവന്ന തണുപ്പില്‍ പുതപ്പ് മാറ്റാന്‍ മടി. ഇടയ്ക്കിടെ ഇടിയും മിന്നലും. കാറ്റ് ജനല്‍ഗ്ലാസ്സ് അടിച്ച് പൊളിക്കുമോ ആവോ.

അലാറത്തെ പേടിപ്പിച്ച് ഇങ്ങനെ ഉറങ്ങാന്‍ എന്തോ ഒരു സുഖം. പുലറ്ച്ചെ ഇടവിട്ടുള്ള ചെറുമയക്കങ്ങള്‍, എന്ത് സുഖമാണെന്നോ.

മഴക്ക് ശക്തി കൂടി വരുകയാണ്. മഴ ഇങ്ങനെ പെയ്താല്‍ വടക്കെപ്പുറത്തെ മതില്‍ ഇന്ന് തന്നെ ഇടിഞ്ഞു വീഴുമെന്ന് തോന്നുന്നു. ഏത്ര ദിവസമായി വേലായുധനോട് പറഞ്ഞിട്ട്, അതൊന്ന് ഉറപ്പിച്ച് കെട്ടാന്‍. പണിക്കാരെ കിട്ടാനില്ലത്രെ. ഒരു കാര്യം ചെയ്ത് കിട്ടാന്‍ എത്ര പേരുടെ കാല് പിടിക്കണം. ഭരതേട്ടന് ഇതെന്തെങ്കിലും അറിയണോ. പണമുണ്ടായാല്‍ ചെയ്യാന്‍ ആളേയും കിട്ടുമെന്നാണ് വിചാരം.
സ്റ്റീല്‍ ഷീറ്റില്‍ മഴ പെരുമ്പറ കൊട്ടി തുടങ്ങി. പെരുമ്പറ അലോസരമായി. രസം പിടിച്ച് വരുന്ന മയക്കത്തിന്റെ സുഖം പോയി. ഇനി ഉറങ്ങിയാല്‍ ശരിയാവില്ല്. അഞ്ച് മണി കഴിഞ്ഞു. ഇന്ന് ഷീലയെ സ്കൂളില്‍ പറഞ്ഞയക്കണം. രണ്ടു ദിവസമായി പനിയെന്നും പറഞ്ഞിട്ട് സ്കൂളില്‍ പോയില്ല. ഇന്ന് എങ്ങനയെങ്കിലും പറഞ്ഞയക്കണം.

കണ്ണാടിയില്‍ നോക്കി മുടി ചീകി കെട്ടുമ്പോള്‍ ആലോചിച്ചു.
ഇപ്പോള്‍ ഭരതേട്ടന്‍ എന്ത് ചെയ്യുകയായിരിക്കും. ബാത്ത് റൂമിന്റെ മുന്നില്‍ ക്യൂ നില്‍ക്കുന്നുണ്ടാകും. എഴെട്ട് പേറ് ഒന്നിച്ച് താമസിക്കുന്ന മുറിയില്‍ അതിരാവിലെ എഴുന്നേറ്റില്ലെങ്കില്‍ ബാത്ത് റൂം ഒഴിഞ്ഞ് കിട്ടില്ല. അന്ന് ഒഫിസില്‍ എത്താന്‍ ലേറ്റ് ആകും. എത്രോട്ടം പറഞ്ഞു ഞങ്ങളേയും കൊണ്ടുപോകാന്‍. പറ്റില്ലാത്രെ. ഭയങ്കര വാടകയാപോലും. ദുബായിലെ ജീവിത ചെലവ് താങ്ങാന്‍ പറ്റില്ലാത്രെ. വേണ്ട കണ്ട ഹോട്ടലലിലെ ചോറും കഴിച്ച് തടി കേടാക്കിക്കോട്ടെ. ആറ്ക്കാ ചേതം. എത്ര പ്രാവശ്യം ഞാന്‍ പറഞ്ഞതാണ് മസ്ക്കറ്റിലെ ജോലി കളഞ്ഞ് ദുബായില്‍ പോകണ്ടാന്ന്. കേട്ടില്ല. അല്ലെങ്കിലും പെണ്ണുങ്ങളുടെ വാക്കിന് വിലയില്ലല്ലോ. അപ്പോ പറഞ്ഞു മസ്ക്കറ്റിനെക്കാള്‍ ദുബായിയാണ് നല്ലതെന്ന്. ഇപ്പോ പറയണ് ഏജന്റ് ചതിച്ചൂന്ന്.
എനിക്ക് ഇത് തന്നെ വരണം.
പാല്‍ തിളച്ച് മറഞ്ഞു, സ്റ്റൌ കെട്ടു.
ശോ..ഇനി ഇത് കത്തിക്കാന്‍ മെനക്കേടാണ്.
സ്റ്റൌ തുടച്ച് കത്തിയ്ക്കുന്നതിനിടക്ക് സൈനബയ്ക്ക് കുറ്റബോധം തോന്നി.
ഒരു നിമിഷം ഞാന്‍ ഭരതേട്ടനെ കുറ്റപ്പെടുത്തിയോ? ശ്ശെ.. ഇല്ല.
ഭരതേട്ടനെ മാത്രം എങ്ങനെ കുറ്റപ്പെടുത്താന്‍ കഴിയും? രണ്ടു പേരുടെയും വീട്ടുകാറ് എതിറ്ത്ത് നിന്നപ്പോള്‍ ഞാനായിരുന്നു ഭരതേട്ടന് ശക്തി കൊടുത്തത് കല്യാണം കഴിക്കാന്‍. കല്യാണം കഴിച്ച് പെട്ടെന്ന് തന്നെ മുമ്പയിലേക്ക് പോയത് കൊണ്ടു ഇവിടത്തെ പുകിലൊന്നും കാണേണ്ടി വന്നില്ല. പിന്നെ ഏഴെട്ട് വറ്ഷം മസ്ക്കറ്റിലും.
അപ്പോള്‍ ഞങ്ങളുടെ മനസ്സില്‍ മതങ്ങളോ ദൈവങ്ങളോ ചിഹ്നങ്ങളോ ഒന്നുമില്ലായിരുന്നു.
പ്രണയം.
കടുത്ത പ്രണയം.
മഴയെ പോലെ മണ്ണില്‍ ഊറ്ന്നിറങ്ങിയ പ്രണയം.
ഭൂമിയും ആകാശവും
തീരവും തിരമാലകളേയും പോലെ.

അപ്പോള്‍ മറ്റൊന്നും അവിടെ ഇല്ലായിരുന്നു.
കാന്തിക വലയത്തിലൂടെ തിളങ്ങുന്ന ഒറ്റയടിപ്പാത.
പ്രണയസാഫല്യത്തിലേക്കുള്ള ഒറ്റയടിപ്പാത മാത്രം.
തിരിച്ചു പോകാന്‍ പറ്റാത്ത മുന്നോട്ടുക്കുള്ള പാത മാത്രം.
നടന്ന് തീറ്ന്ന പാതകള്‍ മുറിഞ്ഞ് പോയികൊണ്ടേയിരുന്നു.
ഒരിക്കലും തിരിച്ച് കൂടിചേരാതിരിക്കാന്‍.

തിരിഞ്ഞുനോക്കുമ്പോള്‍ ഒരു ഉള്‍ക്കിടിലം. എല്ലാം എങ്ങനെ സംഭവിച്ചു. എല്ലാം ദൈവഹിതമായിരിക്കും. അല്ലെങ്കിലും ഒന്നിനും തടുക്കന്‍ കഴിഞ്ഞില്ലല്ലോ. ഇരുപത് വറ്ഷം ചിരിച്ച് സന്തോഷിച്ച് ജീവിച്ചവരെ എങ്ങനെ പിരിയാന്‍ കഴിഞ്ഞു. അല്ലെങ്കില്‍ അവറ്ക്ക് ഞങ്ങളെ എന്തുകൊണ്ടു ഉള്‍ക്കൊള്ളന്‍ കഴിഞ്ഞില്ല.
മതങ്ങളും അനുഷ്ഠാനുങ്ങളും ആചാരങ്ങളും സാമൂഹ്യ മാന്യതയും ഒക്കെയായിരുന്നു അവറ്ക്ക് വലുത്. അതിന് വേണ്ടി ഒരു ബലി കൊടുക്കാന്‍ പോലും തയ്യാറാണ്. ചാവേറ്കളാകാനും. എന്നിട്ട് മതാന്ധത ദൈവസൃഷ്ടികളെ തന്നെ കൊന്നുകൊണ്ടേയിരിക്കുന്നു.
ഞങ്ങള്‍ പൂക്കളേയും പൂമ്പാറ്റെകളേയും നക്ഷത്രങ്ങളേയും സ്വപ്നം കണ്ടു.
ബന്ധനങ്ങളില്ലാത്ത പക്ഷികളെയും മൃഗങ്ങളേയും സ്വപ്നം കണ്ടു.
സ്നേഹിക്കാനും സ്നേഹിക്കപ്പെടാനുമുള്ള നല്ല മനുഷ്യരെ സ്വപ്നം കണ്ടു.

മഴ താണ്ഡവ നൃത്തം നിറ്ത്തി മുറ്റത്തിന്റെ അതിരിലൂടെ ഒലിച്ചുപോയി.
മുറ്റത്ത് വെയില്‍ അരിച്ചിറങ്ങി തുടങ്ങിയിരിക്കുന്നു.
“ഷീലെ എഴുന്നേല്‍ക്കു. സമയം കുറെയായി.”
“മമ്മി രണ്ട് മിനിറ്റ്. പ്ലീസ്.”
കണ്ണ് തുറന്ന് മുഖം തിരിച്ച് അവള്‍ വീണ്ടും ഉറക്കത്തിലേക്ക് വഴുതി വീണു. ഇനി എത്ര രണ്ട് മിനിറ്റുകള്‍.
ഇനി ഇവളെ കുലുക്കി കുലുക്കി ഉണറ്ത്തി എഴുന്നേല്‍പ്പിച്ച്,കുളിപ്പിച്ച്, യൂണിഫോം ഇടുവിപ്പിച്ച് ഷൂസ് എടുക്കുമ്പോഴേക്കും ബസ്സ് വന്ന് ഹോണ്‍ അടിച്ചു തുടങ്ങി.
“മോളെ വേഗം പോ. അല്ലെങ്കില്‍ ഡ്രൈവറ്ക്ക് ദേഷ്യം വരും”
ഷീല ഒരു കൈയ്യില്‍ ഷൂസും മറ്റെ കൈയ്യില്‍ ബാഗും തൂക്കി ബസ്സില്‍ ചാടി കയറി.
“മമ്മി. ടാറ്റ”
ഹാവു ഇനി ബാക്കി പണികള്‍ നോക്കണം.

മൊഞ്ചത്തിപെണ്ണെ
സൈനബ താത്തെ
സുറുമക്കണ്ണൊന്ന് കാണിച്ചാട്ടെ.
മൈലാഞ്ചിക്കൈയൊന്ന് തൊട്ടോട്ടെ.

സൈക്കിള്‍ ബെല്ലിന്റെ താളത്തില്‍ പാട്ടും പാടി വേലായുധനെത്തി. ഇനി ഇവന്റെ വാചകമടി സഹിക്കണം.
“വേലായുധാ നീ ഇന്ന് തന്നെ ഇലകട്രിക്കിന്റേയും ടെലഫോണിന്റേയും ബില്ലടക്കണം.”
എങ്ങനെയെങ്കിലും ഇവനെ വേഗം ഒഴിവാക്കണം.
“സൈനബ താത്തെ നിങ്ങള്‍ ബേജാറാവണ്ട. ഞാനില്ലെ ഇവിടെ”
അവനെങ്ങനെയെങ്കിലും ഇവിടെ ഒട്ടി നില്ക്കാനാണ് പരിപാടി.
“നീ കളിക്കല്ലേ. കുറെ ദിവസ്സമായി നിന്നോട് പറഞ്ഞിട്ട്. ഇനി കട്ട് ചെയ്യതാലെ അറിയൂ”
“ഞാനേറ്റു. ഇങ്ങള്‍ ബെഷമിക്കണ്ട. അതു പോട്ടെ നമ്മളെ ഭരതേട്ടന്‍ ഇനി എപ്പഴാണ് വരുന്നത്?”
മില്‍മ പാലിന്റെ പാക്കറ്റില്‍ അമറ്ത്തി കൊണ്ടവന്‍ ചോദിച്ചു. പാക്കറ്റിന്റെ തുമ്പത്ത് ഞെക്കി അവന്റെ നോട്ടം സൈനബയുടെ മാറിടത്തിലേക്കായിരുന്നു.
“നീ ആ പാലിങ്ങ് തന്നാട്ടെ. നീ വേണ്ടാത്ത കിനാവൊന്നും അധികം കാണണ്ട”
പാക്കറ്റ് പിടിച്ചു വാങ്ങി സൈനബ അകത്തേക്ക് നടന്നു. എവിടെ നിന്നാണ് ഭരതേട്ടന് ഇങ്ങനെയൊരാളെ കിട്ടിയത്. നാശം അവിടെ തന്നെ നില്‍ക്കുന്നുണ്ടാകും. വഷളന്‍.
സൈനബയുടെ ചന്തിയും കുലുക്കിയുള്ള നടത്തവും നോക്കി വേലായുധന്‍ അവിടെ തന്നെ നില്ക്കുന്നുണ്ടായിരുന്നു. നിതംബ്ബ ചലനത്തിലേക്കുള്ള നോക്കിക്കുത്തി പോലെ.
(തുടരും……… )
ഭാഗം മൂന്ന്:പകല്‍ക്കിനാവിലെ സുലത്താന്മാര്‍

ബൂലോഗ കള്ളന്‍

2008-10-01T10:59:00.000-07:00

ബൂലോഗ കോടതിയില്‍ ഭൂമിമലയാളത്തിലെ സകലമാന ബൂലോഗരും ബൂലോഗനിരീക്ഷകരും തിങ്ങി നിറഞ്ഞ് നില്ക്കുകയാണ്.
ഇവര്‍ക്കിടയില് ഒരു കൃശഗാത്രന്‍ പാവത്താനപ്പോലെ പേടിച്ചരണ്ട് രക്ഷിക്കണേ എന്ന് പറഞ്ഞ് കൈകൂപ്പി തൂങ്ങി നില്‍ക്കുന്നുണ്ടു.
ബലിഷ്ടകരമായ നാലഞ്ച് കരങ്ങള്‍ അവനറെ കോളറില്‍ പിടുത്തമിട്ടിരിക്കുന്നു. അറക്കാന്‍ വിധിക്കപ്പെട്ട കോഴിയെപ്പോലെ.
ഇടിനാദം മുഴങ്ങി.
നിശബ്ദത പടര്‍ന്നു.
കോടതി തുടങ്ങി.
ബൂലോഗനിരീക്ഷകര്‍ വിസ്താരം ആരംഭിച്ചു.
“ ഈ കള്ളന്‍, ബൂലോഗ കള്ളന്‍ ബ്ലോഗിലെ കൃതികള്‍ അടിച്ച് മാറ്റി സ്വന്തം പേരില്‍ അടിച്ച് പണവും പ്രശസ്തിയും നേടി”
കള്ളന്‍: ഞാനത് നിഷേധിക്കുന്നു.
ബൂലോഗനിരീക്ഷകര്‍: കള്ളന്മാര്‍ അത് എന്നും നിഷേധിച്ചിട്ടെ ഉള്ളു.
കള്ളന്‍: ബഹുമാനപ്പെട്ട കോടതി ദയവായി ഞാന്‍ പറയുന്നത് കേള്‍ക്കണം
കോടതി: അനുവദിച്ചിരിക്കുന്നു, നിങ്ങള്‍ക്ക് തുടരാം.
കള്ളന്‍: ബഹുമാനപ്പെട്ട കോടതി ഈ ഭാഗം പ്രത്യേകം രേഖപ്പെടുത്തണമെന്ന് ഞാന്‍ വിനീതമായി അപേക്ഷിക്കുന്നു. ഭൂമിമലായളത്തിലെ വെറും അമ്പത്താറ് അക്ഷരങ്ങള്‍, വെറും അമ്പത്താറ് അക്ഷരങ്ങളും നിഘണ്ടുവിലെ അല്ലറ ചില്ലറ കുറച്ച് വാക്കുകളും ചേര്‍ത്ത് ഞാനെന്ത്ങ്കിലും എഴുതിയതിനാണ് ഇവരെന്നെ പെരുംകള്ളനെന്ന് വിളിച്ചത്. ഇവര്‍ പെരുംകള്ളനെന്ന് എന്നെ വിളിച്ചത്
കള്ളന്‍ കണ്ണീര്‍ വരുത്തി കണ്ണ് തുടച്ച് മൂക്ക് പിഴിഞ്ഞ് അടുത്ത് നിന്ന ബൂലോഗരുടെ മുണ്ടില്‍ തുടച്ചു. പിന്നെ വാവിട്ട് നിലവിളിച്ചു.
ബൂലോഗര്‍ അന്തം വിട്ടു
കോടതിയില്‍ പവര്‍ കട്ട്.
നിശബ്ദതയില്‍ അന്ധകാരം കലങ്ങി.
.ഇതെന്ത് കഥ? ഇതിനെന്ത് മറുപടി?
അന്തം വിട്ടു കിട്ടിയ ചാന്‍സില്‍ കള്ളന്‍ ഒന്നുകൂടി ഉഷാറായി. മുഖം തുടച്ച്, വീണ്ടും കരഞ്ഞ് പിഴിഞ്ഞ് പറയാന്‍ തുടങ്ങി.
“ഇങ്ങനെ പറഞ്ഞാല്‍ ഇവിടെ എന്നെക്കാള്‍ വലിയ തസ്കരന്മാര്‍ ഉണ്ട്. എന്നിട്ടാണ് എന്നെ മാത്രം ഇങ്ങനെ പീഢിപ്പിക്കുന്നത്.”
കള്ളന്‍ മോങ്ങി മോങ്ങി കരഞ്ഞു.
കള്ളന്‍: ഇന്ന് ഏറ്റവും കൂടുതല്‍ വായനക്കാരുള്ള ഒരു ബ്ലോഗാണ് എന്റ്റെത്. ലക്ഷക്കണക്കിന് ആളുകള്‍ നിരന്തരം വായിക്കുന്ന ഒരു ബ്ലോഗാണ് എന്റ്റെത്.
ഇവര്‍ അസൂയ കൊണ്ടാണ് എനിക്കെതിരെ ആരോപണം ഉന്നയിക്കുന്നത്.
ബൂലോഗനിരീക്ഷകര്‍: അത് ഈ കള്ളന്റെ കഴിവ് കൊണ്ടല്ല. വിശ്വഭവാനെപ്പോലുള്ളവരുടെ കൃതികളുടെ ശക്തി കൊണ്ടാണ്.
കള്ളന്‍: രാമായണവും ഭാരതവും ബൈബിളും ഖുറാനും വരെ അടിച്ച് മാറ്റിയവരെ ഇവര്‍ അവാര്‍ഡും സ്വീകരണവും കൊടുത്ത് സല്‍ക്കരിച്ചു. മാധ്യമ മുത്തശിമാര്‍ പോലും ബൂലോഗത്തില്‍ കൈയ്യിട്ട് വാരുന്നു. എന്നിട്ട് എന്നെ മാത്രം പെരുംകള്ളനെന്ന് വിളിച്ചു. ഇതിനെക്കളും നല്ലത് ഈ കോടതി എന്നെ അങ്ങ് തൂക്കി കൊന്നു കളഞ്ഞേക്ക്. മതിയായി ഈ ബൂലോഗം.
(കള്ളന്‍ തോക്കില്‍ കയറി വെടി വെച്ചു.)
കള്ളന്‍: ബഹുമാനപ്പെട്ട കോടതി ദയവായി ഞാന്‍ പറയുന്നത് പച്ച സത്യമായി കരുതി എന്നെ വെറുതെ വിട്ടാല്‍ ബൂലോഗ അമ്പലപ്പള്ളിയില്‍ ഒരു നെയ്യ് മെഴുകുതിരി നേര്‍ച്ച ഒപ്പിക്കാം. പിന്നെ ഭണ്ഡാരത്തില്‍ നിങ്ങള്‍ക്ക് ഇഷ്ടമുള്ള എന്തെങ്കിലും ഉണ്ടെങ്കില്‍ അത് ഞാനെടുത്തോളാം.
ബൂലോഗനിരീക്ഷകര്‍: ഇതില്‍ നിന്നു തന്നെ മനസ്സിലാക്കാം ഇവനൊരു പഠിച്ച കള്ളനാണെന്ന്. വിശ്വഭവാന്റെ കൃതികളാണ് ഈ കള്ളന്‍ പ്രധാനമായും അടിച്ച് മാറ്റുന്നത്.
അതും പോസ്റ്റ് ചെയ്ത് നിമിഷങ്ങള്‍ക്കകം. അതിനുള്ള സകല തെളിവുകളും ഞങ്ങളുടെ കൈയ്യിലുണ്ടു. ബഹുമാനപ്പെട്ട കോടതിയ്ക്ക് അത് പരിശോധിക്കാം. ആയതിനാല്‍ ഈ കള്ളന്റെ കണ്ണ് കുത്തി പൊട്ടിച്ച് ആജീവനാന്ത അന്ധനാക്കണമെന്ന് ഞങ്ങള്‍ ശക്തിയുക്തം വാദിക്കുന്നു. കണ്ണുള്ളവര്‍ കാണട്ടെ കാതുള്ളവര്‍ കേള്‍ക്കട്ടെ. ഇനി ഇത് ആരും ആവര്‍ത്തിക്കാതിരിക്കാന്‍ ഇത്രയും കഠിനമായ ശിക്ഷ തന്നെ കൊടുക്കണമെന്ന് ഞങ്ങള്‍ വിനീതമായി അപേക്ഷിക്കുന്നു. കൂടുതല്‍ തെളിവുകള്‍ക്കായി വിശ്വഭവാനെ കോടതിക്ക് വിസ്തരിക്കാം.
കോടതി: വിശ്വഭവാന് എന്തെങ്കിലും പറയാനുണ്ടെങ്കില്‍ കോടതിയില്‍ ബോധ്യപ്പെടുത്താം. ഇദ്ദേഹം നിങ്ങളുടെ കൃതികള്‍ മോഷ്ടിക്കുന്നതായി നിങ്ങള്‍ക്കറിയാമോ?
വിശ്വഭവാന്‍: അറിയില്ല. ഞാനത് അന്വേഷിക്കാന്‍ ശ്രമിച്ചിട്ടില്ല.
കള്ളന്‍: കണ്ടില്ലെ അദ്ദേഹത്തിന്‍ പോലും ഒന്നും അറിഞ്ഞുകൂടാ. വെറുതെ ഒരോന്ന് പറഞ്ഞ് പാവത്തിനെ അറിയിച്ച് വിഷമിപ്പിക്കണ്ട. ഇപ്പോള്‍ മനസ്സിലായില്ലെ ഞാന്‍ നിരപരാധിയാണെന്ന്. അതുകൊണ്ടു ഈ മര്യാദക്കാരനെ ദയവായി പോകാന്‍ അനുവദിച്ചാലും.
കോടതി: ധിക്കാരി. വായ അടക്കു.
കള്ളന്‍: ഞാനൊരു മര്യാദക്കാരനാണെ.
വിശ്വഭവാന്‍: ഞാന്‍ പണത്തിനോ പ്രശസ്തിക്കോ വേണ്ടിയല്ല എഴുതുന്നത്. എനിക്ക് ചില കാര്യങ്ങള്‍, ആശയങ്ങള്‍ പറയണമെന്ന് തോന്നുമ്പോള്‍ എഴുതുന്നു. പിന്നീട് അതിന് എന്ത് സംഭവിക്കുന്നുവെന്ന് ഞാന്‍ അന്വേഷിക്കാറില്ല. ആവശ്യമുള്ളവര്‍ക്ക് എടുക്കാം വേണ്ടാത്തവര്‍ക്ക് തിരസ്ക്കരിക്കാം. നേരത്തെ അദ്ദേഹം സൂചിപ്പിച്ചത് പോലെ അദ്ദേഹത്തിന്റെ ബ്ലോഗ് കൂടുതല്‍ ആളുകള്‍ വായിക്കുന്നുണ്ടെങ്കില്‍ എന്റെ ആശയങ്ങള്‍ കൂടുതല്‍ ആളുകളില്‍ എത്തുന്നുണ്ടെന്നാണല്ലോ. അതില്‍ ഞാന്‍ കൃതാര്‍ത്ഥനാണ്. അതു കൊണ്ടു തന്നെ അദ്ദേഹത്തിനോട് എനിക്ക് ഒരു വിരോധവുമില്ല. ഞാന്‍ നിമിത്തം അദ്ദേഹത്തിന് എന്തെങ്കിലും നേട്ടം ഉണ്ടായിട്ടുണ്ടെങ്കില്‍ അതിലും ഞാന്‍ സന്തോഷിക്കുന്നു.
കോടതിയില്‍ നിഷേധ ആരവം ഉയര്‍ന്നു.
ഇതിനോട് ആര്‍ക്കും യോജിക്കാന്‍ പറ്റില്ല.
അങ്ങിങ്ങ് ഗ്രൂപ്പ് ചര്‍ച്ചകളും മര്‍മ്മരങ്ങളും കൊണ്ടു കോടതി നിറഞ്ഞു.
ഇടിനാദം മുഴങ്ങി.
കോടതി തീരുമാനത്തിനായി എല്ലാവരും കാത് കൂര്‍പ്പിച്ചു.
കോടതി: കിട്ടിയ തെളിവുകളുടെ അടിസ്ഥാനത്തില്‍ പ്രതി സാഹിത്യചോരണം എന്ന കുറ്റം ചെയ്തിട്ടുണ്ടെന്ന് നിസ്സംശയം കോടതിയ്ക്ക് തെളിഞ്ഞിരിക്കുന്നു. പക്ഷെ വിശ്വഭവാന് പ്രത്യേക പരാതിയില്ലാത്തതിനാല്‍ ഒരു ചെറിയ ശിക്ഷ കൊടുക്കാന്‍ കോടതി തീരുമാനിച്ചിരിക്കുന്നു. ചെയ്ത തെറ്റിന് നിര്‍വ്യാജം ഖേദം രേഖപ്പെടുത്തിക്കൊണ്ടു അദ്ദേഹത്തിന്റെ ബ്ലോഗില്‍ ഒരു ആയിരം പോസ്റ്റിടാന്‍ കോടതി ഇതിനാല്‍ വിധി പ്രസ്താവിക്കുന്നു.
അടുത്ത ദിവസം കള്ളന്റെ ബ്ലോഗില്‍ പോസ്റ്റ് വന്നു.
പ്രിയ ബൂലോഗരെ, എന്റെ ബ്ലോഗില്‍ വന്ന പോസ്റ്റുകള്‍ ആരുടെയെങ്കിലും ബ്ലോഗിലെ പോസ്റ്റുകളുമായി വല്ല സാമ്യവുമുണ്ടെങ്കില്‍ അതിന് ഞാന്‍ ഉത്തരവാദിയല്ല. ഇരട്ടക്കുട്ടികളെപ്പോലെ അല്ലെങ്കില്‍ ഒരേ ആശയം ഒന്നിലധികം പേര്‍ ഒന്നിച്ച് ചിന്തിക്കുന്നത് പോലെ ഇത് തികച്ചും നിര്‍ദോഷകരമാണ്. ഇനി അഥവ വല്ല സാമ്യവുമുണ്ടെങ്കില്‍ ഞാന്‍ നിര്‍വ്യാജം ആയിരം തവണ ഖേദം പ്രകടിപ്പിക്കുന്നു. സ്വകാര്യമായി ഒരു കാര്യം അറിയക്കട്ടെ ബൂലോഗത്ത് കുറെ കള്ളന്മാര്‍ ഇറങ്ങിയിട്ടിണ്ടു. അതു കൊണ്ടു ബൂലോഗര്‍ ജാഗ്രതൈ.

അപവാദം അഥവ നവീന സദാചാരം (ഭാഗം ഒന്ന്)

2008-09-26T09:19:00.000-07:00

ചായക്കടയില്‍ ഇരുന്നു ചായ കുടിക്കുമ്പോള്‍ സുഗുണനാണ് അത് ആദ്യം ശ്രദ്ധിച് തുടങ്ങിയത്. സൈനബയുടെ വീട്ടില്‍ ആരോ ഇടയ്ക്ക് ഇടയ്ക്ക് വന്ന് പോകുന്നുണ്ട്.
അത് അവിടെ കുട്ടിക്ക് ട്യൂഷന്‍ എടുക്കാന്‍ വരുന്ന മാഷാണ് ചായക്കടക്കാരന്‍ കുമാരേട്ടന്‍ പറഞ്ഞു.
അവള്‍ അവിടെ ഒറ്റക്കല്ലെ?
അതെ അവളുടെ കെട്ടിയോന്‍ ദുബായിലാണ്.
അതാണ് എന്റെ ചിന്ത. സുഗുണന്റെ ചിന്ത കാട് കയറി.
സുന്ദരിയായ സൈനബയെ എത്രയോ വട്ടം സ്വപ്നം കണ്ട് കിടന്ന രാവുകള്‍ സുഗുണന് മറക്കാന്‍ കഴിയില്ല.
സൈനബയുടെ സുന്ദര രൂപം ഉറക്കം കെടുത്തിയ രാത്രികള്‍…
ആത്മരതിയുടെ സുഖം പകറ്ന്ന രാവുകള്‍
സൈനബയുടെ വീട്ടിലേക്കുള്ള ചെറുപ്പക്കാരന്റെ പോക്ക് വരവ് സുഗുണന് ദുസ്വപ്നങ്ങളുടെ നിതാന്ത ശല്യ് മായി.
സൈനബയും ചെറുപ്പക്കാരനായ മാഷും ഒറ്റക്ക്..
അവിടെ എന്താണ് സംഭവിക്കന്നത്..
എന്തും സംഭവിക്കാം.
ഭര്‍ത്താവ് അടുത്തില്ലാത്ത കാമദാഹം നിറഞ്ഞ സുന്ദരി
സുഗുണന്റെ ചോര തിളക്കാന്‍ തുടങ്ങി.
അസ്വസ്ഥത തലയില്‍ പമ്പരം പോലെ കറങ്ങി പുകഞ്ഞു.
ആരും അത്രയൊന്നും ശ്രദ്ധിക്കാത്ത സൈനബയുടെ വീട്ടിലേക്കുള്ള ചെറുപ്പക്കാരന്റെ പോക്ക് വരവ് സുഗുണന്‍ പറഞ്ഞ് പറഞ്ഞ് ചായക്കടയില്‍ വരുന്നവരുടെ
സിരകളിലേക്ക് കുലം കുത്തി ഒഴുക്കി.
നിറം പിടിപ്പിച്ച രതി കഥകള്‍ ഉണ്ടായി തുടങ്ങി. സൈനബ രതി റാണിയായി.
സൈനബയുടെ അംഗപ്രത്യംഗ വര്‍ണ്ണനകള്, രതിവിലാസങ്ങള്‍ ചായക്കൊപ്പം സുഗുണനും കൂട്ടരും വിളമ്പി.
ചായ കുടിച്ചവരും കുടിക്കാത്തവരും സൈനബ രതിലീലകള്‍ കേട്ട് തല തല്ലി ചിരിച്ചു. തറുതല പറഞ്ഞ് തിമര്‍ത്തു.
രാത്രിയില്‍ സ്വയഭോഗം ചെയ്ത്, സൈനബയെ പുലഭ്യം പറഞ്ഞ് രോഷം ഒഴുക്കി തീര്‍ത്തു.
ഇതിനിടയില്‍ കുമാരേട്ടന്റെ കടയിലെ വ്യാപാരം പൊടിപൊടിച്ചു. ആളുകള്‍ ഏറെ വന്നു തുടങ്ങി.
അതുകൊണ്ടു കുമാരേട്ടനും അതി നിഗൂഢമായ ആനന്ദനിര്‍വൃതിയിലായിരിന്നു.
സുഗുണന് സൌജന്യമായി ചായ കൊടുക്കനും കുമാരേട്ടന്‍ മറന്നില്ല.
എന്തിനാണ് ഓരോരത്തരുടെ വ്യക്തിപരമായ കാര്യത്തില്‍ ഇടപെടുന്നത് എന്ന് ചില പുരോഗമനവാദികള്‍ ചോദിച്ചെങ്കിലും പരദൂഷണ കലി കയറിയ
പുരുഷകേസരികള്‍ അതൊന്നും കേള്‍ക്കാനും തയ്യാറായില്ല.
ചായക്കടയില്‍ വരുന്നവര് ചായകുടി ഒരു സൈഡ് ബിസിനസ്സ് ആക്കി പ്രധാന പരിപാടി സൈനബവിശേഷങ്ങളും സൈനബയെ ഒളിഞ്ഞ് നോക്കലും ആക്കി മാറ്റി.
എന്നാലും ഒരു പെണ്ണ് ഇങ്ങനെ ചെയ്യാന്‍ പാടുണ്ടോ?
അവളുടെ ഭര്‍ത്താവ്‌ ദുബായില്‍ കൊടും വെയിലത്ത് കഷ്ടപ്പെട്ട് പണിയെടുക്കുക. ഇവള്‍ ഇവിടെ കണ്ടവനേയും കൊണ്ടു നടക്കുക.
ഇനിയെന്തെങ്കിലും ആവശ്യമുണ്ടെങ്കില്‍ ഞങ്ങള്‍ ഇവിടെ ഇല്ലെ. ഒരു വാക്കു മതിയല്ലോ.
ലോകത്തിലെ സര്‍വ്വ സ്ത്രീകളേയും സഹായിക്കാന്‍ നടക്കുന്ന സുഗുണമാര്‍ക്ക് ഇതില്‍പ്പരം ഒരു അവമാനമുണ്ടോ?
എന്തെങ്കിലും ചെയ്തെ പറ്റു. ഇത് ഇങ്ങനെ വിട്ടാല്‍ പറ്റില്ല.
ഇത് നാടിന്റെ അഭിമാനപ്രശ്നമാണ്.
അവളുടെ വീട്ടില്‍ കയറി നാല് തെറി പറയണം.
ഊര് വിലക്കണം.
ആ നാണം കെട്ട അവന്റെ മേലെ നായ്ക്കൊരണപ്പൊടി വിതറണം.
അവളുടെ മുല മുറിച്ച് കളയണം. രാമാ‍യണം വായിച്ചവര്‍ക്കാണ് അത് തോന്നിയത്.
അവളെ നാറ്റിക്കണം.
ആസൂത്രണങ്ങള്‍ വന്‍ തോതില്‍ സുഗുണന്‍മാര്‍ കിടന്നും ഇരുന്നും ഉരുണ്ടും ആലോചിച്ചു.
അസൂയയും മോഹഭംഗവും തീര്‍ത്ത പുരുഷ കാമമേഘങ്ങളുടെ പെരുമഴ കോരിപ്പെയ്യാന്‍ പോകുന്നതറിയ്യാതെ പാവം സൈനബ.
(ബാക്കി ഭാഗം രണ്ടില്‍.)

ആസ്ഥാന പാരിതോഷികങ്ങള്‍

2008-08-23T12:45:00.000-07:00

രംഗം ഒന്ന്:>
രാജാവ്: മന്ത്രി ഞങ്ങളുടെ സിംഹക്കുട്ടികള്‍ ക്രിക്കറ്റില്‍ ലോക കപ്പ് നേടിയതില്‍ നാം അതീവ സന്തുഷ്ടനാണ്.
അവര്‍ക്ക് ഒന്നോ രണ്‍ടോ കോടിയുടെ വീടുകള്‍ സമ്മാനമായി കൊടുക്കണം. ഒന്നോ രന്‍ഡോ
കാറുകളും കൊടുത്തോളു.പോരാതെ വന്‍പിച്ച സ്വീകരണവും ഏര്‍പ്പാട് ചെയ്യണം.
മന്ത്രി: ഉത്തരവ് രാജന്‍.
രാജാവ്:നമ്മുടെ വ്യവസായ പ്രമുഖര്‍ സന്തുഷ്ടരല്ലെ?
മന്ത്രി: അവര്‍ സന്തുഷ്ടരാണ്. ഇത് അവര്‍ വന്‍പിച്ച ഉത്സവമാക്കാന്‍ തീരുമാനിച്ച് കഴിഞ്ഞു.
രാജാവ്:അവരുടെ ആദ്യത്തെ സ്വീകരണം നമ്മുടെ കൊട്ടാരത്തില്‍ തന്നെ ആകട്ടെ.
രംഗം രണ്ട്:>>
മന്ത്രി: തിരുമേനി ഞങ്ങ്ലുടെ കുട്ടികള്‍ ഫുട്ബോളിലും ലോക കപ്പ് നേടി.
രാജാവ്: ഫട്ബോള്‍!?!.... ആ…ഒരു ബോളിന് പിറകെ കുറെപ്പേര്‍ ഓടുന്ന കളിയല്ലെ? അവറ്ക്കും കിട്ടിയോ കപ്പ്? അതിശയം.. അതിശയം..
മന്ത്രി: അവര്‍ക്ക് എന്താണ് കൊടുക്കേണ്ടത്? പ്രഭോ..
രാജാവ്: അവര്‍ക്ക് ഓരോ ഫുട്ബോള്‍ വാങ്ങി കൊടുക്കു. പാവങ്ങള്‍..നന്നായി കളിക്കട്ടെ. ഒരു പന്തിന് പിറകെ ഓടാതെ ശരിക്കും കളിച്ച് പഠിക്കട്ടെ
രംഗം മൂന്ന്:>>>

മന്ത്രി: രാജാ‍വെ ഞങ്ങളുടെ അഭിനവക്കുട്ടന്‍ റ്യിഫിള്‍ ഷൂട്ടിങ്ങില്‍ സ്വര്‍ണ്ണ മെഡല്‍ നേടി. ചരിത്ര നേട്ടമാണ് പ്രഭോ. ഒരു 50 ലക്ഷത്തിന്റെറ സമ്മാനം പ്രഖ്യാപിക്കട്ടെ?

രാജാവ്: മന്ത്രി. അഭിനവക്കുട്ടന്റെ അച്ചന് എത്ര രൂപ ചെലവായിക്കാണും പരിശീലനത്തിന്?
മന്ത്രി: ഒരു നാല് അഞ്ച് കോടി രൂപ
രാജാവ്: എന്നിട്ടാണോ മന്ത്രി നിങ്ങള്‍ 50 ലക്ഷം കൊടുത്ത് അവമാനിക്കുന്നത്.
മന്ത്രി: പിന്നെ എന്താണ് ചെയ്യേണ്ടേത് രാജന്‍?
രാജാവ്:ഒരു സ്വര്‍ണ്ണ മെഡല്‍ അല്ലെ അഭിനവക്കുട്ടന് കിട്ടിയത്. കൊടുക്കു നമ്മുടെ വക പത്ത് മെഡലുകള്‍. സ്വര്ണ്ണ്ത്തില്‍ പൊതിഞ്ഞ പത്ത് ചെന്‍പ് മെഡലുകള്‍ തന്നെ ആകട്ടെ.
മന്ത്രി: രാജാവ് ജയിക്കട്ടെ.
അന്ത്യ രംഗം:>>>>
മന്ത്രി: തിരുമേനി ഞങ്ങ്ലുടെ ഗുസ്തികുട്ടന്മാര്‍ പിചചള മെഡലുകള്‍ നേടിയിരിക്കുന്നു.
രാജാവ്: നന്നായി. നാം അവരെ അഭിനന്ദിക്കുന്നു. അവര്‍ രാജ്യത്തിന്റെ യശസ്സ് ഉയറ്ത്തി പിടിച്ചിരിക്കുന്നു. നമ്മുക്ക് ആ മെഡലുകള്‍ കാണാന്‍ തിടുക്കുമായിരിക്കുന്നു മന്ത്രി.
മന്ത്രി: അവരെ എങ്ങനെ അഭിനന്ദിക്കും പ്രഭോ?
രാജാവ്: ആ മെഡലുകള്‍ അവരുടെ കുടിലില്‍ സുരക്ഷിതമായിരിക്കില്ല. അതുകൊന്ടു ആ മെഡലുകള്‍ നമ്മുടെ
കൊട്ടാരത്തില്‍ ഭദ്രമായി സൂക്ഷിക്കു.
മന്ത്രി: പിന്നെ..
രാജാവ്: അവരോട് അടുക്കളപ്പുറത്ത് ചെന്നു കഞ്ഞി കുടിച്ച് പോകാന്‍ പറയ്.
മന്ത്രി: രാജാവ് നീണാള്‍ വാഴട്ടെ…..

രംഗത്ത് ചുവന്ന തിരശ്ശീല പടരുന്നു.

സ്വന്തം ഇടം

2008-08-08T03:14:00.000-07:00

“സ്വന്തം ഭാഷയും
സ്വന്തം ദേശീയതയും
നെഞ്ജോട് ചേര്‍ത്ത്
സ്വന്തം മണ്ണില്‍ ജീവിക്കാനുള്ള അവകാശം
ഓരോ ജനതയുടെയുംജന്മാവകാശമാണ്“

രണ്ടും രണ്ട്

2008-06-21T05:25:00.000-07:00

തന്ത കള്ള് മോന്തുമ്പോള്‍
തള്ള കണ്ണീര്‍ മോന്തുന്നു.
കള്ളിന് ചവര്‍പ്പ്
കണ്ണീരിന് ഉപ്പ്.

അതിലഹരി

2008-06-21T05:18:00.000-07:00

ഒരു കുപ്പിക്കള്ളില്‍
ഞാനെന്‍ ദാഹമെരിച്ച് കളഞ്ഞല്ലോ
ഒരു പെണ്ണിന്‍ നിറമാറില്‍
ഞാനെന്‍ മോഹമുരിച്ച് കളഞ്ഞല്ലോ
ഇനിയീക്കഞ്ചാവിന്‍ ലഹരിയില്‍
ഞാനൊന്ന് മയങ്ങട്ടെ.

ഒരു ചോദ്യം?

2008-06-21T05:16:00.000-07:00

ഗാന്ധിയെ കൊന്ന
ഗോഡ്സെയെ കൊന്ന
ഇന്ത്യയെ കൊല്ലുന്നതാര്?

വാക്കുകള്‍ തിരിച്ച് വരുന്നില്ല

2008-06-13T06:08:00.002-07:00

അക്ഷരങ്ങള്‍ ,വാക്കുകള്‍
എഴുതുമ്പോള്‍ എന്റ്റെതും
വായിക്കുമ്പോള്‍ നിങ്ങളുടേതും
അതെ, ഇതു നിങ്ങള്‍ക്ക് എടുക്കാം
നിങ്ങള്‍ക്ക് ഗുണമില്ലെങ്കില്‍
ഞാന്‍ എന്തിന് എഴുതണം
പറഞ്ഞ വാക്കുകളും
എഴുതിയ വാക്കുകളും
നിങ്ങളുടേതാകുന്നു
അത് എന്നിലേക്ക്‌ തിരിച്ചു വരുന്നില്ല

കര്‍മ്മം

2008-06-13T05:13:00.002-07:00

നിളയുടെ തീരത്ത് ഞാനൊരു ചെടി നട്ടു.
ആ ചെടി പൂത്തപ്പോള്‍
ഞാന്‍ വീണ്ടൂമൊരു ചെടി നട്ടു.
ആദ്യത്തെ ചെടിയൊരു മരമാകുമ്പോള്‍
എനിക്ക് ചിതയൊരുക്കാന്‍ നേരമാകും
വീണ്ടുമൊരു ചെടി കൂടി നടുന്നു
പേരക്കിടാങ്ങാള്‍ക്കൊരു ഊഞ്ഞാല കെട്ടാന്‍ .

‌ --xxx--

2008-06-13T01:41:00.000-07:00

നല്ല നാളെ,നല്ല മനുഷ്യര്‍, നല്ല ഭൂമി